Varhoma 1:16 - BIBELE Mahungu Lamanene

¹⁶ Mhaka hileswaku a ndzi na tingana hi Evhangeli, hikuva i matimba ya Xikwembu yo ponisa hinkwavo lava pfumelaka, ku sukela eka Vayuda, ku yisa eka vamatiko.

Testamente Leyimpsha Xichangana

¹⁶ Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

Xitsonga (Bibele)

¹⁶ Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Varhoma 1:16 Referans Kwoze

Marka 8:38

Loyi a nga ni tingana hikwalaho ka mina ni marito ya mina erixakeni leri ra lava sandzaka Xikwembu ni ra vadyohi, N'wana-wa-Munhu na yena ú ta khomiwa hi tingana hikwalaho ka munhu loyi siku a nga ta vuya eku kwetsimeni ka Tata wa yena, a ri ni tintsumi leto hlawuleka.”

2 Timotiya 1:8

Hikokwalaho, u nga vi na tingana ku veka vumbhoni hi tlhelo ra Hosi ya hina, hambileswi mina ndzi nga mubohiwa hikwalaho ka yona. Na wena, nkhensa ku xanisekela Evhangeli, hi ku pfuniwa hi matimba ya Xikwembu.

1 Petro 4:16

Kambe loko munhu a twisiwa ku vava hikwalaho ka leswi a nga Mukriste, a nga tshuki a khomiwa hi tingana, kambe a a dzunise Xikwembu, hi mhaka ya vito leri ra “Mukriste”.

2 Timotiya 1:12

Kutani ndzi xaniseka hi ndlela leyi hikwalaho ka swona; kambe a ndzi na tingana, hikuva ndzi tiva loyi ndzi pfumeleke eka yena, kutani ndzi tshemba swinene leswaku wa swi kota ku hlayisa leswi a swi vekeke emavokweni ya mina, ku fikela siku lerikulu.

Luka 9:26

La khomiwaka hi tingana hikwalaho ka mina ni marito ya mina, N'wana-wa-Munhu na yena ú ta khomiwa hi tingana hikwalaho ka munhu loyi, siku a vuyaka eku kwetsimeni ka yena, a ri na Tata wa yena ni tintsumi leto hlawuleka.

2 Vakorinto 4:4

xikwembu xa misava leyi xi pfarile miehleketo ya vanhu lava va nga pfumeriki; xi va sive mahlo leswaku va nga voni ku vangama ka Mahungu Lamanene lama twarisaka ku kwetsima ka Kriste, yena loyi a nga xifaniso xa Xikwembu.

1 Vakorinto 2:4

A ndzi tirhisanga marito lama khorwisaka ya vutlhari, eku vulavuleni ka mina ni loko ndzi twarisa Rito. Kambe ndzi vekile xikombiso xa Moya ni xa matimba ya Xikwembu,

1 Vakorinto 2:2

kambe ndzi tilulamisile leswaku, loko ndzi ri exikarhi ka n'wina, ndzi nga lavi ku tiva swin'wana loko a nga ri Yesu Kriste, yena Kriste la vambiweke.

Varhoma 10:17

Hikokwalaho ke, ku pfumela ku ta hi ku twa, ni ku twa ku ta hi ku byeriwa rito ra Kriste.

Vaheveru 4:12

Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

1 Vakorinto 15:2

ma karhi ma ponisiwa ha wona, loko kunene mi hlayisa vumbhoni bya mina eka wona, ni loko ku pfumela ka n'wina eka wona ku nga vanga ka hava.

Yeremiya 23:29

Rito ra mina ri hisa ku fana ni ndzilo, ri ni matimba kukota nyundzu leyi fayaka maribye.

Vagalatiya 1:7

Kasi Evhangeli yin'wana ku hava. Ndzi vula leswi hikuva ku na van'wana lava va mi pfilunganyisaka tinhloko, lava ringetaka ku soholota Evhangeli ya Kriste.

Varhoma 2:9

Maxangu ni nhlomulo swi ta wela vanhu hinkwavo lava endlaka leswo biha, ku sungula hi Vayuda, ku yisa eka vamatiko;

Timhaka 3:26

Loko Xikwembu xi rhumerile nandza wa xona, xi n'wi humesile hi le ka n'wina eku sunguleni leswaku a mi katekisa hi ku hundzuluxa un'wana ni un'wana wa n'wina emikhuveni ya yena leyo biha.”

Pisalema 119:46

Switsundzuxo swa wena, ndzi ta swi vula emahlweni ka tihosi ndzi nga ri na tingana.

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.

Esaya 53:1

Xana i mani loyi a kholweke leswi hi byeriweke swona xana? Xana ú kona loyi a voneke matimba ya HOSI Xikwembu emhakeni leyi, xana?

1 Timotiya 1:11

Dyondzo ya kona yi yelana ni Evhangeli leyi vekiweke emavokweni ya mina, leyi twarisaka ku kwetsima ka Xikwembu, xihlovo xa minkateko.

2 Vakorinto 9:13

Ntirho lowu i xikombiso xa ku pfumela ka n'wina, kutani va dzunisa Xikwembu hikwalaho ka swona: Evhangeli ya Kriste, mi yi twarisile, mi tlhela mi endla leswi yi vulaka swona, loko mi ri karhi mi avelana ni vahlawuriwa hinkwaswo leswi mi nga na swona, mi avela ni vanhu van'wana, hi ku hanana lokukulu.

2 Vakorinto 2:12

Loko ndzi fikile eTrowasi ku twarisa kona Mahungu Lamanene ya Kriste, yena ú ndzi pfulerile nyangwa yo tirha ntirho wa yena.

1 Vakorinto 9:18

Kutani ke, hakelo ya mina hi yihi ke? I ku vula Mahungu Lamanene eka vanhu, ndzi nga lavi hakelo; i ku tshika hi ndzexe fanelo ya mina yo hakeriwa entirhweni lowu wo twarisa Mahungu Lamanene.

1 Vakorinto 9:12

Loko vanhu van'wana va kuma tifanelo eka n'wina, xana hina a hi na ku ti kuma ku tlula vona ke? Hambiswiritano, a hi tirhisanga tifanelo leti. Hi swi amukerile hinkwaswo, leswaku hi nga ti tshuka hi hingakanya ndlela ya Mahungu Lamanene ya Kriste.

Varhoma 15:29

Ndza swi tiva leswaku, loko ndzi fika eka n'wina, ndzi ta mi tisela ndzalo ya minkateko ya Kriste.

Varhoma 15:19

hi matimba ya mahlori ni swihlamariso, ni matimba ya Moya; hi mukhuva wolowo, ndzi haxile Mahungu Lamanene ya Kriste ematlhelweni hinkwawo, ku sukela le Yerusalema, ku ya fika le Iliriya;

2 Timotiya 1:16

Ingi Hosi yi nga tsetselela ndyangu wa ka Onesiforo, hikuva ú ndzi rhulisile mbilu ko tala; naswona, ku bohiwa ka mina hi tinketani a ku n'wi khomisanga tingana.

Varhoma 4:11

A a nga si yimba, ú yimbisiwile ndzhaku. Kutani ú nyikiwile ku yimba wu ri mfungho wo tiyisa ku lulama loku a ku kumeke hi ku pfumela, loko a nga si yimba. A swi ri leswaku Abrahama a ta va tatana emoyeni eka hinkwavo lava pfumelaka, kutani va hlayiwa lava lulameke hambiloko va nga yimbanga.

Pisalema 110:2

HOSI Xikwembu lexi nga Siyoni a xi tiyise vuhosi bya wena xi byi kurisa. Fuma emahlweni ka valala va wena!

Yohane 7:35

Hiloko Vayuda va vutisana, va ku: “Ú lava ku ya kwihi munhu loyi, lomu hi nga ta tsandzeka ku n'wi kuma kona xana? Xana ú lava ku ya eka Vayuda lava hangalakeke exikarhi ka vamatiko, ni ku dyondzisa vamatiko xana?