Varhoma 2:8 - BIBELE Mahungu Lamanene

⁸ kambe lava nga ni moya wa ku tirhandza, va alaka ntiyiso, va fambaka hi ku homboloka, xi ta va hlundzukela ni ku va karihela.

Testamente Leyimpsha Xichangana

⁸ kambe lavanga ni moya wa kutirhandza, vayalaka ntiyiso, vafambaka hi kuhomboloka, xitavahlundzukela ni kuvakarihela.

Xitsonga (Bibele)

⁸ kambe lava kanetaka, lava alaka ntiyiso, va yingisela ku homboloka, xi ta va karihela ni ku va holovela:

Varhoma 2:8 Referans Kwoze

Nhlavutelo 16:19

Muti lowukulu wu handzuka wu huma swivandla swinharhu, kutani miti ya vamatiko yi hindzimuka. Xikwembu xi tsundzuka Babilona, muti lowukulu, ku wu nwisa xinwelo xa vhinyo ya vukari lebyikulu bya xona, wu minya.

1 Petro 4:17

Hikuva nkarhi wu fikile wa ku avanyisiwa loku nga ta sungula hi va yindlu ya Xikwembu. Kutani, loko ku sungula hi hina, xana makumu ya lava nga yingisiki Evhangeli ya Xikwembu ma ta va layo yini xana?

2 Vatesalonika 1:8

emalangavini ya ndzilo. Xi ta ba lava va nga xi tiviki, va nga lava nga yingisiki Evhangeli ya Hosi ya hina Yesu.

Swivuriso 13:10

Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.

Nhlavutelo 14:10

na yena ú ta nwa vhinyo ya vukari bya Xikwembu, leyi nga ta cheriwa exinwelweni xa ku kariha loku ka xona, yi nga timuriwanga; kutani ú ta xanisiwa hi ndzilo ni xivavula, emahlweni ka tintsumi leto kwetsima ni le mahlweni ka Xinyimpfana.

Vaheveru 11:8

Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

Vaheveru 10:27

kambe ku lo sala ntsena ku langutela loku chavisaka ka ku avanyisiwa, ni vukari lebyi pfurhaka lebyi nga ta herisa valala va Xikwembu.

Vaheveru 5:9

Kutani loko a endliwile la hetisekeke, ú hundzukile xihlovo xa ku ponisiwa loku nga heriki eka hinkwavo lava va n'wi yingisaka,

Tito 3:9

Fularhela ta ku phikisana hi leswi nga pfuniki nchumu kumbe hi swivongo, u tshika ni timholovo, ni ku kanetana hi ta Nawu; swilo leswi a swi pfuni nchumu, i swa hava.

1 Vakorinto 11:16

Hambiloko munhu a lava ku phika hi swona, hina a hi tolovelanga sweswo, na tona tikereke ta Xikwembu a ti swi tolovelanga.

Varhoma 15:18

hikuva ndzi nga ka ndzi nga tiyi nhlana ku vula nchumu, ehandle ka leswi Kriste a nga swi endla ha mina, ku tisa vamatiko eku yingiseni, hi marito ni mintirho,

Varhoma 10:16

Kambe a hi hinkwavo lava amukeleke Mahungu Lamanene, hikuva Esaya ú te: “Hosi, xana i mani la kholweke leswi hi byeriweke swona xana?”

Varhoma 9:22

Kambe, ku yini ka swona ke, loko Xikwembu lexi a xi navela ku komba vukari bya xona ni ku endla leswaku ntamu wa xona wu tiviwa, xi vile ni mbilu leyo leha ngopfu, xi lehisela swibya leswi a swi vumberiwile ku kariheriwa ni ku fayeteriwa, xana?

Varhoma 6:17

Kambe a ku nkhensiwe Xikwembu, hikuva n'wina lava khale a mi ri mahlonga ya ku dyoha, sweswi mi yingisile hi mbilu hinkwayo ntiyiso wa dyondzo leyi mi yi kumeke.

Varhoma 1:18

Sweswi ke, vukari bya Xikwembu byi vonaka byi huma hi le tilweni, byi wela ehenhla ka vubihi ni vuhomboloki hinkwabyo bya vanhu lava sivelaka van'wana ku tiva ntiyiso, hikwalaho ka ku homboloka ka vona.

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Pisalema 90:11

Xana i mani la anakanyaka matimba ya vukari bya wena xana? La tsundzukaka ku hlundzuka ka wena loku chavisaka i mani ke?

Ntirho 24:13

Yobo ú ri: “Ku ni vanhu lava vengaka ku vonakala, va nga lavi ku famba erivaleni; a va twanani ni swa nhlekanhi.

1 Petro 3:1

Swi tano na n'wina, vavasati lava tekiweke: Titsongahateni eka vanuna va n'wina, leswaku van'wana va nga kokiwa hi mahanyelo ya n'wina vasati va vona, hambiloko va nga yingisi Rito. A va nga byeriwi hi munhu,

2 TIKRONIKA 6:23

yingisa u ri ematilweni; tirha, u avanyisa mhaka ya malandza ya wena: La nga ni nandzu, n'wi vone nandzu, u n'wi rihisa ku dyoha ka yena; kasi la nga riki na nandzu, n'wi khanise emhakeni ya kona, a riheriwa hilaha swi n'wi fanelaka hakona.

Swivuriso 11:23

Ku navela ka lavo lulama ku hela hi leswinene ntsena, kambe ku langutela ka lavo homboloka ku helela eku avanyisiweni.

Yeremiya 34:18

Varhangeri va Yuda ni va Yerusalema, ni lava tirhaka entsindza, ni vaprista, ni vanhu hinkwavo va tiko, va tibohile emahlweni ka mina hi ku pandza rhole, rihlanguti rin'wana ri langutana ni lerin'wana, kutani va hundza exikarhi ka swona. Kambe ku tiboha ka vona va ku tshikile, a va ku hlayisanga; hikokwalaho ndzi ta va fanisa ni rhole leri pandziweke leri!

Ezekiele 22:31

Hikokwalaho ndzi chululerile vukari bya mina ehenhla ka vona; ndzi va herisile hi ndzilo wa ku hlundzuka ka mina, ndzi va ba hikwalaho ka swiendlo swa vona. Ndzi vula sweswo mina HOSI N'wini wa hinkwaswo.”

2 Vakorinto 12:20

Ndzi chava leswaku, loko ndzi ta, ndzi ta mi kuma mi nga ha fani na leswi ndzi swi lavisaka swona, ni leswaku na mina, mi ta ndzi kuma ndzi nga ha fani na leswi mi swi lavisaka swona. Ndzi chava leswaku loko ndzi ta, ndzi ta kuma timholovo, ni mavondzo, ni vuntswaka, ni ku tirhandza, ni ku rhuketelana, ni mahlevo, ni ku tikukumuxa, ni madzolonga.

Vagalatiya 5:20

ni ku phahla swikwembu swa hava, ni xiloyiloyi, ni rivengo, ni timholovo, ni vukwele, ni ku kariha, ni ku tirhandza, ni ku avana, ni ku lwetana,

Vafilipiya 1:17

Kambe lavan'wana va twarisa Kriste hi moya wa ku phikisana, swi nga humi etimbilwini ta vona; va anakanya leswaku va nga engetelela ku ndzi xanisa, leswi ndza ha riki ekhotsweni.

Vafilipiya 2:3

Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.

Yakobo 3:14

Kambe loko timbilu ta n'wina ti tele mavondzo ni moya wo tirhandza, mi nga tshuki mi tikurisa mi hembela ntiyiso.

Yakobo 3:16

Hikuva laha mavondzo ni moya wo tirhandza swi nga kona, ku ni mpfilumpfilu kona, ni maendlele hinkwawo yo homboloka.