Vaheveru 9:2 - BIBELE Mahungu Lamanene

² Hikuva a ku lunghisiwile ntsonga wa le handle, lowu a wu ri ni xitlhoma-timboni endzeni ka wona, ni tafula, ni swinkwa swo humesela Xikwembu; vito ra wona i “Xivandla xo Hlawuleka”.

Testamente Leyimpsha Xichangana

² Hikuva akulungisiwile tabernakele, laha axilawu xorhanga axili ni xitlhoma tivoni, ni meza ni svinkwa svohumesela Xikwembu; akuvitaniwa “Ndhawu yoHlawuleka”.

Xitsonga (Bibele)

² Hikuva tabernakela yo rhanga yi akiwile, leyi vuriwaka vukwetsimelo, laha ngi ku ri ni kandelari, ni tafula, ni swinkwa leswi vekeriwaka Yehovha,

Vaheveru 9:2 Referans Kwoze

Eksoda 40:4

Mi ta nghenisa ni tafula, mi xaxameta swilo swa rona hi ndlela ya kona; mi nghenisa ni xitlhoma-timboni, mi tlhoma timboni eka xona.

Eksoda 26:35

Mi ta veka tafula ehandle ka xisirhelelo; xitlhoma-timboni xona mi ta xi veka hi tlhelo ra dzonga ra Ntsonga, ku langutana ni tafula, kutani rona mi ta ri veka hi tlhelo ra n'walungu.

Eksoda 40:2

“Hi siku ro sungula ra n'hweti yo sungula, mi ta yimisa Ntsonga lowo Hlawuleka wa mina HOSI.

Eksoda 26:33

Mi ta xi hayeka xi sukela eka swikhweketo xi ya ehansi; kutani mi ta veka Areka ya Ntwanano endzhaku ka xona. Xisirhelelo lexi xi ta mi avanyisela xivandla lexo hlawuleka ni xivandla lexo hlawuleka ngopfu xa le mpfungwe.

Eksoda 29:35

“U ta endlela Aroni ni vana va yena hinkwaswo leswi ndzi nga ku lerisa swona; ntirho wa ku va veka wu ta teka masiku ya 7.

Eksoda 29:1

“Leswi u nga ta swi endla eka Aroni ni vana va yena loko u va hlawulekisa leswaku va va vaprista va ndzi tirhela, hi leswi: U ta lava xinkuzana ni makhuna mambirhi ya tinyimpfu lama nga solekiki.

Eksoda 25:23

“Kutani mi ta endla tafula hi mapulangi ya murhi wa munga, ri ri ni mimpimo leyi: 100 cm ku leha, ni 50 cm ku anama, ni 75 cm ku ya ehenhla.

Eksoda 25:30

Ehenhla ka tafula, mi fanele ku veka Xinkwa lexo Hlawuleka xa magandzelo, xi tshama xi ri kona emahlweni ka mina minkarhi hinkwayo.”

Eksoda 25:31

“Kutani mi ta endla xitlhoma-timboni hi nsuku lowu tengeke; tshaku ra xona ni nsinya wa xona mi swi fula hi nsuku, mi endla ni swimbitana leswi sasekisiweke hi swihluke ni matluka ya swiluva, mi swi khomanisa ni xitlhoma-timboni.

Eksoda 26:1

“Kutani mi ta endlela Ntsonga swisirhelelo swa khume hi ntsembyani wo saseka lowu lukiweke ni voya bya muhlovo wa rihlaza ra tilo ni wa xivunguvungu ni lowo tshwuka; mi ta swi sasekisa hi ku swi rhungelela swifaniso swa tikerubu

Matewu 5:15

Naswona, a va lumeki rivoni ku ri khubumeta hi xirhundzu, kambe va ri veka ehenhla, kutani ri voninga hinkwavo lava nge ndlwini.

Matewu 12:4

Ú tshama a nghena na vona endlwini ya Xikwembu, va dya swinkwa swa mhamba leswi a swi nga fanelanga ku dyiwa hi yena ni lava a va ri na yena, kambe a swi dyiwa hi vaprista ntsena.

Vaheveru 9:25

Naswona, a nga nghenanga kona ku ta tinyiketa kambe na kambe a va mhamba, kukota Muprista Lonkulu loko a nghena exivandleni lexi hlawulekeke lembe ni lembe, a ri ni ngati leyi yi nga riki ya yena.