Varhoma 15:5 - BIBELE Mahungu Lamanene

⁵ Ingi Xikwembu lexi ku tiyisela ni ku chaveleriwa ku humaka ka xona, xi nga mi nyika n'wina hinkwenu ku anakanya loku fanaka, hi ku landza ntila wa Kriste Yesu,

Testamente Leyimpsha Xichangana

⁵ Ingi Xikwembu lexi kutiyisela ni kuchaveleliwa svihumaka ka xona, xingaminyika n'wina hinkwenu kuyehleketa loku kufanaka, hi kulandza kululama ka Yesu Kriste,

Xitsonga (Bibele)

⁵ Xikwembu xa ku yingisela ni xa ku chavelela, a xi mi nyike ku ehleketa ku ri kun'we, exikarhi ka n'wina, ha Yesu Kriste;

Varhoma 15:5 Referans Kwoze

1 Petro 3:8

Eku heteleleni: N'wina hinkwenu mi fanele ku va ni moya wun'we, mi twelana vusiwana, mi va ni rirhandzu eka vamakwenu, mi va ni mbilu ya vumunhu ni miehleketo ya ku titsongahata.

Varhoma 12:16

Hanyisanani hi moya wun'we; mi nga tshuki mi navela leswi tlakukeke, kambe mi tolovelana ni lava titsongahataka; mi nga tivoni vutlhari.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

2 Vakorinto 13:11

Sweswi ke, vamakwerhu, ndzi ri: Salani! Ringetani ku hetiseka; amukelani ku tsundzuxa ka mina; mi va ni ku anakanya kun'we; mi hanya hi ku rhula; kutani Xikwembu xa rirhandzu ni xa ku rhula xi ta va na n'wina.

Varhoma 15:13

Ingi Xikwembu lexi ku langutela ku humaka ka xona xi nga mi tata hi ku tsaka hinkwako ni ku rhula hinkwako eku pfumeleni, leswaku, hi matimba ya Moya lowo Kwetsima, ku langutela ku mi talela, ku va ku khapa.

Pisalema 86:5

U ni vunene we N'wini wanga, naswona wa rivalela, hinkwavo lava va ku khongelaka wa va rhandza.

1 Vakorinto 1:10

Ndza mi khongotela vamakwerhu, hi vito ra Hosi ya hina Yesu Kriste, ndzi ri: Twananani hinkwenu eku vulavuleni. Ku nga tshuki ku va ni ku avana exikarhi ka n'wina, kambe mi hlangana mi va van'we eku anakanyeni ne makungwini ya n'wina;

Eksoda 34:6

Kutani xi hundza hi le mahlweni ka Muxe, xi ri karhi xi huwelela, xi ku: “HOSI, HOSI, Xikwembu lexi twelaka vanhu vusiwana ni ku va tsetselela, lexi hlwelaka ku kariha, lexi taleke tintswalo ni ku tshembeka,

Vafilipiya 4:2

Ndzi khongotela Efodiya, ndzi khongotela na Sintika, leswaku leswi va nga va Hosi, va fanele ku twanana.

Vafilipiya 2:2

hetisisani ku tsaka ka mina hi ku va ni miehleketo yo fana, ni rirhandzu ro fana, ni moya wun'we, ni ku anakanya kun'we.

Vafilipiya 1:27

Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

2 Petro 3:15

Kutani, twisisani leswaku loko Hosi ya hina yi lehisa mbilu, yi endlela ku hi ponisa. Makwerhu Pawulo murhandziwa wa hina, na yena ú mi tsalele hi yona ndlela leyi, hi ku landza vutlhari lebyi a nyikiweke byona.

Vafilipiya 3:16

Ntsena a hi khomeni hi tiya eka leswi hi nga fika eka swona.

Timhaka 4:32

Nhlengeletano ya lava pfumeleke a yi ri mbilu yin'we ni moya wun'we; a ku nga ri na munhu ni un'we loyi a a vula leswaku swilo leswi a nga na swona hambi xi ri xin'we xa swona, i swa yena ntsena; kambe swilo hinkwaswo a va ku, i swa vona hinkwavo.

Ezekiele 11:19

Kutani ndzi ta va nyika ku twanana, va va ni mbilu yin'we ni miehleketo leyintshwa. Ndzi ta susa timbilu ta vona leto nonon'hwa, ndzi va nyika timbilu to olova leti yingisaka.

2 TIKRONIKA 30:12

Etikweni ra Yuda, HOSI Xikwembu xi tirha hi matimba etimbilwini ta vanhu, va twanana ku yingisa rito ra xona, va endla leswi hosi Hezekiya ni tindhuna ta yena va leriseke swona.

2 Petro 3:9

Hosi a yi hlweli ku endla leswi yi nga tshembisa swona, hilaha van'wana va twisisaka “ku hlwela” hakona, kambe yi lehisa mbilu hikwalaho ka n'wina; a yi lavi leswaku ni un'we wa n'wina a lova, kambe yi lava leswaku hinkwavo va ta eku hundzukeni.

Varhoma 15:3

Hikuva hambi a ri Kriste, a nga titsakisanga, kambe, hilaha ku tsariweke ha kona: “Ku sandza ka lava ku sandzaka ku ndzi wele henhla.”

1 Petro 3:20

leyi eku sunguleni yi nga yingisangiki Xikwembu loko xi lehisa mbilu xi yima xi nga endli nchumu, enkarhini lowu Nowa a nga lunghisa ngalava ha wona. Engalaveni leyi ku nghenile va nga ri vangani, hileswaku vanhu va 8, lava ponisiweke ha yona ematini.

2 Vakorinto 7:6

Kambe Xikwembu lexi chavelelaka lava heleke matimba, xi ndzi chavelerile hi ku fika ka Tito;

Yeremiya 32:39

Ndzi ta va pfuna ku va ni mbilu yin'we, va ndzi hanyela hinkwavo ni ku ndzi komba xichavo minkarhi hinkwayo; kutani hi mukhuva wolowo va ta kuma minkateko, vona ni vana va vona.