Varhoma 2:25 - BIBELE Mahungu Lamanene

²⁵ Swa twala leswaku ku yimba ka pfuna, loko u hlayisa Nawu; kambe loko u tlula Nawu, ku yimba ka wena ku to fana ni loko u nga yimbanga.

Testamente Leyimpsha Xichangana

²⁵ Svatwala lesvaku kuyimba kapfuna, loko uhlayisa Nawu; kambe loko utlula Nawu, kuyimba ka wena kutofana ni loko ungayimbanga.

Xitsonga (Bibele)

²⁵ Kunene ku yimba ka pfuna loko u hlayisa nawu, kambe loko u ri mutluri wa nawu, ku yimba ka wena ku ta va ku hundzukile vukhuna.

Varhoma 2:25 Referans Kwoze

Yeremiya 4:4

N'wina vanhu va tiko ra Yuda, na n'wina mi akeke eYerusalema, tinyiketeni eka mina hi mbilu hinkwayo, mi tshika ku tinonon'hwisa. Loko swi nga ri tano, mi ta hisiwa hi vukari bya mina hikwalaho ka mintirho ya n'wina leyo biha; a ku nga vi na loyi a nga ta tima ndzilo wa kona!”

Vagalatiya 6:15

Hikuva, hambi munhu a yimbile kumbe a nga yimbanga, a swi vuli nchumu. Mhaka leyikulu i ku va xivumbiwa lexintshwa.

Timhaka 7:51

“N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

Duteronoma 30:6

HOSI Xikwembu xa n'wina xi ta hundzuluxa timbilu ta n'wina ni ta vana va n'wina, mi ta kota ku xi rhandza hi timbilu ta n'wina hinkwato ni mimoya ya n'wina hinkwayo, leswaku mi ta kuma vutomi.

Varhoma 2:28

Ku va Muyuda wa xiviri, a swi tikombi hi le handle ntsena; ni ku yimba ka xiviri, a ku vonaki ehandle, emirini.

Varhoma 2:23

Wena la tidzunisaka hi Nawu, xana a wu sorisi Xikwembu loko u tlula Nawu wolowo ke?

Varhoma 2:13

Hikuva a hi vatwi va Nawu lava voniwaka va ri lava lulameke emahlweni ka Xikwembu, kambe lava fambaka hi ku lerisa ka wona, hi vona lava nga ta hlayiwa leswaku va lulamile.

Varhoma 2:26

Kambe loko munhu la nga yimbangiki a hlayisa swileriso swa Nawu, ú ta hlayiwa la yimbeke, hambiloko a nga yimbanga.

Varhoma 2:27

Kutani loko munhu la nga yimbangiki a famba hi Nawu, ú ta ku avanyisa wena la tlulaka Nawu, hambiloko u ri ni leswi tsariweke swa Nawu, kumbe hambi u yimbile.

1 Vakorinto 7:19

Ku yimba, ni ku va munhu a nga yimbanga, a hi nchumu, swa fana; mhaka i ku hlayisa milawu ya Xikwembu.

Vagalatiya 6:13

hikuva hambi va ri lava sindzisaka swa ku yimba, a va hlayisi Nawu, kambe va navela ntsena leswaku mi yimba, va ta kota ku tidzunisa hi ku vula leswaku mi ni mfungho wa kona emirini wa n'wina.