Varhoma 13:7 - BIBELE Mahungu Lamanene

⁷ Humeselani hinkwavo tifanelo ta vona; loyi a fanelaka ku amukela ndzuvo, n'wi nyikeni; loyi a fanelaka ku luviwa, n'wi luveni; loyi a fanelaka ku chaviwa, n'wi chaveni; loyi a fanelaka ku xiximiwa, n'wi xiximeni.

Testamente Leyimpsha Xichangana

⁷ Nyikani hinkwavu timfanelo ta vona; lweyi afanelaka kuyamukela rhesa, aanyikiwe; lweyi afanelaka nyiko, aanyikiwe, lweyi afanelaka kuxiximiwa, aaxiximewe; lweyi afanelaka kuchaviwa, aachaviwe.

Xitsonga (Bibele)

⁷ Nyikani vanhu hinkwavo leswi va fanelaka; la fanelaka ku nyikiwa ndzuvo, mi n'wi ha ndzuvo; la fanelaka ku kungiwa, mi n'wi kunga; la fanelaka ku chaviwa, mi n'wi chava; la fanelaka ku fundzhiwa, mi n'wi fundzha.

Varhoma 13:7 Referans Kwoze

Luka 20:25

Hiloko a ku ka vona: “Hikokwalaho, nyikani Khezari leswi nga swa Khezari, ni Xikwembu leswi nga swa Xikwembu.”

Matewu 17:25

A ku: “Ina, wa humesa.” Loko Petro a nghenile ndlwini, Yesu a tekelela ku n'wi vutisa, a ku: “Xana u anakanya yini Simoni? Tihosi ta misava ti luvisa kumbe ku therisa vamani xana? Xana i vana va tona, kumbe i vanhu va le handle xana?”

Swivuriso 24:21

N'wananga, chava HOSI Xikwembu ni tihosi, u nga twanani ni lava tisaka mpfilumpfilu,

1 Timotiya 5:17

Endla leswaku vakulukumba lava tirhaka swinene ntirho wa vurisi va kombisiwa xichavo lexikulu, ngopfu-ngopfu lava tikarhataka ku twarisa Rito ni ku dyondzisa,

Matewu 22:21

Va n'wi hlamula va ku: “I swa Khezari.” Kutani a ku ka vona: “Nyikani Khezari leswi nga swa Khezari, ni Xikwembu leswi nga swa Xikwembu.”

Vaefesa 6:5

N'wina mahlonga, yingisani vini va n'wina va laha misaveni, hi xichavo ni ku titsongahata, mi swi endla hi timbilu to basa, ku fana ni loko mi tirhela Kriste hi xiviri;

1 Petro 3:7

Hi mukhuva wolowo, na n'wina vavanuna, hanyisanani ni vasati va n'wina hi ku twelelana, hikuva va fana ni swibya leswi nga tiyangiki, naswona mi va xixima, hikuva va ta dya ndzhaka ya tintswalo ni vutomi swin'we na n'wina. Va xiximeni leswaku mikhongelo ya n'wina yi ta kala yi nga siveriwi.

1 Timotiya 6:1

Lava rhwexiweke joko ra vuhlonga, a va teke vinyi va vona va ri lava fanelaka ku xiximiwa, leswaku vito ra Xikwembu ni leswi hi swi dyondzisaka, swi nga tshuki swi soriwa.

Vaefesa 5:33

Kutani a swi ve tano eka n'wina hinkwenu: Wanuna a a rhandze nsati wa yena, kukota loko a tirhandza; na yena wansati a a ve ni xichavo eka nuna wa yena.

Luka 23:2

va sungula ku n'wi veka nandzu, va ku: “Hi kumile munhu loyi a ri karhi a hlohlotela tiko ra hina, a arisa vanhu ku humesela Khezari endzuvo; kutani ú tivula Mesiya, Hosi.”

Marka 12:17

Hiloko Yesu a ku: “Nyikani Khezari leswi nga swa Khezari, ni Xikwembu leswi nga swa Xikwembu.” Kutani va hlamala ngopfu hi ku hlamula ka yena.

1 SAMIELE 12:18

Hiloko Samiele a khongela HOSI Xikwembu, kutani hi siku rero xi pfumisa tilo, xi nisa ni mpfula; hikokwalaho vanhu va sungula ku chava ngopfu HOSI Xikwembu na Samiele.

Levhitika 19:32

“Mi fanele ku va ni xichavo eka lavakulu, mi va xixima, naswona mi chava Xikwembu xa n'wina: Hi mina HOSI.

Levhitika 19:3

“Un'wana ni un'wana wa n'wina ú fanele ku va ni xichavo eka mana wa yena ni ka tata wa yena, naswona a hlayisa masiku ya mina ya Savata: Hi mina HOSI, Xikwembu xa n'wina.

Eksoda 20:12

“Xixima tata wa wena ni mana wa wena, leswaku u ta hanya masiku layo tala etikweni leri mina HOSI Xikwembu xa wena ndzi ku nyikaka rona.

1 Timotiya 5:13

Naswona, vavasati va tinoni lavantshwa va dyondza ku loloha; va rhendzeleka ni mindyangu ya van'wana, ku nga ri hi mhaka ya ku loloha ntsena, kambe va hundzuka vahlevi ni vavangi va swicele hi ku famba va vulavula leswi va nga faneriki ku swi vula.

Swivuriso 3:27

Loko u ri ni matimba yo lawula swilo leswinene, u nga tshuki u tsona vanhu lava nga ni tifanelo ta ku swi kuma.

Luka 20:22

Xana swa hi fanela ku humesela Khezari endzuvo, kumbe a swi hi faneli ke?”

Varhoma 12:10

Tolovelanani, mi rhandzana tanihi vamakwavo, mi tlula van'wana hi ku kombana xichavo.

Varhoma 13:6

Nakambe hi swona leswi endlaka leswaku mi humesa ndzuvo; hikuva tihosi i vatirhi va Xikwembu, lava tinyiketaka ku tirha ntirho wolowo.

1 TIHOSI 3:17

Yin'wana ya tona yi mangala yi ku: “Wena n'wini wanga, wansati loyi, ndzi tshama na yena endlwini yin'we. A hi ri kun'we endlwini siku ndzi velekeke n'wana.