Varhoma 1:8 - BIBELE Mahungu Lamanene

⁸ Xo sungula, ndzi nkhensa Xikwembu xa mina ha Yesu Kriste hikwalaho ka n'wina hinkwenu, hikuva ku pfumela ka n'wina ku twakarile emisaveni hinkwayo.

Testamente Leyimpsha Xichangana

⁸ Xa kusungula, nikhensa Xikwembu xa mina ha Yesu Kriste hikolaho ka n'wina hinkwenu, hikuva kupfumela ka n'wina kutwakalile misaveni hinkwayu.

Xitsonga (Bibele)

⁸ Ndzi sungula hi ku khensa Xikwembu xa mina ha Yesu Kriste, hikwalaho ka n'wina hinkwenu, hikuva ku pfumela ka n'wina ku twarile ematikweni hinkwawo.

Varhoma 1:8 Referans Kwoze

Varhoma 16:19

Ku yingisa ka n'wina ku twakele eka vanhu hinkwavo; ndzi tsaka hi n'wina emhakeni leyi; kambe ndzi lava leswaku mi va lavo tlhariha hi tlhelo ra leswinene, ni lava nga tiviki nchumu hi tlhelo ra leswo biha.

1 Vakorinto 1:4

Masiku hinkwawo ndzi nkhensa Xikwembu xa mina hikwalaho ka n'wina. Ndzi xi nkhensa hikwalaho ka tinyiko ta xona leti mi ti kumeke eka Kriste Yesu.

Varhoma 6:17

Kambe a ku nkhensiwe Xikwembu, hikuva n'wina lava khale a mi ri mahlonga ya ku dyoha, sweswi mi yingisile hi mbilu hinkwayo ntiyiso wa dyondzo leyi mi yi kumeke.

1 Petro 4:11

Loko un'wana a nyikiwile ku vulavula, a a vulavule hi ku landza marito ya Xikwembu; loko un'wana a nyikiwile ku tirhela vanhu, a a swi endle tanihi loyi a swi tirhaka hi matimba lawa Xikwembu xi n'wi nyikaka wona, leswaku eswilweni hinkwaswo Xikwembu xi dzunisiwa ha Yesu Kriste. Ku dzuneka ni matimba swi le ka xona hilaha ku nga heriki. Amen.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Vakolosa 1:3

Masiku hinkwawo, hi nkhensa Xikwembu tata wa Hosi ya hina Yesu Kriste, emikhongelweni leyi hi mi khongelelaka ha yona,

Vafilipiya 1:3

Ndzi nkhensa Xikwembu xa mina minkarhi hinkwayo, loko ndzi mi anakanya.

Vaefesa 1:15

Hikokwalaho na mina, ku sukela loko ndzi twile ta ku pfumela ka n'wina eka Hosi Yesu, ni ta rirhandzu ra n'wina eka vahlawuriwa va Xikwembu hinkwavo,

Vafilipiya 1:11

vutomi bya n'wina byi ta tala hi mihandzu ya leswo lulama, leyi tisiwaka ha Yesu Kriste, leswaku Xikwembu xi dzunisiwa ni ku twarisiwa ha swona.

Vaefesa 5:20

Masiku hinkwawo, nkhensani Xikwembu Tatana hikwalaho ka swilo hinkwaswo, hi vito ra Hosi ya hina Yesu Kriste.

Matewu 24:14

Kutani Evhangeli leyi ya Mfumo yi ta twarisiwa emisaveni hinkwayo, leswaku yi va vumbhoni eka vanhu va matiko hinkwawo; kutani hi kona makumu ma nga ta fika.

Vaefesa 3:21

eka yena a ku ve ku dzuneka ekerekeni ni ka Kriste Yesu, hi minkarhi ni minkarhi hilaha ku nga heriki. Amen!

Timhaka 11:28

Un'wana wa vona, loyi a va ku i Agabo, a suka a yima, a tivisa hi matimba ya Moya leswaku ndlala leyikulu yi ta wa emisaveni hinkwayo (kunene yi humelele enkarhini wa hosi Klawudiyo).

Luka 2:1

Eminkarhini yoleyo ku humelela nawu wa hosi Khezari Awugusto wa leswaku vanhu va matiko hinkwawo ya yena va ya tsarisa mavito.

Timhaka 28:22

Kutani hi fanele ku twa miehleketo ya wena u yi vula hi nomo wa wena, hikuva loko yi ri dyondzo leyi yo hambuka, ha yi tiva leswaku ya ariwa hinkwako.”

Varhoma 10:18

Kambe ndza vutisa ndzi ri: Xana va nga va va nga ri twanga ke? Hakunene va ri twile, hikuva: “Ku dyondzisa ka vona ku twakele emisaveni hinkwayo, ni marito ya vona ma fikile emakun'wini ya misava.”

2 Vakorinto 2:14

Kambe a ku nkhensiwe Xikwembu lexi eka Kriste xi hi yisaka eku khaneni, minkarhi hinkwayo; kutani hi ku tirhisa hina, xi hangalasa hinkwako ku nun'hwela loku nandzihaka ka ku tiva Kriste.

Vaefesa 1:16

a ndzi tshikanga ku nkhensa hikwalaho ka n'wina. Ndza mi anakanya emikhongelweni ya mina;

1 Vatesalonika 1:2

Hi nkhensa Xikwembu masiku hinkwawo hikwalaho ka n'wina hinkwenu, hi ri karhi hi mi anakanya emikhongelweni ya hina.

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.

2 Vatesalonika 1:3

Swa hi fanela ku nkhensa Xikwembu masiku hinkwawo hikwalaho ka n'wina, vamakwerhu. Hakunene swa fanela sweswo, hikuva ku pfumela ka n'wina ku karhi ka kula ngopfu, ni ku rhandzana ka n'wina hinkwenu ku ya ku engeteleleka.

2 Timotiya 1:3

Ndzi nkhensa Xikwembu, xona lexi ndzi xi tirhelaka hi ripfalo leri tengeke ku fana ni vatatana, ndzi nga tshiki ku ku khongelela vusiku ni nhlekanhi.

Filemoni 1:4

Ndzi nkhensa Xikwembu xa mina masiku hinkwawo, loko ndzi ku anakanya emikhongelweni ya mina,