Varhoma 12:11 - BIBELE Mahungu Lamanene

¹¹ Ku chivirika ka n'wina ku nga vohli, kambe mi va ni ku hiseka emoyeni, mi tirhela Hosi.

Testamente Leyimpsha Xichangana

¹¹ Mingaloloheni akutikarhateni ka n'wina, mingatsaneni kuhlayisaneni, hisekani moyeni, mitirhela Hosi.

Xitsonga (Bibele)

¹¹ Mi nga tshuki mi loloha ku tirhela van'wana kambe mi va ni ku hiseka emoyeni, mi tirhela Hosi.

Varhoma 12:11 Referans Kwoze

Timhaka 18:25

A a dyondzisiwile Ndlela ya Hosi; kutani, hi ku hiseka ka yena emoyeni, a a vula ni ku dyondzisa timhaka ta Yesu hi ndlela ya tona, hambileswi a a tiva nkhuvulo wa Yohane ntsena.

1 Petro 4:8

Ku tlula leswi hinkwaswo, tiyani eku rhandzaneni, hikuva rirhandzu ri funengeta swidyoho leswo tala.

Swivuriso 13:4

Lolo ri fa hi ku navela, kambe a ri kumi nchumu; munhu wa migingiriko yena, ú dya a xurha.

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

Vaefesa 4:28

Loyi a a toloverile ku yiva, a nga ha engeti a yiva; kambe a a tikarhate a tirha hi mavoko ya yena, a tirhela swo tipfuna ha swona, leswaku a ta kuma swo pambulela loyi a pfumalaka.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Timhaka 20:19

A ndzi ri karhi ndzi tirhela Hosi hi ku titsongahata lokukulu, ni mihloti, ni miringo leyi yi ndzi humeleleke hi ku tshamiwa xikungu hi Vayuda.

Matewu 24:12

Kutani rirhandzu ra lavo tala ri ta sungula ku titimela, hikuva ku homboloka ku ta va ku andzile.

Swivuriso 10:26

Lolo ri dyisa loyi a ri rhumaka embitsi, ku fana ni loko munhu a nwa ntsuvi, kumbe a tlunyiwa hi musi.

Swivuriso 22:29

Munhu loyi a tivaka ntirho wa yena, ú ta tirhela tihosi, a nge he tirheli vanhu va swiyimo swa le hansi.

Swivuriso 18:9

Loyi a lolohaka entirhweni wa yena, a nga hambananga na loyi a tsakelaka ku onha ntsena.

Eksoda 5:17

Hiloko Faro a va hlamula a ku: “Ma loloha n'wina, a mi tirhi nchumu; hikokwalaho mi ri: ‘Hi tshike hi famba hi ya ganzela HOSI Xikwembu!’

1 Timotiya 5:13

Naswona, vavasati va tinoni lavantshwa va dyondza ku loloha; va rhendzeleka ni mindyangu ya van'wana, ku nga ri hi mhaka ya ku loloha ntsena, kambe va hundzuka vahlevi ni vavangi va swicele hi ku famba va vulavula leswi va nga faneriki ku swi vula.

Esaya 56:10

Valanguteri va tiko va fe mahlo, hinkwavo a va twisisi nchumu, va fana ni timbyana to rhula leti nga vukuriki; va tsakela ngopfu vurhongo, va tshama va etlele, minkarhi hinkwayo va le ku lorheni.

Nhlavutelo 2:4

Hambiswiritano, ku ni lexi u ndzi vilerisaka ha xona: Hileswaku u tshikile rirhandzu leri a wu ri na rona eku sunguleni.

Vakolosa 4:1

Vini, hanyani ni mahlonga ya n'wina hi ndlela ya ku lulama, hi fanelo, mi ri karhi mi tiva leswaku na n'wina mi ni n'wini ematilweni.

1 Vakorinto 7:22

Hikuva loyi a vitaniweke ku va wa Hosi a ri hlonga, i muntshunxiwa wa Hosi; ni loyi a vitaniweke a ri muntshunxiwa i hlonga ra Kriste.

Matewu 25:26

N'wini wa yena a n'wi hlamula a ku: ‘Nandza lowa lunya, wo loloha, a wu ri karhi u tiva leswaku ndzi tshovela laha ndzi nga byalangiki kona, ni leswaku ndzi hlengeleta laha ndzi nga haxangiki mbewu kona! Xana a hi swona xana?

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

Yakobo 5:16

Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

Swivuriso 31:15

Ú pfuka ka ha ri mpundzu swinene, a lulamisela va muti wa yena eswakudya, malandza ya yena ya xisati, a ma avela ni ntirho.