Vaheveru 9:15 - BIBELE Mahungu Lamanene

¹⁵ Hikokwalaho, hi yena muyimeri wa papila lerintshwa ra ndzhaka, leswaku lava vitaniweke, va ta kota ku amukela ndzhaka leyi nga heriki leyi va tshembisiweke yona; hikuva ku humelele rifu leri ri va kutsulaka emilandzwini leyi a va ri na yona, ehansi ka papila lero rhanga.

Testamente Leyimpsha Xichangana

¹⁵ Hikolaho, hi yena muyimeli wa papela lerimpsha ra ndzhaka, lesvaku lavavitaniweke, vatakota kuyamukela ndzhaka leyingaheliki leyi vatshembisiweke yona; hikuva kuhumelele rifu leri rivakutsulaka minandzweni leyi avali na yona, hansi ka ntwananu loworhanga.

Xitsonga (Bibele)

¹⁵ Hikwalaho Kriste mulamuri wa ntwanano lowuntshwa, leswaku rifu ra yena, kuteloko ri humelele ku ta kutsula lava tluleke nawu hi nkarhi wa ntwanano lowo sungula, lava vitaniweke va nyikiwa ndzhaka leyi nga heriki, leyi va yi tshembisiweke.

Vaheveru 9:15 Referans Kwoze

Varhoma 8:30

Kutani lava xi nga lulamisa ta vona khale, xi tlhele xi va vitana; ni lava xi va vitaneke, xi tlhele xi va endla va va lava lulameke; ni lava xi nga va endla lava lulameke, xi tlhele xi va kwetsimisa.

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

Vaheveru 9:12

Ú nghenile kan'we ntsena exivandleni lexo hlawuleka ngopfu, kutani a nga tekanga ngati ya timbuti ni ya marhole ku ya gandzela hi yona, kambe ú lo gandzela hi ngati ya yena, a hi kumela ha yona ku kutsuriwa loku nga heriki.

Vaheveru 10:36

Swa fanela leswaku mi tiyisela, leswaku mi ta kota ku endla ku rhandza ka Xikwembu, mi ta amukela leswi xi nga mi tshembisa swona.

1 Timotiya 2:5

Hikuva ku ni Xikwembu xin'we, naswona ku ni Muyimeri un'we loyi a hlanganisaka Xikwembu ni vanhu, yena Kriste Yesu munhu wa xiviri,

Vaheveru 12:24

mi tile ni le ka Yesu, muyimeri wa ntwanano lowuntshwa, ni le ngatini leyi halatiweke, leyi vulaka leswikulu ku tlula ngati ya Avele.

Vaheveru 7:22

Leswi swi endla leswaku Yesu a va mutiyisi wa ntwanano wa ku antswa.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Vaheveru 13:20

Sweswi ke Xikwembu xa ku rhula lexi pfuxeke Hosi ya hina Yesu exikarhi ka vafi — yena loyi a nga Murisi Lonkulu wa tinyimpfu, la nga fungha ntwanano lowu nga heriki hi ngati ya yena —

Varhoma 5:6

Loko ha ha tsanile, Kriste ú fele lavo homboloka, hi nkarhi lowu vekiweke hi Xikwembu.

Vaheveru 9:28

swi tano na Kriste: Ú nyiketiwile kan'we ku rhwala swidyoho swa lavo tala; hikokwalaho, ú ta humelela ra vumbirhi, ku nga ri ku ta susa swidyoho, kambe ku ta ponisa lava va n'wi languteleke hi ku hiteka.

Vaheveru 6:13

Loko Xikwembu xi tshembisile Abrahama, leswi a ku ri hava un'wana la nga nkulu eka xona loyi a xi ta hlambanya hi vito ra yena, xi lo tihlambanyela hi xoxe,

Vaheveru 3:1

Loko swi ri tano, vamakwerhu lava hlawulekeke, lava na n'wina mi averiwaka ku vitaniwa ka le tilweni, anakanyani Yesu, murhumiwa wa Xikwembu ni Muprista Lonkulu wa vukhongeri bya hina.

Vaheveru 2:14

Hikokwalaho, leswi vana va nga va nyama ni ngati yin'we hinkwavo, swi tano na yena: I wa ntumbuluko wun'we na vona leswaku, hi rifu ra yena, a ta kota ku herisa loyi a nga ni matimba ya rifu, a nga yena Diyavulosi,

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

Vaheveru 8:13

Loko Xikwembu xi vulavula hi “ntwanano lowuntshwa”, xi teka lowo sungula wu va lowu nga ha tirhiki; kutani leswi swi nga ha tirhiki, leswi hlakalaka, swi le kusuhi ni ku nyamalala.

Tito 3:7

leswaku, hi tintswalo ta xona, hi ta endliwa lava lulameke emahlweni ka xona, ni ku amukela ndzhaka ya vutomi lebyi nga heriki, lebyi hi byi langutelaka.

Tito 1:2

byi nga lebyi akiweke ehenhla ka ku tshemba vutomi lebyi nga heriki. Xikwembu lexi nga riki na ku hemba xi hi tshembisile vutomi lebyi minkarhi yi nga si va kona;

2 Timotiya 2:10

kutani, etimhakeni hinkwato, ndzi tiyisela hikwalaho ka vahlawuriwa va Xikwembu, leswaku na vona va ta kuma ku ponisiwa loku humaka eka Kriste Yesu, va kuma ni ku kwetsima loku nga heriki.

Yohane 10:28

Ndzi ti nyika vutomi lebyi nga heriki; ti nga ka ti nga lovi ni siku ni rin'we, naswona a ku na munhu la nga ta ti vutla evokweni ra mina.

Matewu 19:29

Kutani un'wana ni un'wana la tshikeke tindlu ta yena, kumbe vamakwavo va xinuna ni va xisati, kumbe tata wa yena, kumbe mana wa yena, kumbe vana, kumbe masimu, hikwalaho ka vito ra mina, ú ta nyikiwa swona ka dzana, a tlhela a dya ndzhaka ya vutomi lebyi nga heriki.

1 Yohane 2:25

Kutani leswi a nga hi tshembisa swona, i vutomi lebyi nga heriki.

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

Vaheveru 11:13

Vanhu lava hinkwavo va fele eku pfumeleni, va nga kumanga leswi a va tshembisiwile swona, kambe va swi vonile ni ku swi tsakela hi le kule, va ri karhi va tivula valuveri ni vaendzi emisaveni.

2 Vatesalonika 2:14

Xikwembu xi mi vitanele swona hi Evhangeli leyi hi mi tiviseke yona, leswaku mi averiwa ku kwetsima ka Hosi ya hina Yesu Kriste.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Vaheveru 9:16

Laha ku nga na papila ra ndzhaka, swi fanele ku kombisiwa swinene leswaku mutsari wa rona ú file.

2 Vakorinto 3:6

Hi xona lexi xi hi nyikeke hinkwaswo leswi a hi swi pfumala, loko xi hi endlile malandza ya ntwanano lowuntshwa, lowu nga wa Moya, wu nga ri wa milawu yo tsariwa; hikuva milawu yo tsariwa ya lovisa, kambe Moya wona wa hanyisa.

Varhoma 9:24

Swibya leswi, hi hina lava xi hi vitaneke, hina hi humaka ku nga ri exikarhi ka Vayuda ntsena, kambe ni le xikarhi ka vamatiko.

Varhoma 5:10

Loko ha ha ri valala eka Xikwembu, hi endliwile lava vuyelelaneke na xona hi ku fa ka N'wana wa xona; kutani, leswi hi nga vuyelelana na xona, ngopfu-ngopfu hi ta ponisiwa hi mhaka ya ku hanya ka Kriste.

Varhoma 5:8

Kambe Xikwembu xi kombisa erivaleni rirhandzu ra xona eka hina, hileswi Kriste a nga hi fela loko ha ha ri vadyohi.

Luka 18:18

Kutani yin'wana ya tindhuna yi n'wi vutisa, yi ku: “Mudyondzisi lonene, xana ndzi nga endla yini ku kuma vutomi lebyi nga heriki xana?”

Marka 10:17

Kuteloko Yesu a humile ni ku khoma ndlela, munhu un'wana a ta ka yena hi ku tsutsuma, a fika a nkhinsama emahlweni ka yena, a n'wi vutisa a ku: “Mudyondzisi lonene, ndzi nga endla yini leswaku ndzi ta dya ndzhaka ya vutomi lebyi nga heriki?”

Matewu 25:36

a ndzi swerile, mi ndzi ambexile; a ndzi vabya, mi ndzi ongorile; a ndzi ri ekhotsweni, mi tile mi ta ndzi kamba.’

Matewu 25:34

“Hi laha Hosi yi nga ta byela lava nge vokweni ra yona ra xinene yi ku: ‘Tanani n'wina lava katekisiweke hi Tata wa mina, amukelani Mfumo lowu nga lunghiseriwa n'wina hi mpfhuka misava yi tumbuluka;

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Pisalema 37:18

Masiku hinkwawo HOSI Xikwembu xi tikarhatela lava nga riki na xisandzu; ndzhaka ya vona yi ta va kona hilaha ku nga heriki.

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

Matewu 22:3

Yi rhuma malandza ya yona ku ya vitana lava nga rhambiwa enkhubyeni, kambe vona va ala ku ta.

Luka 22:20

Hi mukhuva wolowo, a teka xinwelo loko va lalerile, a ku: “Xinwelo lexi i ntwanano lowuntshwa engatini ya mina, leyi halatiwaka hikwalaho ka n'wina.]

Timhaka 20:32

“Kutani ndza mi nyiketa sweswi eka Xikwembu, ni ka rito ra tintswalo ta xona, leri kotaka ku mi akisa ni ku mi nyika ndzhaka exikarhi ka hinkwavo lava xi tihlawuleleke vona.

Vagalatiya 3:20

Loko ku ri na muhlanganisi, swi vula leswaku munhu a hi un'we emhakeni, kasi Xikwembu xona i xin'we.

Vaheveru 6:15

Hi ndlela yoleyo Abrahama, hi ku lehisa mbilu, ú kumile leswi a tshembisiweke swona.

Vaheveru 10:34

Mi kombile tintswalo eka lava bohiweke ekhotsweni; naswona mi swi tekile hi moya wa ku tsaka loko swilo swa n'wina swi phanghiwa, hikuva a mi tiva leswaku mi ni rifuwo leri tlulaka sweswo, leri nga ta va kona hilaha ku nga heriki.