Varhoma 2:21 - BIBELE Mahungu Lamanene

²¹ wena ke la dyondzisaka van'wana, a wu tidyondzisi xana? Wena la vulaka leswaku ku nga tshuki ku yiviwa, a wu yivi ke?

Testamente Leyimpsha Xichangana

²¹ wena lweyi ujondzisaka van'wana, awutijondzisi ke? Wena lweyi uhlayaka lesvaku kungatshuki kuyiviwa, awuyivi ke?

Xitsonga (Bibele)

²¹ Wena-ke, la dyondzisaka van'wana, a ku tidyondzisi-ke? Wena la vulaka u ku: “Ku nga tshuki ku yiviwa,” wa yiva.

Varhoma 2:21 Referans Kwoze

1 Vakorinto 9:27

kambe ndzi xanisa miri wa mina, ndzi wu endla hlonga, leswaku ndzi nga kumeki ndzi ri la tsandzekaka, endzhaku ka loko mina ndzi ta va ndzi dyondzisile van'wana.

Luka 12:47

“Nandza loyi a tivaka ku rhandza ka n'wini wa yena, kutani a nga lunghisi nchumu, a nga endli ku rhandza ka n'wini wa yena loyi, ú ta biwa ngopfu;

Mikiya 3:11

Varhangeri va muti va pfumela ku xaviwa ehubyeni, vaprista va dyondzisela muholo ntsena, na vona vaprofeta va vhumbhela ku hakeriwa; hinkwavo va tisirhelela hi ku vula leswaku va nge humeleriwi hi nchumu xo biha, hikuva Xikwembu xi na vona.

Luka 11:46

Kambe Yesu a ku: “Mi ni khombo na n'wina vadyondzisi va Nawu, hikuva mi rhwexa vanhu mindzhwalo leyo tika, kasi n'wina a mi khumbi mindzhwalo yoleyo hi ritiho hambi ri ri rin'we.

Luka 19:22

Hosi yi hlamula yi ku: ‘Wena nandza lowo biha, ndzi ta ku avanyisa hi ku vulavula ka wena. A wu swi tiva leswaku ndzi munhu wo nonon'hwa, ni leswaku ndzi teka lexi ndzi nga xi vekangiki, ni ku tshovela lexi ndzi nga xi byalangiki!

Luka 4:23

Kutani a ku ka vona: “Ndza tshemba leswaku mi ta ndzi byela xivuriso lexi nge: ‘N'anga, tihanyise hi wexe!’ Naswona mi ta ku: ‘Leswi hi swi tweke swi endliwa hi wena eKapernawume, swi endle ni kwala tikweni ra wena!’ ”

Matewu 21:13

a ku ka vona: “Ku tsariwile leswi: “ ‘Yindlu ya mina yi ta vuriwa yindlu ya xikhongelo’, kasi n'wina mi yi endlile ‘bako ra makhamba’.”

Ezekiele 22:27

Lava nga varhangeri etikweni va fana ni mahlolwa lama phatlulelaka xiharhi lexi ma xi dlayeke: Va herisa vanhu leswaku va ta kuma rifuwo.

Vagalatiya 6:13

hikuva hambi va ri lava sindzisaka swa ku yimba, a va hlayisi Nawu, kambe va navela ntsena leswaku mi yimba, va ta kota ku tidzunisa hi ku vula leswaku mi ni mfungho wa kona emirini wa n'wina.

Esaya 56:11

Varhangeri lava va fana ni timbyana to rhandza ngopfu swakudya, a va xurhi! I varisi lava nga ehleketiki, hinkwavo va endla leswi va tsakelaka swona, un'wana ni un'wana ú tirha leswi swi nga ta vuyerisa yena ntsena.

Esaya 42:20

N'wina Vaisraele, mi vona swilo swo tala, kambe a swi vuli nchumu eka n'wina; tindleve ta n'wina a ti pfalekanga, kambe a mi twi nchumu.”