Varhoma 10:5 - BIBELE Mahungu Lamanene

⁵ Muxe ú tsarile leswaku munhu la lavaka ku lulama loku humaka eNawini, ú ta hanya ha kona.

Testamente Leyimpsha Xichangana

⁵ Moxe atsalile lesvaku munhu lweyi alavaka kululama loku kuhumaka Nawini, atahanya hakona.

Xitsonga (Bibele)

⁵ Hikuva Muxe u ringanisile ku lulama loku humaka enawini, loko a te: “Munhu la endlaka swilo leswo, u ta hanya ha swona!”

Varhoma 10:5 Referans Kwoze

Levhitika 18:5

Ina, hlayisani milawu ya mina ni swiletelo swa mina, hikuva munhu loyi a endlaka sweswo, ú ta hanya. Hi mina HOSI!

Nehemiya 9:29

U va tsundzuxile leswaku va tlhelela eNawini wa wena, kambe vona va tikurisile, va ala ku yingisa milawu ya wena, va ku dyohela hi ku tlula swiletelo swa wena leswi loko munhu a swi hlayisa a kumaka vutomi; va ku fularherile, va tinonon'hwisa, va ala ku ku yingisa.

Ezekiele 20:21

Kambe vana lava, na vona va tiarisile, a va hlayisanga milawu ya mina, va bakanyile ni swiletelo swa mina leswi a va ta hanya ha swona, va nyamisa ni masiku ya mina ya Savata. “Kutani ndzi ehleketile ku chululela vukari bya mina ehenhla ka vona, ndzi va ba ndzi hlundzukile loko va ha ri emananga.

Ezekiele 20:13

Kambe Vaisraele va tiarisile kwale mananga, va ala ku ndzi yingisa. A va hlayisanga milawu ya mina, va bakanya swiletelo swa mina leswi a va fanele ku kuma ku hanya ha swona, va nyamisa ni masiku ya mina ya Savata. “Kutani ndzi ehleketile ku chululela vukari bya mina ehenhla ka vona, ndzi va herisa loko va ha ri emananga,

Ezekiele 20:11

kutani ndzi va nyikile milawu ni swiletelo, leswaku un'wana ni un'wana wa vona loyi a swi hlayisaka, a ta kuma ku hanya.

Vagalatiya 3:12

Kambe Nawu ni ku pfumela a swi fambelani, hikuva Nawu wu te: “Munhu ú hanya hi ku endla leswi Nawu wu lerisaka swona.”

Varhoma 7:10

Ku kumeka leswaku xileriso lexi a xi ri xo ndzi hanyisa, xi hundzukile xo ndzi lovisa.

Duteronoma 4:1

“N'wina Vaisraele, yingisani swinene milawu ni swiletelo leswi ndzi mi dyondzisaka swona, mi hanya ha swona, mi ta kuma vutomi, kutani mi ta nghena etikweni leri HOSI Xikwembu xa vatata wa n'wina xi mi nyikaka rona mi ri teka ri va ra n'wina.

Esaya 55:3

Rhiyani ndleve, mi yingisa; tanani eka mina, mi ta kuma vutomi. Ndzi ta endla na n'wina ntwanano lowu nga heriki, ndzi hlayisa rirhandzu ra mina lero tshembeka leri ndzi ri kombeke Davhida.

Vafilipiya 3:9

ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.