Vaheveru 7:25 - BIBELE Mahungu Lamanene

²⁵ Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Testamente Leyimpsha Xichangana

²⁵ Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.

Xitsonga (Bibele)

²⁵ Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

Vaheveru 7:25 Referans Kwoze

Varhoma 8:34

Kriste Yesu loyi a feke, kumbe hi nga ku, yena loyi a pfuxiweke eku feni, wa ha ri yena loyi a nga evokweni ra xinene ra Xikwembu, kutani hi yena loyi a hi khongelelaka.

1 Timotiya 2:5

Hikuva ku ni Xikwembu xin'we, naswona ku ni Muyimeri un'we loyi a hlanganisaka Xikwembu ni vanhu, yena Kriste Yesu munhu wa xiviri,

Yuda 1:24

Eka yena loyi a nga ni matimba ya ku mi hlayisa leswaku mi nga khuguriwi mi wa, eka yena la kwetsimaka, la kotaka ku mi yimisa emahlweni ka yena mi nga ri na xivati, mi tsakile,

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Vaefesa 2:18

Hi yena la endleke leswaku hina hinkwerhu, Vayuda ni vamatiko, hi kota ku ta hi moya wun'we emahlweni ka Xikwembu.

Varhoma 5:2

naswona hi ku pfumela, hi kotile ku kuma ha yena tintswalo leti hi yimeke ka tona sweswi, kutani hi tidzunisa eku languteleni ka hina ka ku averiwa ku kwetsima ka Xikwembu.

Vaheveru 11:6

kutani ehandle ka ku pfumela a swi endleki ku tsakisa Xikwembu. Un'wana ni un'wana loyi a lavaka ku tshinelela Xikwembu ú fanele ku pfumela leswaku xi kona, ni leswaku xi hakela lava va xi lavaka.

Vaefesa 3:20

Eka yena loyi a kotaka ku endla, hi matimba lama tirhaka eka hina, ku tlula ngopfu swinene hinkwaswo leswi hi nga swi kombelaka, kumbe leswi hi nga swi ehleketaka,

Esaya 45:22

“Hundzulukelani eka mina leswaku mi ta ponisiwa, n'wina mi akeke emisaveni hinkwayo, hikuva Xikwembu hi mina ntsena, a ku na xin'wana.

Vaheveru 9:24

Hikuva Kriste a nga nghenanga exivandleni lexo hlawuleka xo endliwa hi mavoko, lexi ngo va xifaniso ntsena xa lexa xiviri, kambe ú nghenile etilweni hi koxe, a ta humelela sweswi emahlweni ka Xikwembu ku hi yimela.

Vaheveru 7:19

(hikuva Nawu a wu endlanga xilo ni xin'we xi va lexi hetisekeke); hi tlhelo rin'wana ku tisiwile ku langutela lokuntshwa, loku ha kona hi tshinelelaka Xikwembu.

Esaya 59:16

HOSI Xikwembu xi swi vonile ni leswaku a ku na munhu loyi a tiyimiseleke ku pfuna van'wana, xi hlamarile ku vona leswaku a ku na loyi a lamulelaka vanhu va xona; hikokwalaho, xi ta ya hi xoxe, xi ya lwa xi hlula, xi komba leswaku hi xona mulamuleri.

Yohane 14:13

Xin'wana ni xin'wana lexi mi xi kombelaka hi vito ra mina, ndzi ta xi endla, leswaku Tatana a dzunisiwa eka N'wana.

Daniele 6:20

Kuteloko a fika ekheleni, a huwelela Daniele hi rito leri kombaka ku vaviseka, a ku: “We Daniele, we nandza wa Xikwembu lexi hanyaka, xana Xikwembu xa wena lexi u xi tirhelaka minkarhi hinkwayo, xi swi kotile ku ku lamulela etinghaleni xana?”

Daniele 3:17

Loko ho tshuka hi hoxiwa ekheleni ra ndzilo lowu pfurhaka, Xikwembu xa hina lexi hi xi tirhelaka, xi ta hi humesa, xi hi kutsula ni le mavokweni ya wena.

Ntirho 23:3

Loko a ndzo tiva laha Xikwembu xi tshamaka kona, a ndzi ta xi landza kona.

Vaheveru 5:7

Emasikwini ya yena ya ku hanya la misaveni, Yesu ú khongerile ni ku kombela hi ku titsongahata, a huwelela hi matimba ni ku rila hi mihloti, eka Xikwembu lexi a xi ri ni matimba ya ku n'wi ponisa eku feni, kutani ú yingisiwile hikwalaho ka xichavo xa yena.

Esaya 53:12

Hikokwalaho, ndzi ta n'wi nyika ndhawu exikarhi ka lavo chaviseka, a avelana leswi phanghiweke ni vanhu va matimba, hikuva ú tinyiketile ku fela van'wana, a hlayiwa exikarhi ka vadyohi. Ú tirhwexile milandzu ya lavo tala, a khongela Xikwembu leswaku xi tsetselela vadyohi.”

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Esaya 63:1

Xana munhu loyi a taka a huma eBosira etikweni ra Edomu, a nga va a ri mani xana? Xana i mani loyi a taka a bombile hi swiambalo swo tshwuka swi ku júú, xana? La kandziyaka hansi hi matimba lamakulu, i mani ke? “Hi mina HOSI, mina ndzi nga ni matimba yo ponisa, ndzi ta ndzi ta tivisa leswaku ndzi hlurile.”

Vaheveru 7:16

loyi a nga va muprista, ku nga ri hi ku landza milawu ni swileriso swa vanhu, kambe ku ri hi matimba ya vutomi lebyi nga onhakiki.

Vaheveru 2:18

Hikuva leswi na yena a nga twa ku vaviseka ni ku ringiwa, wa swi kota ku pfuna lava ringiwaka.

Vafilipiya 3:21

Ú ta hundzula miri wa hina lowu solekaka, a wu endla lowu fanaka ni miri wa yena lowo kwetsima, hi matimba lawa ha wona a kotaka ku veka hinkwaswo ehansi ka mfumo wa yena.

Yohane 14:16

Ndzi ta kombela Tatana, kutani yena ú ta mi nyika Muchaveleri un'wana, loyi a nga ta va na n'wina hilaha ku nga heriki,

Yeremiya 3:22

Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Esaya 45:24

Va ta vulavula hi mina, va ku: ‘La nyikaka matimba ni ku hlula, i HOSI Xikwembu ntsena!’ ” Hinkwavo lava a va lwa na HOSI Xikwembu, va ta ta eka xona va ri ni tingana.

2 Timotiya 1:12

Kutani ndzi xaniseka hi ndlela leyi hikwalaho ka swona; kambe a ndzi na tingana, hikuva ndzi tiva loyi ndzi pfumeleke eka yena, kutani ndzi tshemba swinene leswaku wa swi kota ku hlayisa leswi a swi vekeke emavokweni ya mina, ku fikela siku lerikulu.

Daniele 3:29

Kutani sweswi ndzi veka nawu lowu nge: Munhu un'wana ni un'wana loyi a nga ta vulavula swo biha hi Xikwembu xa Xadraka, na Mexaka, na Abedi-Nego, ú ta phatluleriwa a fa, muti wa yena wu hundzuka rhumbi, hikuva a ku na xikwembu xin'wana lexi nga ponisaka vanhu hi ndlela leyi.”

Vaheveru 7:24

Kasi ntirho wa yena wa vuprista, Yesu ú wu khomela makumu, hikuva ú hanya hi masiku ni masiku.

Daniele 9:16

Wena N'wini wa hina, u hi lwerile minkarhi leyo tala. Namuntlha, hi kombela leswaku u rheleta vukari bya wena, u tshika ku hlundzukela muti wa Yerusalema entshaveni ya wena leyo hlawuleka, hikuva matiko hinkwawo lawa ya hi rhendzeleke, ma hlekule muti lowu ma monya na hina vanhu va wena, hi mhaka ya leswi hi ku dyoheleke, hina ni vatata wa hina.

Daniele 3:15

Kutani sweswi, loko mi lava ku pona, nkhinsamani mi khongela xifaniso lexi ndzi xi yimiseke, enkarhini lowu mi nga ta twa mpfumawulo wa mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana. Loko mi nga endli sweswo, mi ta hatla mi khomiwa, mi hoxiwa ekheleni ra ndzilo lowu pfurhaka. Xana xi kona xikwembu lexi xi nga mi ponisaka emavokweni ya mina xana?”

Vaefesa 3:12

Hi ku hlangana na yena, ni ku pfumela eka yena, hi ntshunxekile ku ta emahlweni ka Xikwembu hi nga ri na ku kanakana.

Vaheveru 7:8

Hi tlhelo rin'we, vukhume byi amukeriwa hi vanhu lava faka; kasi hi tlhelo lerin'wana, byi amukeriwa hi munhu loyi Matsalwa ma vulaka leswaku wa hanya.

Ntirho 22:17

A va ku: ‘Xikwembu a xi suke laha ka hina; hambileswi xi nga ni matimba hinkwawo, xi nga hi endla yini ke?’

Varhoma 5:10

Loko ha ha ri valala eka Xikwembu, hi endliwile lava vuyelelaneke na xona hi ku fa ka N'wana wa xona; kutani, leswi hi nga vuyelelana na xona, ngopfu-ngopfu hi ta ponisiwa hi mhaka ya ku hanya ka Kriste.

1 Vakorinto 1:21

Hikuva, evutlharini bya xona, Xikwembu xi endlile leswaku vanhu va misava, hi vutlhari bya vona, va tsandzeka ku xi tiva. Kutani swi tsakisile Xikwembu ku ponisa lava pfumelaka, hi ku tirhisa swo sweswi vanhu va nge i “vuhunguki”, loko hi twarisa Rito.

Vaheveru 2:9

Kambe hi vona Yesu, loyi a nga endliwa ku va hansi ka tintsumi nkarhinyana, sweswi a nga nyikiwa ku kwetsima ni ku twala swi va harhi ya vuhosi enhlokweni ya yena, hi mhaka ya ku twisiwa ku vaviseka ka rifu; a swi ri leswaku, hi tintswalo ta Xikwembu, a twa nhlomulo wa rifu hikwalaho ka munhu un'wana ni un'wana.