Varhoma 1:1 - BIBELE Mahungu Lamanene

¹ Ku tsala mina Pawulo, nandza wa Kriste Yesu, muapostola loyi a nga hlawuriwa ni ku vitaniwa leswaku a ta twarisa Evhangeli ya Xikwembu.

Testamente Leyimpsha Xichangana

¹ Kutsala mina Pawulo, mutirhi wa Kriste Yesu, mupostola lweyi angahlawuliwa ni kuvitaneliwa Evhangeli ya Xikwembu.

Xitsonga (Bibele)

¹ Mina Pawulo, nandza wa Yesu Kriste, ndzi nga vitaniwa ku va muapostola, ndzi hlawuriweke ku tivisa Evhangeli,

Varhoma 1:1 Referans Kwoze

Timhaka 9:15

Hosi yi ku ka yena: “Yana, hikuva munhu loyi i xitirho lexi ndzi nga tihlawulela xona ku ya twarisa vito ra mina eka vamatiko, ni ka tihosi, ni ka Vaisraele;

Varhoma 15:16

ku va nandza wa Kriste Yesu exikarhi ka vamatiko. Mina, kukota muprista, ndzi vula Mahungu Lamanene ya Xikwembu leswaku vamatiko va va mhamba leyi amukelekaka eka xona, leyi hlawulekisiweke hi Moya lowo Kwetsima.

1 Vakorinto 1:1

Mina Pawulo loyi a vitaniweke hi ku rhandza ka Xikwembu ku va muapostola wa Kriste Yesu, na Sostene makwerhu,

Vakolosa 1:1

Mina Pawulo, muapostola wa Kriste Yesu hi ku rhandza ka Xikwembu, na Timotiya makwerhu,

Yeremiya 1:5

“Ndzi ku tivile ndzi nga si ku vumba ekhwirini ra mana wa wena; ndzi ku hlawurile u nga si velekiwa, ndzi ku veka leswaku u va muprofeta wa vamatiko.”

Tito 1:1

Mina Pawulo, nandza xa Xikwembu ni muapostola wa Kriste Yesu, ndzi rhumiwile ku seketela ku pfumela ka vanhu lava hlawuriweke hi Xikwembu, ni ku va pfuna ku tiva ntiyiso lowu dyondzisiwaka hi vukhongeri bya hina,

Varhoma 1:9

Xikwembu lexi ndzi xi tirhelaka emoyeni wa mina hi ku vula Evhangeli ya N'wana wa xona, i mbhoni ya mina: A ndzi mi rivali,

2 Vakorinto 1:1

Mina Pawulo, muapostola wa Kriste Yesu hi ku rhandza ka Xikwembu, na Timotiya makwerhu, hi tsalela kereke ya Xikwembu leyi nge Korinto, ni vahlawuriwa va Xikwembu hinkwavo lava nge tikweni hinkwaro ra Akaya, hi ri:

1 Vakorinto 9:1

Xana a ndzi ntshunxekanga xana? Xana a ndzi muapostola ke? A ndzi vonanga Yesu Hosi ya hina xana? Xana a hi n'wina mihandzu ya ntirho wa mina eHosini ke?

2 Timotiya 1:11

Mina ndzi vekiwile ku va mutwarisi wa Rito ni muapostola ni mudyondzisi hikwalaho ka Evhangeli leyi.

1 Timotiya 1:1

Mina Pawulo, muapostola wa Kriste Yesu hi ku lerisa ka Xikwembu Muponisi wa hina ni ka Kriste Yesu ku tshemba ka hina,

Vagalatiya 1:1

Mina Pawulo ndzi nga muapostola, ku nga ri hi ku hlawuriwa hi vanhu kumbe ku rhumiwa hi munhu, kambe hi ku rhumiwa hi Yesu Kriste ni Xikwembu Tatana la n'wi pfuxeke exikarhi ka vafi,

1 Timotiya 2:7

Kutani, hi swona leswi nga endla leswaku ndzi vekiwa ku va mutwarisi wa Rito ni muapostola (ndzi vula leswi tiyeke, a ndzi hembi), ndzi dyondzisa vamatiko ta ku pfumela ni ta ntiyiso.

1 Vatesalonika 2:2

Hambiloko hi rhange hi xanisiwa ni ku rhuketeriwa le Filipiya, hilaha mi swi tivaka hakona, Xikwembu xa hina xi hi nyikile matimba yo mi tivisa Evhangeli leyi humaka eka xona, hambileswi lavo tala a va ri karhi va lwa na yona.

Varhoma 1:5

Ha yena, ndzi nyikiwile nkateko wa ku va muapostola evitweni ra yena, leswaku vanhu va matiko hinkwawo va pfumela, va tlhela va yingisa;

Vafilipiya 1:1

Mina Pawulo nandza wa Kriste Yesu, na Timotiya nandza-kulorhi, hi tsalela vahlawuriwa va Xikwembu hinkwavo lava tshamaka eFilipiya, lava nga va ka Kriste Yesu, swin'we ni vafambisi va kereke ni vapfuni, hi ri:

Nhlavutelo 1:1

Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Yuda 1:1

Mina Yuda, nandza wa Yesu Kriste ni makwavo wa Yakobo, ndzi tsalela lava Xikwembu Tatana xi va vitaneke, lava hanyaka erirhandzwini ra xona, va ri karhi va hlayisiwa hi Yesu Kriste, ndzi ri:

2 Petro 1:1

Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:

Yakobo 1:1

Mina Yakobo, nandza wa Xikwembu ni wa Hosi Yesu Kriste, ndzi tsalela tinyimba ta 12, va nga vakriste lava hangalakeke hinkwako ematikweni, ndzi ri: Xewani!

Vaheveru 5:4

Naswona, munhu a nga tihlawuleli ntirho lowu wo dzuneka, kambe ú vitaniwa hi Xikwembu, kukota leswi swi nga endliwa eka Aroni.

Vafilipiya 2:11

ni tindzimi hinkwato ti vula leswaku Yesu Kriste i Hosi, eku dzuniseni ka Xikwembu Tatana.

Vaefesa 4:11

Naswona, hi yena “loyi a nyikeke vanhu tinyiko”, van'wana ku va vaapostola, van'wana vaprofeta, van'wana ku va vavuri va Evhangeli, van'wana ku va vafundhisi ni vadyondzisi.

Vaefesa 1:13

A swi ri tano na n'wina vamatiko, loko mi twile Rito ra ntiyiso, ma nga Mahungu Lamanene ya ku ponisiwa ka n'wina: Mi pfumerile eka Kriste, kutani Xikwembu xi mi funghile hi Moya lowo Kwetsima lowu a xi tshembisile ku mi nyika wona.

2 Vakorinto 12:11

Ndzi ve xiphukuphuku! Hi n'wina mi ndzi sindziseke, kasi a mi ta va mi fanele ku ndzi dzunisa, hikuva hambiloko ndzi nga ri nchumu, a va ndzi tlulanga ha nchumu, vo lava va nge i “vaapostola lavakulu”.

2 Vakorinto 11:5

Ndzi ringanisa leswaku a ndzi lontsongo niswitsanana eka lava va nge vona i “vaapostola lavakulu”.

2 Vakorinto 4:5

Hina a hi titwarisi, kambe hi twarisa Kriste Yesu, hi ku: I Hosi! Kutani hina hi tivula malandza ya n'wina hikwalaho ka Yesu.

Varhoma 1:16

Mhaka hileswaku a ndzi na tingana hi Evhangeli, hikuva i matimba ya Xikwembu yo ponisa hinkwavo lava pfumelaka, ku sukela eka Vayuda, ku yisa eka vamatiko.

Timhaka 22:21

Kavaloko Hosi yi ku ka mina: ‘Famba, hikuva ndzi ta ku rhuma kule, eka vamatiko.’ ”

Timhaka 22:7

Ndzi wela hansi, kutani ndzi twa rito leri nge ka mina: ‘Sawulo, Sawulo, u ndzi xanisela yini?’

Timhaka 20:24

Hambiswiritano, ndzi vona leswaku ku lahlekeriwa hi vutomi, a swi na mhaka nikutsongo eka mina, loko ndzi nga kota ntsena ku heta leswi ndzi nga rhumiwa ku endla swona, ni ntirho lowu ndzi wu amukeleke eka Hosi Yesu, wa ku vula Mahungu Lamanene ya tintswalo ta Xikwembu.

Nhlavutelo 22:9

Kambe yi ku ka mina: “U nga tshuki u endla sweswo! Mina ndzi nandza ntsena, kukota wena ni vamakwenu, va nga vaprofeta ni hinkwavo lava hlayisaka marito ya buku leyi. Gandzela Xikwembu!”

Vakolosa 1:25

Ndzi endliwile nandza wa Kereke hi makungu ya Xikwembu lexi nga ndzi nyika ntirho lowu hikwalaho ka n'wina. Ntirho wa kona i ku dyondzisa Rito ra Xikwembu,

Vaefesa 1:1

Mina Pawulo, muapostola wa Kriste Yesu hi ku rhandza ka Xikwembu, ndzi tsalela vahlawuriwa va Xikwembu [lava nga le Efesa], lava tshembekaka eka Kriste Yesu, ndzi ri:

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

Varhoma 16:18

hikuva lavo tano a va tirheli Hosi ya hina Kriste, kambe va tirhela ku navela ka vona ntsena; hi ku nandzihisa marito ni ku sasekisa mavulavulele, va hambukisa mianakanyo ya lava nga tiviki nchumu.

Varhoma 15:29

Ndza swi tiva leswaku, loko ndzi fika eka n'wina, ndzi ta mi tisela ndzalo ya minkateko ya Kriste.

Varhoma 11:13

Kutani sweswi ndzi vulavula na n'wina vamatiko, ndzi ri: Leswi ndzi nga muapostola wa vamatiko, ndzi tinyungubyisa hi ntirho wa mina

Timhaka 27:23

Ntsumi ya Xikwembu lexi ndzi nga nandza wa xona, lexi ndzi xi gandzelaka, yi tikombisile ka mina evusikwini lebyi,

Timhaka 26:1

Kutani Agripa a ku ka Pawulo: “U nga vulavula, u hi byela ta wena hi wexe.” Kavaloko Pawulo a tshambuluta voko, a tihlamulela, a ku:

Timhaka 13:9

Kambe Sawulo, a nga yena Pawulo, a tala Moya lowo Kwetsima, kutani a honokela mungoma loyi, a ku:

Yohane 15:15

A ndza ha mi vuri malandza, hikuva nandza a nga tivi lexi n'wini wa yena a xi endlaka; kambe ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tata wa mina.

Yohane 12:26

Loko munhu a ndzi tirhela, a a ndzi landze, kutani laha ndzi nga kona, na yena nandza wa mina ú ta va kona. Loko munhu a ndzi tirhela, Tatana ú ta n'wi komba mafundzha.

Esaya 49:1

Nandza wa HOSI Xikwembu ú ri: “N'wina vanhu va matiko ya le kule, rhiyani ndleve mi ndzi yingisa: HOSI Xikwembu xi ndzi vitanile ndza ha ri khwirini ra manana, xi ndzi thyile vito ndzi nga si velekiwa.

1 TIKRONIKA 23:13

Vana va Amirama i Aroni, na Muxe. Aroni a a hlawuriwile ku hlayisa xivandla lexo hlawuleka ngopfu; hikokwalaho, va ka Aroni hi vona va fanelaka ku hisa mirhi ya risuna emahlweni ka HOSI Xikwembu, va xi tirhela ni ku katekisa vanhu hi vito ra xona minkarhi hinkwayo.

Duteronoma 10:8

Enkarhini wolowo, HOSI Xikwembu xi hlawurile Valevhi leswaku va va vona va rhwalaka Areka ya Ntwanano wa xona, va xi tirhela ni ku katekisa vanhu hi vito ra xona; swa ha ri tano ni namuntlha.

Nhlavutelo 22:6

Kutani ntsumi yi ku ka mina: “Marito lawa ma tshembekile, ma ni ntiyiso. Hosi Xikwembu, xona xi nyikaka vaprofeta eMoya wa xona, xi rhumele ntsumi ya xona ku komba malandza ya xona swilo leswi swi fanelaka ku humelela ku nga ri khale.”

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Timhaka 26:14

Hi wela hansi hinkwerhu; kutani ndzi twa rito leri nge ka mina hi ririmi ra Xiheveru: ‘Sawulo, Sawulo, u ndzi xanisela yini? Wo tivavisa ntsena loko u khadlanya nhonga yo tontswa.’

Timhaka 21:40

Ndhuna yi n'wi pfumelela, kutani Pawulo a yima eswikhandziyeni, a kwehleta vanhu hi voko. Kuteloko va miyerile va ku hwììì, a vulavula na vona hi ririmi ra Xiheveru, a ku:

Yohane 15:20

Tsundzukani leswi ndzi mi byeleke swona, loko ndzi te: ‘Nandza a hi nkulu eka n'wini wa yena.’ Loko va ndzi xanisile, na n'wina va ta mi xanisa; loko va hlayisile rito ra mina, ni ra n'wina va ta ri hlayisa.

Marka 1:14

Endzhaku ka loko Yohane a nghenisiwile ekhotsweni, Yesu a ya eGaleliya, a twarisa Evhangeli ya Xikwembu, a ku:

2 Vakorinto 2:12

Loko ndzi fikile eTrowasi ku twarisa kona Mahungu Lamanene ya Kriste, yena ú ndzi pfulerile nyangwa yo tirha ntirho wa yena.

2 Vakorinto 11:7

Xana a ku ri ku dyoha ke, loko ndzi titsongahatile leswaku n'wina mi tlakusiwa, ni loko ndzi twarisile Mahungu Lamanene ya Xikwembu eka n'wina, ndzi nga kombelanga hakelo ke?

1 Vatesalonika 2:8

Hikokwalaho, hi ku navela ngopfu ku mi komba rirhandzu, hi tilunghiserile ku avelana na n'wina ku nga ri ntsena Evhangeli ya Xikwembu, kambe na byona vutomi bya hina, hikuva mi hundzukile varhandziwa va hina lavakulu.

1 Vatesalonika 2:9

Vamakwerhu, mi tsundzuka ku tikarhata ka hina entirhweni wa hina: Hi tirhile vusiku ni nhlekanhi leswaku hi nga tikiseli na un'we wa n'wina, loko hi ri karhi hi mi dyondzisa Evhangeli ya Xikwembu.

1 Petro 4:17

Hikuva nkarhi wu fikile wa ku avanyisiwa loku nga ta sungula hi va yindlu ya Xikwembu. Kutani, loko ku sungula hi hina, xana makumu ya lava nga yingisiki Evhangeli ya Xikwembu ma ta va layo yini xana?