Varhoma 1:17 - BIBELE Mahungu Lamanene

¹⁷ Eka yona ku hlavuteriwa hilaha vanhu va endliwaka lava lulameke hi Xikwembu hakona; leswi swi kumiwa ntsena hi ku pfumela, nkarhi hinkwawo, hilaha Matsalwa ma vulaka hakona ma ku: “Loyi a endliwaka la lulameke hi ku pfumela, ú ta hanya.”

Testamente Leyimpsha Xichangana

¹⁷ Ka yona kuhlavuteliwa hilaha vanhu vayendliwaka lavalulameke hi Xikwembu hakona; lesvi svikumiwa ntsena hi kupfumela, nkama hinkwawu, hilaha Matsalwa mahlayaka hakona maku: “Lweyi ayendliwaka lweyi alulameke hi kupfumela, atahanya.”

Xitsonga (Bibele)

¹⁷ Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Varhoma 1:17 Referans Kwoze

Habakuku 2:4

Yingisa! Mukanganyisi a nge pfuki a tsakile emoyeni wa yena. Kasi munhu wo lulama ú ta hanya hi ku pfumela ka yena.

Vagalatiya 3:11

Loko swi ri tano, swi le rivaleni leswaku a ku na munhu na un'we la nga endliwaka la lulameke emahlweni ka Xikwembu hi mhaka ya leswi a hlayisaka Nawu; hikuva ku vuriwile va ku: “Loyi a endliwaka la lulameke hi ku pfumela, ú ta hanya.”

Vaheveru 10:38

Nandza wa mina wo lulama, ú ta hanya hi ku pfumela, kutani loko a tlhelela endzhaku, moya wa mina a wu nga n'wi tsakeli.”

Vafilipiya 3:9

ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.

Varhoma 9:30

Kutani sweswi hi ta ku yini ke? Hi ta ku: Vamatiko lava a va nga lavi ku va lavo lulama eka Xikwembu, va kumile ku lulama koloko, hi mhaka ya ku pfumela.

Varhoma 3:21

Kambe sweswi ndlela leyi Xikwembu xi endlaka ha yona leswaku vanhu va va lava lulameke, yi pfuleteriwile, yi nga ri yo tshemba swa Nawu; vumbhoni bya yona byi kona ematsalweni ya Nawu ni Vaprofeta:

Varhoma 3:3

Xana hi ta vula yini, loko van'wana va vona va nga tshembekanga xana? Xana ku tshembeka ka Xikwembu ku nga herisiwa hi mhaka ya ku ka va nga tshembekanga xana?

Yohane 3:36

Loyi a pfumelaka eka N'wana, ú ni vutomi lebyi nga heriki; loyi a nga yingisiki N'wana, a nga ka a nga kumi vutomi, kambe vukari bya Xikwembu byi tshame henhla ka yena.

Ezekiele 18:9

Ú landzelela milawu ya mina, a hlayisa ni swiletelo swa mina, a hanya ha swona. Hakunene munhu wo tano ú ta kuma ku hanya, hikuva ú lulamile. Ndzi vula sweswo mina HOSI N'wini wa hinkwaswo.

Varhoma 3:22

Hileswaku Xikwembu xi endla vanhu va va lavo lulama hi ku pfumela ka vona eka Yesu Kriste; xi endla leswi eka hinkwavo lava pfumelaka, hikuva a ku na ku hambana:

Varhoma 10:3

hikuva leswi va nga tivangiki ku lulama loku nyikiwaka hi Xikwembu, kutani va lavaka ku lulama loku va tiendlelaka hi voxe, a va tivekanga ehansi ka ku lulama loku nyikiwaka hi Xikwembu.

2 Vakorinto 3:9

Hikuva loko Nawu lowu vangaka ku avanyisiwa wu tile hi ku vangama, xana Moya lowu wu hi tiselaka ku lulama emahlweni ka Xikwembu, a wu nga vangami ku tlurisa ke?

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Tinhlayo 21:9

Muxe a vumba nyoka hi koporo, kutani a yi hayeka emhandzeni. Loko munhu un'wana a tshuka a lumiwile hi nyoka, a a languta leyi ya koporo, kutani a hanya.