Varhoma 2:7 - BIBELE Mahungu Lamanene

⁷ Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

Testamente Leyimpsha Xichangana

⁷ Lava vatiyiselaka kuyendla lesvinene, na vali karhi vanavela kuva lavakwetsimaka ni lavadzunekaka ni lava vangahafiki, Xikwembu xitavanyika vutomi lebzingaheliki;

Xitsonga (Bibele)

⁷ Xi ta nyika vutomi lebyi nga heriki eka lava lavaka ku kwetsima, ni ku twala ni vutomi lebyo kala rifu, hi ku tiyisela emitirhweni yo saseka;

Varhoma 2:7 Referans Kwoze

Luka 8:15

Timbewu leti nga wela emisaveni leyinene, i vanhu lava yingisaka Rito hi timbilu leto lulama, letinene, va ri hlayisa, va veka mihandzu hi ku tiyisela.

2 Timotiya 1:10

Kutani sweswi tintswalo leti ta tikomba erivaleni, hi ku ta ka muponisi wa hina Kriste Yesu, yena loyi a heriseke rifu, a humesela erivaleni vutomi lebyi nga onhakiki, hi matimba ya Evhangeli.

1 Vakorinto 15:58

Hikokwalaho, vamakwerhu lava rhandzekaka, tiyani swinene mi nga tsekatsekeni; tiyiselani swinene, mi tirhela Hosi masiku hinkwawo, mi ri karhi mi swi tiva leswaku eHosini mintirho ya n'wina a yi nga weli ehansi.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Vagalatiya 6:9

Loko hi ri karhi hi endla leswinene, hi nga karhaleni, hikuva hi ta tshovela hi nkarhi wa kona, loko hi nga heli mbilu.

Varhoma 8:18

Hikokwalaho ke, ndzi anakanya leswaku mahlomulo ya nkarhi wa sweswi a ma faneli ku ringanisiwa ni ku kwetsima loku hi nga ta kombiwa kona.

Varhoma 2:10

kambe ku kwetsima, ni ku dzuneka, ni ku rhula, ku ta nyikiwa hinkwavo lava endlaka leswinene, ku sungula hi Vayuda, ku yisa ni ka vamatiko;

Pisalema 37:3

Wena tshemba HOSI, u endla leswinene, kutani u ta tshamiseka etikweni, u nga chavisiwi hi nchumu.

Pisalema 27:14

Tshemba HOSI, u tiya nhlana; u nga tsekatseki, ina tshemba HOSI!

1 Yohane 2:25

Kutani leswi a nga hi tshembisa swona, i vutomi lebyi nga heriki.

Varhoma 9:23

Kumbe, ku yini ka swona ke, loko xi endlele ku tivisa vukulu bya ku kwetsima ka xona, ehenhla ka swibya leswi a swi vumberiwile ku tsetseleriwa, swi nga swibya leswi xi swi lunghiseke ka ha ri ku sunguleni leswaku swi ta nyikiwa ku kwetsima ka xona, xana?

Yohane 5:44

Mi nga pfumerisa ku yini ke, kasi mi tsakela ku dzunisana, mi nga lavi ku dzunisiwa loku humaka eka Xikwembu, lexi nga xin'we ntsena!

Pisalema 37:34

Tshemba HOSI Xikwembu, u famba endleleni ya xona, xi ta ku tlakusa xi ku nyika tiko, kutani u ta hlalela ku herisiwa ka lavo homboloka.

Ntirho 17:9

Loyi a nge, ú lulamile, a nga hundzuki miehleketo, loyi a nge, mavoko ya yena ma tengile, ú ta omela kwalaho.

Vaheveru 6:15

Hi ndlela yoleyo Abrahama, hi ku lehisa mbilu, ú kumile leswi a tshembisiweke swona.

Vaheveru 6:12

A hi lavi leswaku mi va lavo loloha, kambe hi lava leswaku mi fana ni vanhu lava sweswi va kumaka leswi va tshembisiweke swona, hi mhaka ya ku pfumela ka vona ni ku lehisa timbilu.

Ezekiele 18:17

Ú chava ku endla leswo homboloka; loko a lombisa mali, a nga lavi ntswalo wa yona, a nga bindzuli ha yona. Ú hlayisa milawu ya mina ni switsundzuxo swa mina, a hanya ha swona. Munhu wo tano a nge feli swidyoho swa tata wa yena; hakunene, ú ta kuma ku hanya.

Matewu 25:46

Kutani volavo va ta ya eku biweni loku nga heriki, kambe lavo lulama va ta ya evutomini lebyi nga heriki.”

Luka 21:19

hi ku tiyisela ka n'wina, mi ta tikumela vutomi.

Yohane 4:36

la tshovelaka ú kuma hakelo, kutani ú hlengeleta mavele, a ma hlengeletela ku kuma vutomi lebyi nga heriki, leswaku loyi a byalaka ni loyi a tshovelaka va kota ku tsaka swin'we.

1 Vakorinto 15:42

Ku pfuka ka vafi ku tano na kona: Ku fana ni mbewu, miri wu lahliwa wu ri lowu hatlaka ku onhaka, wu pfuxiwa wu ri lowu nga ha onhakiki;

1 Vakorinto 15:50

Leswi ndzi vulaka swona, vamakwerhu, hi leswi: Nyama ni ngati swi nga ka swi nga dyi ndzhaka ya Mfumo wa Xikwembu, naswona leswi hatlaka ku onhaka swi nga ka swi nga dyi ndzhaka ya leswi nga onhakiki.

Vaefesa 6:24

Tintswalo a ti ve ni hinkwavo lava rhandzaka Hosi ya hina Yesu Kriste hi rirhandzu leri nga onhakiki!

1 Timotiya 1:17

Eka Hosi ya minkarhi hinkwayo, leyi nga riki na ku fa, leyi nga voniwiki, xona Xikwembu xi ri xoxe, a ku ve ku chaviseka ni ku dzuneka, hilaha ku nga heriki! Amen.

Vaheveru 2:7

U n'wi vekile a va hansi ka tintsumi nkarhinyana, u n'wi tlhandlekile harhi ya ku kwetsima ni ku twala enhlokweni;