Varhoma 14:1 - BIBELE Mahungu Lamanene

¹ Loyi a tsaneke eku pfumeleni, n'wi amukeleni, kambe mi nga phikisani na yena loko mi hambana hi mianakanyo.

Testamente Leyimpsha Xichangana

¹ Lweyi anga ni kupfumela kutsongo, muyamukeleni, kambe mingakanetaneni na yena loko mihambana kuyehleketeni.

Xitsonga (Bibele)

¹ Loko a ri la tsaneke eku pfumeleni, mi n'wi amukela, mi nga tengisani na yena etimhakeni.

Varhoma 14:1 Referans Kwoze

Varhoma 15:1

Hina lava hi nga ni matimba, hi fanele ku rhwala ku hluleka ka lava tsaneke, ku nga ri ku titsakisa hina vinyi.

1 Vakorinto 9:22

Eka lava tsaneke, ndzi tiendlile loyi a tsaneke, leswaku ndzi ta kota ku koka lava tsaneke. Kutani ke, ndzi tiendlile hinkwaswo eka vanhu lava hinkwavo, leswaku hi tindlela hinkwato ndzi nga kota ku ponisa van'wana.

Varhoma 15:7

Hikokwalaho, amukelanani, kukotisa leswi Kriste na yena a mi amukeleke, eku dzuniseni ka Xikwembu.

Varhoma 14:21

Swi sasekile loko u nga dyi nyama kumbe u nga nwi vhinyo, ni loko u titsona xilo xihi ni xihi lexi nga vangelaka makwenu ku khunguvanyeka.

2 Yohane 1:10

Loko ku ta munhu un'wana eka n'wina la kanetaka dyondzo leyi, mi nga n'wi amukeli emutini wa n'wina, hambi ku n'wi xeweta mi nga n'wi xeweti;

Varhoma 4:19

A nga tlhelelanga ndzhaku hi tlhelo ra ku pfumela, loko a tivona a hlakele miri tanihi mufi (hikuva malembe ya yena a ma ri kusuhi ni dzana), ni loko a vona nsati wa yena Sara leswaku ú hundzele hi nkarhi.

Luka 17:2

Swi nga va swinene loko ribye ra ku sila ri boheleriwa enhan'wini ya yena a hoxiwa lwandle, ku ri ni loko a khunguvanyisa un'wana wa lavatsongo lava.

Matewu 14:31

Yesu a hatla a tshambuluta voko, a n'wi khoma, a ku ka yena: “Munhu wa ku pfumela lokutsongo, u kanakanile ha yini xana?”

Matewu 12:20

A nga ka a nga tshovi rihlanga leri khinyekeke, naswona a nga ka a nga timi rivoni leri nge keti-keti,

Esaya 42:3

Rihlanga leri khinyekeke, a nga ka a nga ri tshovi, ni rivoni leri ngo keti-keti, a nge ri timi; ú ta va la tshembekeke, loyi a tisaka ku lulama.

Esaya 40:11

Ú fana ni murisi loyi a byiselaka ntlhambi wa yena emadyelweni; ú ta hlengeleta swinyimpfana, a swi tlakula, vamana wa swona, ú ta va byisa khwatsi.

Ntirho 4:3

Wa swi tiva, u khongoterile lava tala, lava karheleke, u va nyikile matimba.

Ezekiele 34:16

Ndzi ta lava leti lahlekeke, ndzi vuyisa leti nga hambuka endleleni: ndzi ta bohelela leti khwitaka, ndzi tiyisa leti tsaneke, kambe leti noneke ni leti tiyeke, ndzi ta vona leswaku ti nga karhati letin'wana. Eku riseni ka mina, ndzi ta tirha hi ku lulama!

Ezekiele 34:4

A mi tikarhatelanga leto ka ti nga tiyanga, leti vabyaka a mi ti tshungulanga, a mi bohelelanga leti khwitaka, a mi vuyisanga leti hambukeke endleleni, leti lahlekeke a mi ti landzanga mi vuya na tona; mi fambisile ntlhambi wa kona hi voko ro tika ra tihanyi.

Vafilipiya 2:29

Loko swi ri tano, n'wi amukeleni hi ku tsaka hinkwako kukota makwenu eHosini. Kombani xichavo eka vanhu lavo tano,

Yohane 13:20

Ndzi tiyisisile ndzi ri ka n'wina: La amukelaka un'wana ni un'wana loyi ndzi n'wi rhumaka, ú amukela mina; ni loyi a ndzi amukelaka, ú amukela Loyi a ndzi rhumeke.”

Matewu 18:10

“Tilanguteleni leswaku mi nga sandzi un'wana wa lavatsongo lava; hikuva ndza mi byela leswaku tintsumi ta vona le matilweni ti tshama ti langutile mombo wa Tata wa mina la nge matilweni, masiku hinkwawo. [

Zakariya 11:16

hikuva ndzi ta veka murisi lontshwa etikweni leri: A nga ka a nga vi na mhaka ni tinyimpfu leti lovaka; leti lahlekeke a nga ka a nga ti landzi; a nge tshunguli leti vavisekeke, ni loko ti tsakile, a nge ti phameli. Ú ta tiva ntsena ku dya nyama ya leti noneke, a phorha ni swinyondzwana swa tona.

Marka 7:19

hikuva a swi ngheni embilwini ya yena, kambe swi ya ekhwirini, kutani swi ya humela enhoveni ke?” (Hi ku vula sweswo Yesu a a komba leswaku swakudya hinkwaswo swi tengile.)

Timhaka 28:2

Vaaki va xona va hi komba tintswalo leto hlamarisa; va hi amukela hinkwerhu, va ri karhi va hi tshivelela ndzilo lowukulu, hikuva mpfula a yi na, naswona a ku ri ni xirhami.

Varhoma 11:15

Hikuva loko ku cukumetiwa ka vona ku endlile leswaku misava yi vuyelelana ni Xikwembu, ku amukeriwa ka vona hi Xikwembu ku ta vula yini, loko ku nga ri ku hanya ka lava a va file, xana?

Varhoma 14:2

Un'wana la nga ni matimba eku pfumeleni, ú dya xin'wana ni xin'wana; un'wana la tsaneke eku pfumeleni ú dya matsavu ntsena.

Varhoma 14:3

Loyi a dyaka xin'wana ni xin'wana, a nga tshuki a sola loyi a nga dyiki; ni loyi a nga dyiki xin'wana ni xin'wana, a nga tshuki a avanyisa loyi a dyaka, hikuva i Xikwembu lexi xi n'wi amukeleke.

1 Vatesalonika 5:14

Kutani ha mi khongotela vamakwerhu, hi ri: Layani malolo, mi tiyisa lava helaka ntamu; pfunani lava tsaneke, mi lehisela hinkwavo timbilu.

Vaheveru 5:14

Kambe swakudya leswi tiyeke i swa lava kuleke, i swa lava miehleketo ya vona yi vupfeke, lava toloveleke ku hlawula leswinene eka leswo biha.