Varhoma 13:4 - BIBELE Mahungu Lamanene

⁴ hikuva hosi i nandza wa Xikwembu ku ku pfuna. Kambe loko u endla leswo biha, u fanele ku chava, hikuva hosi a yi lo halahala ku tamela banga; yi rhumiwile hi Xikwembu ku va murihiseti la baka mudyohi.

Testamente Leyimpsha Xichangana

⁴ hikuva hosi i nandza wa Xikwembu kukupfuna. Kambe loko uyendla lesvobiha, ufanele kuchava, hikuva hosi ayitameli tlhari mahala; yirhumiwile hi Xikwembu kuva mukhatisi wa lweyi anga mujohi.

Xitsonga (Bibele)

⁴ hikuva hosi i nandza wa Xikwembu ku ku endlela swo saseka; kambe loko u endla swo biha, u fanele ku chava, hikuva hosi a yi tamelanga fumu ntsena; hikuva i nandza wa Xikwembu, ni murisi la vekiweke ku ba lava endlaka swo biha.

Varhoma 13:4 Referans Kwoze

Varhoma 12:19

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwile va ku: “Ku rihisa i ka mina; hi mina loyi ndzi nga ta rihisela, ku vula Hosi.”

Swivuriso 20:2

Loko hosi yi karihile, yi chavisa ku fana ni nghala leyi bongaka, loyi a yi hlundzukisaka, ú tivangela rifu.

Swivuriso 16:14

Vukari bya hosi byi nga vanga rifu, munhu wo tlhariha ú ringeta ku yi rheleta mbilu.

2 TIKRONIKA 19:6

Kutani a byela vaavanyisi lava a ku: “Tivoneleni loko mi avanyisa timhaka, hikuva ntirho lowu, a mi rhwexiwanga hi vanhu, mi rhwexiwile hi HOSI Xikwembu; loko mi avanyisa timhaka, hi xona xi nga ta vulavula.

1 Vatesalonika 4:6

Emhakeni leyi, ku nga vi na loyi a dyohelaka makwavo, kumbe ku n'wi dyelela, hikuva Hosi i murihiseli eswilweni leswi hinkwaswo, hilaha hi nga mi byela khale ni ku mi tsundzuxa swinene hakona.

Varhoma 13:6

Nakambe hi swona leswi endlaka leswaku mi humesa ndzuvo; hikuva tihosi i vatirhi va Xikwembu, lava tinyiketaka ku tirha ntirho wolowo.

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Ezekiele 25:14

Vaisraele vona vanhu va mina, va ta va voko ra mina loko ndzi tirihisela eka va le Edomu. Vaisraele va ta endla leswi ndzi va lerisaka swona eku hlundzukeni ka mina lokukulu, kutani va le Edomu va ta tiva leswaku ndzi tirihisela hi mukhuva wihi! Ndzi vula sweswo mina HOSI N'wini wa hinkwaswo.”

Ezekiele 22:27

Lava nga varhangeri etikweni va fana ni mahlolwa lama phatlulelaka xiharhi lexi ma xi dlayeke: Va herisa vanhu leswaku va ta kuma rifuwo.

Yeremiya 5:28

naswona va phemeka hi ku nyuhela, va tlhela va vangama. Mintirho ya vona leyo biha yi tlula mpimo; loko va tsema timhaka a va landzeleli nawu. Swisiwana a va na mhaka na swona, tifanelo ta vapfumari a va ti sirheleli.

Esaya 1:17

dyondzani ku endla leswinene, mi tikarhatela leswo lulama; tshinyani lava tshikelelaka van'wana, mi sirhelela lava pfumalaka vatswari mi lwela ni tinoni.”

Swivuriso 20:26

Lavo homboloka, hosi leyi tlhariheke ya va peperha, kutani yi va sila hi ribye.

Swivuriso 20:8

Hosi leyi tshameke exiluvelweni xo avanyisa, yi kota ku hatla yi vona loyi a nga ni nandzu.

1 TIHOSI 10:9

A ku nkhensiwe HOSI Xikwembu xa wena lexi xi ku tsakeleke, xi ku nyika vuhosi bya Israele. Leswi xi rhandzaka Vaisraele minkarhi hinkwayo, xi ku vekile hosi leswaku u va avanyisela timhaka hi ku lulama.”

Yoxuwa 20:9

Miti leyi, a yi hlawuleriwa Vaisraele hinkwavo, ni lava va luveleke exikarhi ka vona, leswaku munhu un'wana ni un'wana loyi a dlayaka un'wana, kambe ku nga ri havomu, a ta tsutsuma a ya tumbela eka yona, leswaku a ta ka a nga dlayiwi hi murihiseli a kondza a ya avanyisiwa hi ntshungu.

Yoxuwa 20:5

Loko murihiseli a n'wi landza, vakulukumba a va fanelanga ku nyiketa mudlayi emavokweni ya yena, hikuva ú ta va a nga dlayanga munhu-kulobye ha vomu, naswona a a nga ri nala wa yena.

1 Petro 2:14

hambi ti ri tindhuna leti rhumiweke hi yona ku avanyisa lava endlaka leswo biha ni ku dzunisa lava endlaka leswo lulama.