Varhoma 2:13 - BIBELE Mahungu Lamanene

¹³ Hikuva a hi vatwi va Nawu lava voniwaka va ri lava lulameke emahlweni ka Xikwembu, kambe lava fambaka hi ku lerisa ka wona, hi vona lava nga ta hlayiwa leswaku va lulamile.

Testamente Leyimpsha Xichangana

¹³ Hikuva ahi vatwi va Nawu lavavoniwaka na vali lavalulameke mahlweni ka Xikwembu, kambe lavafambaka hi kulandza wona, hivona lavangatahlayiwa lesvaku valulamile.

Xitsonga (Bibele)

¹³ Kunene a hi vatwi va nawu lava lulameke emahlweni ka Xikwembu, kambe i vaendli va nawu, hi vona lava nga ta khanisiwa.

Varhoma 2:13 Referans Kwoze

1 Yohane 3:7

Vana vanga, mi nga pfumeli ku xisiwa hi munhu ni un'we. Loyi a endlaka leswo lulama ú lulamile, kukota leswi Kriste a lulameke.

Varhoma 2:25

Swa twala leswaku ku yimba ka pfuna, loko u hlayisa Nawu; kambe loko u tlula Nawu, ku yimba ka wena ku to fana ni loko u nga yimbanga.

Vagalatiya 2:16

Hambiswiritano, hi tiva leswaku munhu a nga endliwi la lulameke emahlweni ka Xikwembu hi ku hlayisa Nawu, kambe ku ri ntsena hi ku pfumela eka Yesu Kriste; kutani hina hi pfumerile eka Kriste Yesu, leswaku hi endliwa lava lulameke hi ku pfumela eka yena, ku nga ri hi ku hlayisa Nawu; hikuva ku tsariwile va ku: “A ku na munhu na un'we la nga ta endliwa la lulameke hi ku hlayisa Nawu.”

1 Yohane 2:29

Loko mi tiva leswaku ú lulamile, mi nga kholwa swinene leswaku un'wana ni un'wana loyi a endlaka leswo lulama, ú tswariwe hi yena.

Varhoma 10:5

Muxe ú tsarile leswaku munhu la lavaka ku lulama loku humaka eNawini, ú ta hanya ha kona.

Luka 8:21

Kambe yena a ku: “Manana ni vamakwerhu, hi lava twaka Rito ra Xikwembu, va vuya va hanya ha rona.”

Varhoma 3:30

leswi kunene Xikwembu xi nga xin'we; xi ta endla va ku yimba va va lava lulameke hi mhaka ya ku pfumela, na vona lava nga yimbangiki hi mhaka leyi ya ku pfumela.

Timhaka 13:39

sweswi un'wana ni un'wana la pfumelaka wa pemberisiwa ka swona ha Yesu.

Luka 18:14

“Ndzi ri eka n'wina: Muluvisi loyi ú tlhelele ekaya ka yena a hlayiwile la lulameke ku tlula Mufarisi; hikuva un'wana ni un'wana la tikurisaka, ú ta tsongahatiwa, ni la titsongahataka ú ta kurisiwa.”

Ezekiele 20:11

kutani ndzi va nyikile milawu ni swiletelo, leswaku un'wana ni un'wana wa vona loyi a swi hlayisaka, a ta kuma ku hanya.

Pisalema 143:2

U nga tshuki u ndzi avanyisa mina nandza wa wena: A ku na munhu na un'we la misaveni la nga riki na nandzu emahlweni ka wena.

Duteronoma 5:1

Kutani Muxe a hlengeleta Vaisraele hinkwavo, a vulavula na vona a ku: “N'wina Vaisraele, yingisani swinene milawu ni swiletelo leswi ndzi mi byelaka swona namuntlha; swi dyondzeni mi swi hlayisa, mi hanya ha swona.

Duteronoma 4:1

“N'wina Vaisraele, yingisani swinene milawu ni swiletelo leswi ndzi mi dyondzisaka swona, mi hanya ha swona, mi ta kuma vutomi, kutani mi ta nghena etikweni leri HOSI Xikwembu xa vatata wa n'wina xi mi nyikaka rona mi ri teka ri va ra n'wina.

Vagalatiya 5:4

Mi tihambanisile na Kriste, n'wina hinkwenu lava rhandzaka ku endliwa lava lulameke emahlweni ka Xikwembu hi mhaka ya ku hlayisa Nawu; mi wele kule ni tintswalo ta Xikwembu.

Varhoma 3:23

Vanhu hinkwavo va dyohile, hikokwalaho ku kwetsima loku a va nyikiwile hi Xikwembu, va ku pfumala.

Varhoma 3:20

Hikuva a ku na munhu ni un'we loyi a nga ta hlayiwa la lulameke emahlweni ka xona hi mhaka ya leswi a nga endla hi ku lerisa ka Nawu; ntiyiso wa kona hileswaku Nawu wu komba lexi ku dyoha ku nga xona.

Duteronoma 6:3

N'wina Vaisraele, yingisani milawu leyi, mi yi hlayisa, mi hanya ha yona, leswaku mi ta kateka, kutani mi va ni vana lavo tala etikweni leriya ri khulukaka ntswamba ni vulombe, hilaha HOSI Xikwembu xa vatata wa n'wina xi tshembiseke hakona.

Yeremiya 11:6

HOSI Xikwembu xi ku ka mina: “Huwelela u tivisa vanhu emitini ya Yuda ni le magondzeni ya Yerusalema, u ku ka vona: ‘Yingisani marito ya ntwanano lowu, mi hanya ha wona,

Yohane 13:17

Loko mi tiva swilo leswi, mi tlhela mi swi endla, mi ta va mi katekile.

1 Vakorinto 4:4

A ndzi titwi ndzi ri ni nandzu wa nchumu; kambe leswi a hi swona swi ndzi endlaka la lulameke; loyi a ndzi avanyisaka i Hosi.

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.