Vaheveru 8:7 - BIBELE Mahungu Lamanene

⁷ Loko onge ntwanano wolowo wo sungula a wu vanga na swihoxo, a ku nga ta laveka wun'wana wa vumbirhi.

Testamente Leyimpsha Xichangana

⁷ Loko ingi ntwananu wolowo wa kusungula awungavanga ni svihoxo, akungatalaveka wun'wana wa vumbirhi.

Xitsonga (Bibele)

⁷ Hikuva loko ngi lowo rhanga a wu tengile hinkwako, a ku nga ti laviwa wun'wana wa vumbirhi.

Vaheveru 8:7 Referans Kwoze

Vaheveru 7:11

Kutani ke, loko onge ku hetiseka ka vanhu ku endlekile hi mhaka ya vuprista bya va ka Levhi (hikuva ehansi ka byona vanhu va nyikiwile Nawu), xana a ka ha laveka yini, ku ka muprista un'wana “wa rixaka rin'we na Melkisedeke” a humelela, ematshan'wini ya ku va ni loyi a vuriwaka “wa rixaka rin'we na Aroni” xana?

Vaheveru 7:18

Hi tlhelo, xileriso lexa khale xi tshikiwile, hikuva a xi pfumala matimba, naswona a xi nga pfuni nchumu

Vagalatiya 3:21

Loko swi ri tano, xana Nawu wu lwa ni switshembiso swa Xikwembu xana? Niswitsanana! Hikuva loko onge ku vekiwile nawu lowu wu kotaka ku nyika vanhu evutomi, vanhu a va ta endliwa lava lulameke hi ku hlayisa Nawu;

Vaheveru 8:6

Kambe hilaha timhaka ti yimeke hakona, Kriste ú kumile ntirho lowu tlulaka ngopfu lowa khale hi ku saseka, tanihi leswi ntwanano lowu a nga muyimeri wa wona wu nga wa ku antswa, hikuva lowa khale wu bohiwile hi ku ya hi switshembiso leswi nga swa ku antswa.

Duteronoma 29:14

Ntwanano lowu wu tiyisiwaka hi ku hlambanya namuntlha, HOSI Xikwembu a xi wu endli na n'wina ntsena;