Varhoma 13:11 - BIBELE Mahungu Lamanene

¹¹ Endlani leswi, hikuva mi tiva leswaku i nkarhi wihi sweswi: Hi wona nkarhi wa n'wina wa ku pfuka evurhongweni; hikuva namuntlha, ku ponisiwa ku kusuhi ku tlula siku hi pfumeleke.

Testamente Leyimpsha Xichangana

¹¹ Yendlani lesvi, hikuva nitiva lesvaku i nkarhi wihi svosvi: Hi wona nkama wa n'wina wa kupfuka vurhongweni; hikuva namuntlha, kuponisiwa ku kusuhi kutlula siku leri hipfumeleke ha rona.

Xitsonga (Bibele)

¹¹ A hi tiyiseleni kona, hikuva ha tiva mikarhi leswaku hi wona nkarhi wa ku pfuka evurhongweni; hikuva loko ku ri namuntlha, ku hlayiseka ku kusuhi ku tlula siku hi pfumeleke.

Varhoma 13:11 Referans Kwoze

1 Petro 4:7

Ku hela ka swilo hinkwaswo ku le kusuhi. Hikokwalaho, tlharihani mi tikhoma, mi ta kota ku khongela.

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

1 Vakorinto 15:34

Xalamukani swinene, mi tshika ku dyoha. Van'wana va n'wina a va tivi Xikwembu; ndzi vula leswi hi ku mi khomisa tingana.

Nhlavutelo 22:20

Yena loyi a tivisaka ntiyiso wa timhaka leti, ú ri: “Hakunene, ndza ta sweswi-sweswi.” Amen, tana Hosi Yesu!

Luka 21:28

Loko swilo sweswo swi sungula ku humelela, ololokani, mi languta henhla, hikuva ku kutsuriwa ka n'wina ku kusuhi.”

Nhlavutelo 22:12

Yesu ú ri: “Vonani, ndza ta sweswi-sweswi, ndzi ta ni hakelo ya mina, ku ta hakela un'wana ni un'wana hi ku ya hi leswi a swi endleke.

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

Yonasi 1:6

Kutani mufambisi wa ngalava a ya eka Yonasi, a ku ka yena: “Swi lo yini? U etlelela yini? Pfuka u huwelela eka Xikwembu xa wena. Kumbexana Xikwembu lexi xi nga hi anakanya leswaku hi nga tshuki hi lova.”

1 Vakorinto 10:11

Swilo leswi swi va humelerile ku endla xitsundzuxo; naswona swi tsariwile leswaku na hina hi tsundzuxiwa ha swona, hina lava hi nga emasikwini ya ku hetelela ka minkarhi.

Matewu 16:3

Kutani nimixo mi ri: ‘Namuntlha yi ta na, hikuva tilo ri tshwukile, ni ku vimba ri vimbile.’ Mi tiva ku xiya xiyimo xa tilo, kambe mi tsandzeka ku xiya mahlori ya minkarhi leyi!]

Yakobo 5:8

Na n'wina, lehisani timbilu mi tiyisela, hikuva ku ta ka Hosi ku kusuhi.

2 Petro 3:9

Hosi a yi hlweli ku endla leswi yi nga tshembisa swona, hilaha van'wana va twisisaka “ku hlwela” hakona, kambe yi lehisa mbilu hikwalaho ka n'wina; a yi lavi leswaku ni un'we wa n'wina a lova, kambe yi lava leswaku hinkwavo va ta eku hundzukeni.

2 Petro 3:11

Leswi ku nga ta tshwa swilo leswi hinkwaswo swi hela hi ndlela leyi, mi fanele ku va ni vutomi lebyo hlawuleka bya vukhongeri,

1 Yohane 2:18

N'wina vana, nkarhi wa makumu wu fikile, kutani kukotisa leswi mi tweke leswaku Nala wa Kriste wa ta, sweswi Valala va Kriste lavo tala va humelerile; hikokwalaho, ha tiva leswaku i nkarhi wa makumu.

Nhlavutelo 1:3

Ku katekile munhu loyi a hlayaka mahungu lawa ya vuhlavuteli, ku katekile ni lava va ma yingisaka, ni ku landza leswi tsariweke ebukwini ya kona; hikuva nkarhi wa ku humelela ka swona wu kusuhi.

Nhlavutelo 22:10

Yi engeta yi ku ka mina: “U nga lemeli marito ya vuhlavuteli bya buku leyi, hikuva nkarhi wu kusuhi.