Varhoma 2:2 - BIBELE Mahungu Lamanene

² Ha swi tiva leswaku Xikwembu a xi hoxi loko xi avanyisa lava endlaka leswo tano.

Testamente Leyimpsha Xichangana

² Hasvitiva lesvaku Xikwembu axihoxi loko xithethisa lavayendlaka lesvotano.

Xitsonga (Bibele)

² Hikuva ha tiva leswaku ku avanyisa ka Xikwembu ku lulamile eka lava endlaka leswo tano.

Varhoma 2:2 Referans Kwoze

Sofoniya 3:5

Kambe HOSI Xikwembu lexi nga mutini lowu, xi lulamile, a xi endli nchumu xo biha; mixo wun'wana ni wun'wana xi komba ku lulama ka xona, tanihi vurhonga, a xi tluli siku; hambiswiritano, lavo homboloka a va khomi hi tingana!

Pisalema 145:17

Tindlela ta HOSI Xikwembu hi leto lulama hinkwato, rirhandzu ra xona ra vonaka emintirhweni ya xona hinkwayo.

Yeremiya 12:1

We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Pisalema 98:9

loko HOSI Xikwembu xi ta ku ta fuma misava. Xi ta yi avanyisa hi ku lulama, vamatiko xi ta va fambisa hi nawu.

Pisalema 96:13

hikuva HOSI Xikwembu xa ta ku ta fuma misava; xi ta yi avanyisa hi ku lulama, xi fambisa vamatiko entiyisweni wa xona.

Nhlavutelo 19:2

hikuva ku avanyisa ka xona ka tshembeka, ku lulamile minkarhi hinkwayo. Xi avanyisile muoswi lonkulu loyi a boriseke misava hi vuoswi bya yena, kutani xi rihiserile ngati ya malandza ya xona ehenhla ka yena.”

Nhlavutelo 16:5

Hiloko ndzi twa ntsumi leyi nga ni matimba ehenhla ka swa mati yi ku: “U lulamile eku avanyiseni ka wena, wena la kwetsimeke, wena loyi a nga kona, loyi a a ri kona.

Varhoma 9:14

Loko swi ri tano, xana hi ta ku yini? Xana Xikwembu xi tirha hi ku homboloka xana? Niswitsanana!

Varhoma 2:5

Hi mbilu ya wena leyo nonon'hwa, leyi nga laviki ku hundzuka, u tihlengeletela vukari lebyi byi nga ta ku wela hi siku lero chavisa, leri ku avanyisa loku lulameke ka Xikwembu ku nga ta humelela ha rona.

Timhaka 17:31

Hikuva xi vekile siku leri xi nga ta avanyisa misava eku lulameni, hi wanuna loyi xi n'wi hlawuleke; kutani xi kombisile vanhu hinkwavo ku tiya ka mhaka leyi hi ku pfuxa munhu loyi exikarhi ka vafi.”

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Ezekiele 18:29

N'wina Vaisraele mi vula leswaku matirhele ya mina HOSI N'wini wa hinkwaswo a ma twali. Xana i matirhele ya mani lama nga twaliki xana? I matirhele ya n'wina Vaisraele, ku nga ri ya mina!

Ezekiele 18:25

“N'wina Vaisraele mi tala ku vula leswaku matirhele ya mina HOSI N'wini wa hinkwaswo a ma twali. Ndzi yingiseni! Xana i matirhele ya mani lama nga twaliki xana? I matirhele ya n'wina, ku nga ri ya mina!

Esaya 45:21

Boxani mhaka mi yi andlala, kambe rhangani mi twanana swinene! I mani la tiviseke khale leswi nga ta humelela, i mani la swi vuleke swa ha ri kule, xana? Xana a hi mina HOSI ke? Ehandle ka mina, a ku na xikwembu xin'wana, hi mina ntsena ndzi nga Xikwembu xo lulama, lexi ponisaka.

Esaya 45:19

A ndzi vulavulanga exihundleni, kumbe exivandleni lexi nga ni xinyami; a ndzi byelanga va ka Yakobo, ndzi ku: ‘Ndzi laveni laha ku nga riki na nchumu.’ Mina HOSI ndzi vulavula ntiyiso, ndzi tivisa vanhu leswi nga swona.”

Pisalema 9:4

Wena u yima na mina, u lwela tifanelo ta mina; u tshamile exitshan'wini xa wena xa vuhosi, u avanyisa hi ku lulama.

Ntirho 34:23

“Xikwembu xi nge vekeriwi nkarhi wo yisa munhu eku avanyisiweni.

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Varhoma 2:1

Loko swi ri tano, wena munhu la avanyisaka van'wana, a wu na ku tilandzula, hambi u nga va mani kumbe mani, hikuva loko u ri karhi u avanyisa van'wana, na wena wa tiavanyisa, leswi wena muavanyisi wa van'wana, u endlaka swo leswi vona va swi endlaka.

Varhoma 2:3

Wena munhu la avanyisaka lava endlaka leswo tano, wa swi endla na wena! Xana u anakanya leswaku u ta pona eku avanyiseni ka Xikwembu xana?