Vaheveru 7:5 - BIBELE Mahungu Lamanene

⁵ Kutani vatukulu va Levhi lava nyikiweke ntirho wa vuprista, va pfumeleriwa hi Nawu ku amukela vukhume lebyi humesiwaka hi vanhu, hileswaku lebyi humesiwaka hi vamakwavo, kasi na vona vamakwavo lava i vatukulu va Abrahama.

Testamente Leyimpsha Xichangana

⁵ Kutani vatukulu va Levhi lavanyikiweke ntirho wa vuprista, vapfumeleliwa hi Nawu kuyamukela sva vukhume lebzi bzihumesiwaka hi vanhu, hi lesvaku lebzi bzihumesiwaka hi vamakwavu, kasi na vona vamakwavu lava i vatukulu va Abrahamu.

Xitsonga (Bibele)

⁵ Hikuva lava nga vana va Levhi, lava nyikiweke vuprista, va lerisiwile hi nawu ku teka swa vukhume eka vanhu lava nga vamakwavo, hambi va humile na vona enkaveni wa Abrahama;

Vaheveru 7:5 Referans Kwoze

Vaheveru 7:10

hikuva a a ha ri endzeni ka kokwa wa yena Abrahama loko Melkisedeke a hlangana na yena.

Nehemiya 13:10

Ndzi kume ni leswaku Valevhi ni vayimbeleri lava a va ri ntirhweni a va sukile eYerusalema va tlhelela emitini ya vona leyi nga ni masimu, hikuva vanhu a va nga ha va yiseli leswi a va fanele ku hanya ha swona.

1 TIHOSI 8:19

Hambiswiritano, a hi wena la nga ta aka yindlu leyi, kambe n'wana wa wena loyi u nga ta n'wi veleka, hi yena la nga ta aka yindlu leyi vito ra mina ri nga ta dzunisiwa eka yona.’ ”

Tinhlayo 18:7

Entirhweni wa vuprista, wena ni vana va wena mi ta vona swa mintirho ya le alitarini ni ya le xivandleni lexo hlawuleka ngopfu lexi pfariweke hi xisirhelelo; mi ta tirha leswi hikuva ntirho wa vuprista i nyiko leyi ndzi mi nyikeke yona; kutani loyi a nga ta tshinelela xivandla lexi a nga ri muprista, ú ta fa.”

Vaheveru 5:4

Naswona, munhu a nga tihlawuleli ntirho lowu wo dzuneka, kambe ú vitaniwa hi Xikwembu, kukota leswi swi nga endliwa eka Aroni.

Eksoda 28:1

“Vitana makwenu Aroni, a ta eka wena ni vana va yena, Nadabu, na Abihu na Eliyazara, na Itamara, u hlawula vanhu lava exikarhi ka Vaisraele; va ta va vaprista, va ndzi tirhela.

Genesa 46:26

Vanhu hinkwavo va ka Yakobo lava ngheneke etikweni ra Egipta, vana ni vatukulu va yena, a va ringana 66, ehandle ka vingi va yena.

Eksoda 1:5

Vana va Yakobo ni vatukulu va yena hinkwavo a va ri 70, ku katsa na Yosefa loyi a ku ri khale a ri etikweni ra Egipta.

Genesa 35:11

Kutani Xikwembu xi ku: “Hi mina Xikwembu-xa-matimba-hinkwawo. Tswalanani mi andza, mi va tiko. Eka wena ku ta huma vanhu va matiko layo tala, hambi ti ri tihosi ti ta huma eka wena.

Duteronoma 26:12

“Lembe rin'wana ni rin'wana ra vunharhu, ri nga ra ku humesa vukhume, loko mi hetile ku humesa vukhume bya ntshovelo wa n'wina hinkwawo, ni loko mi byi nyikile Valevhi, ni valuveri, ni lava pfumalaka vatswari, ni tinoni, leswaku va dya va xurha emitini ya n'wina,