Varhoma 1:28 - BIBELE Mahungu Lamanene

²⁸ Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

Testamente Leyimpsha Xichangana

²⁸ Kutani lesvi vanhu lava vangayala kutiva nchumu hi tlhelo ra Xikwembu, Xikwembu xivanyiketile kupimiseni lokungalavekiki, vakondza vayendla ni lesvingafaneliki.

Xitsonga (Bibele)

²⁸ Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Varhoma 1:28 Referans Kwoze

Varhoma 1:21

Hambiloko va tivile Xikwembu, a va xi dzunisanga va ku i Xikwembu, a va xi nkhensanga; kambe va anakanyile leswo ka swi nga pfuni nchumu, ni timbilu ta vona leti nga riki na ku twisisa ti nyamisiwile.

Tito 1:16

Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

Yeremiya 9:6

Va tlhandleka tihanyi ehenhla ka tihanyi, kutani va ala ku ndzi tiva; ndzi vula sweswo mina HOSI.”

Varhoma 1:24

Hikwalaho ke Xikwembu xi va nyiketile ethyakeni ra ku navela ka timbilu ta vona, va kondza va endlana swilo swa tingana emirini wa vona.

2 Timotiya 3:8

Vanhu lava va kaneta ntiyiso, ku fana na Yani na Yambri, lava nga kanetana na Muxe. I vanhu lava boleke miehleketo, i vapfumeri va nomo ntsena.

Yeremiya 6:30

Vanhu va mina va ta vuriwa silivhere ya thyaka, leyi cukumetiweke, hikuva mina HOSI ndzi va cukumetile.”

2 Vatesalonika 1:8

emalangavini ya ndzilo. Xi ta ba lava va nga xi tiviki, va nga lava nga yingisiki Evhangeli ya Hosi ya hina Yesu.

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Swivuriso 1:29

Va vengile vutivi, va ala ni ku chava HOSI Xikwembu,

Swivuriso 1:22

“N'wina lavo-ke-mano, mi ta pfumala vutivi ku fikela rini ke? Vasandzi va ta tshika rini ku sandza, ni swiphunta swi ta venga ku twisisa ku fikela rini ke?

Swivuriso 1:7

Masungulo ya vutivi i ku chava HOSI Xikwembu; lava alaka ku dyondzisiwa ni ku leteriwa i swiphukuphuku!

1 Vakorinto 15:34

Xalamukani swinene, mi tshika ku dyoha. Van'wana va n'wina a va tivi Xikwembu; ndzi vula leswi hi ku mi khomisa tingana.

Varhoma 1:18

Sweswi ke, vukari bya Xikwembu byi vonaka byi huma hi le tilweni, byi wela ehenhla ka vubihi ni vuhomboloki hinkwabyo bya vanhu lava sivelaka van'wana ku tiva ntiyiso, hikwalaho ka ku homboloka ka vona.

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Vaefesa 5:4

Mi nga tirhisi marito ya ku rhuketela, ni ya vuphukuphuku, ni ya mafenya, hikuva a ma laveki; tirhisani ntsena marito lama nkhensaka Xikwembu!

Varhoma 1:26

Hikwalaho ka swona, Xikwembu xi va nyiketile eku naveleni loku khomisaka tingana; vavasati va vona va tshikile mikhuva ya vona ya ntumbuluko, hi ku yi endla leyi lwaka ni ntumbuluko;

Swivuriso 17:16

Xiphunta xi nga va ni mali yo hakelela vutlhari, kambe swi nge xi pfuni nchumu, hikuva a xi na miehleketo.

2 Petro 3:5

Vanhu lava va vula ha vomu, hi ku rivala mhaka leyi: Hileswaku matilo a ma ri kona khale ni khale, ni leswaku misava yi vumbiwile hi rito ra Xikwembu yi huma ematini, yi ri xikarhi ka mati.

Filemoni 1:8

Hikokwalaho, hambileswi eka Kriste ndzi titwaka ndzi ri ni matimba ya ku ku lerisa ku endla leswi lavekaka,

2 Vakorinto 10:5

hi mbundzumuxa ni swihingakanyo hinkwaswo swa lava tikurisaka, va sivela vanhu ku tiva Xikwembu. Hi koka mianakanyo hinkwayo hi yi endla leswaku yi yingisa Kriste.

Timhaka 17:32

Loko va twa ta ku pfuka ka vafi, van'wana va hleka, kambe van'wana va ku: “Ha ha ta ku twa nakambe emhakeni leyi.”

Timhaka 17:23

Hikuva loko ndzi famba ndzi ri karhi ndzi languta tindhawu leti mi gandzelaka ka tona, ndzi kumile alitari leyi ku tsariweke marito eka yona lama nge: ‘Eka Xikwembu lexi nga tiviwiki!’ Sweswi ke, leswi mi swi gandzelaka mi nga swi tivi, hi swona leswi ndzi mi tivisaka swona.

Genesa 6:5

Loko HOSI Xikwembu xi vona leswaku ku dyoha ka munhu i kukulu laha misaveni, ni leswaku makungu hinkwawo ya mbilu ya yena ma bihile minkarhi hinkwayo,

2 SAMIELE 22:27

U komba ku tenga ka wena eka loyi a tengeke; kambe u komba ku tlhariha ka wena eka loyi a endlaka leswo homboloka.

Pisalema 69:27

Vanhu lava, va vone nandzu minkarhi hinkwayo, u nga tshuki u va tsetselela.

Ezekiele 20:25

Ndzi engete ndzi va nyika ni milawu yin'wana leyi yi nga va pfunangiki nchumu, ni swiletelo leswi swi nga va tiselangiki ku hanya.

Ezekiele 14:5

ku hlamula ka mina loku ku ta paluxa mianakanyo ya Vaisraele, hikuva va ndzi fularhela hinkwavo hikwalaho ka swikwembu swa vona swa hava.