Vaheveru 7:19 - BIBELE Mahungu Lamanene

¹⁹ (hikuva Nawu a wu endlanga xilo ni xin'we xi va lexi hetisekeke); hi tlhelo rin'wana ku tisiwile ku langutela lokuntshwa, loku ha kona hi tshinelelaka Xikwembu.

Testamente Leyimpsha Xichangana

¹⁹ (hikuva Nawu awuyendlanga xilo ni xin'we xiva lexihetisekeke); hi tlhelo rin'wana kutisiwile kulangutela lokumpsha, loku hakona hitshinelelaka Xikwembu.

Xitsonga (Bibele)

¹⁹ hikuva nawu a wu hetisangi nchumu; kasi ku nghenile ku tshemba loku wu tlurisaka, loku hi tshinelelaka Xikwembu hakona.

Vaheveru 7:19 Referans Kwoze

Timhaka 13:39

sweswi un'wana ni un'wana la pfumelaka wa pemberisiwa ka swona ha Yesu.

Vaheveru 4:16

Hikokwalaho, a hi tshineleni kusuhi ni xiluvelo xa tintswalo, hi ri ni ku tshemba leswaku hi ta tsetseleriwa ni ku kuma tintswalo leti nga ta hi pfuna eminkarhini ya ku pfumala.

Vaheveru 9:9

Wona wu fanisa swa nguva leyi, kutani hi maendlele ya wona, ku humesiwa tinyiko ni magandzelo; swona a swi koti ku miyeta ripfalo ra loyi a gandzelaka,

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Vaheveru 11:40

Hikuva Xikwembu a xi ri ni makungu man'wana lama antswaka hi tlhelo ra hina, leswaku va nga endliwi lava hetisekeke ehandle ka hina.

Vaheveru 10:1

Leswi Nawu wu nga ndzhuti ntsena wa leswo saseka leswi nga ta humelela, ematshan'wini ya ku va xivumbeko xa xiviri xa swilo swa kona, wu nga ka wu nga swi koti, hi magandzelo man'we ni lama humesiwaka kambe na kambe malembe hinkwawo, ku endla leswaku lava tshinelelaka Xikwembu va va lava hetisekeke.

Vaheveru 6:18

Sweswi ke, ku ni swilo swimbirhi leswi nga hundzukiki, leswi eka swona swi nga endlekiki leswaku Xikwembu xi kumeka xi ri muhembi. Kutani hina lava hi chaveleke eka xona, hi ta tiya nhlana swinene, hi amukela hi mandla mambirhi ku langutela loku ku vekiweke emahlweni ka hina.

Varhoma 5:2

naswona hi ku pfumela, hi kotile ku kuma ha yena tintswalo leti hi yimeke ka tona sweswi, kutani hi tidzunisa eku languteleni ka hina ka ku averiwa ku kwetsima ka Xikwembu.

Vaheveru 8:6

Kambe hilaha timhaka ti yimeke hakona, Kriste ú kumile ntirho lowu tlulaka ngopfu lowa khale hi ku saseka, tanihi leswi ntwanano lowu a nga muyimeri wa wona wu nga wa ku antswa, hikuva lowa khale wu bohiwile hi ku ya hi switshembiso leswi nga swa ku antswa.

Vaheveru 7:25

Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Vagalatiya 2:16

Hambiswiritano, hi tiva leswaku munhu a nga endliwi la lulameke emahlweni ka Xikwembu hi ku hlayisa Nawu, kambe ku ri ntsena hi ku pfumela eka Yesu Kriste; kutani hina hi pfumerile eka Kriste Yesu, leswaku hi endliwa lava lulameke hi ku pfumela eka yena, ku nga ri hi ku hlayisa Nawu; hikuva ku tsariwile va ku: “A ku na munhu na un'we la nga ta endliwa la lulameke hi ku hlayisa Nawu.”

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Pisalema 73:28

Loko ndzi ri mina, ndzi tsakela ku va kusuhi na wena we Xikwembu, we HOSI N'wini wanga, ndzi kumile khokholo eka wena, kutani ndzi ta twarisa hinkwaswo leswi u swi endleke.

Vaheveru 7:11

Kutani ke, loko onge ku hetiseka ka vanhu ku endlekile hi mhaka ya vuprista bya va ka Levhi (hikuva ehansi ka byona vanhu va nyikiwile Nawu), xana a ka ha laveka yini, ku ka muprista un'wana “wa rixaka rin'we na Melkisedeke” a humelela, ematshan'wini ya ku va ni loyi a vuriwaka “wa rixaka rin'we na Aroni” xana?

1 Timotiya 1:1

Mina Pawulo, muapostola wa Kriste Yesu hi ku lerisa ka Xikwembu Muponisi wa hina ni ka Kriste Yesu ku tshemba ka hina,

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Vaefesa 3:12

Hi ku hlangana na yena, ni ku pfumela eka yena, hi ntshunxekile ku ta emahlweni ka Xikwembu hi nga ri na ku kanakana.

Vagalatiya 3:24

Hikokwalaho, Nawu a wu ri murisi wa hina ku fikela loko Kriste a tile, leswaku hi ta endliwa lava lulameke hi mhaka ya ku pfumela.

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Swirilo 3:57

Siku ndzi ku vitaneke, u tile kusuhi na mina, u ku: ‘U nga chavi!’

Varhoma 7:7

Loko swi ri tano, xana hi nga vula yini ke? Xana Nawu i ku dyoha ke? Niswitsanana! Hambiswiritano, a ndzi nga ta tiva leswi ku dyoha ku nga swona, loko Nawu a wu nga vanga kona; hikuva a ndzi nga ta tiva leswi ku navela loko biha ku nga swona, loko Nawu a wu nga vulanga wu ku: “U nga tshuki u navela!”

Vagalatiya 3:21

Loko swi ri tano, xana Nawu wu lwa ni switshembiso swa Xikwembu xana? Niswitsanana! Hikuva loko onge ku vekiwile nawu lowu wu kotaka ku nyika vanhu evutomi, vanhu a va ta endliwa lava lulameke hi ku hlayisa Nawu;

Vaheveru 3:6

Kambe Kriste, ú tshembekile tanihi n'wana la nga n'wini endlwini ya Xikwembu. Kutani hina hi yindlu ya xona, loko hi khomelela hi tiya, eku tshembeni ni le ku tlangeleni ka hina hi tlhelo ra swilo leswi hi swi langutelaka.

Vaheveru 7:20

Naswona, leswi a swi endliwanga ehandle ka ku hlambanya. Lava nga vekiwa vaprista khale, va vekiwile entirhweni wa vona ehandle ka ku hlambanya,

Vaheveru 11:6

kutani ehandle ka ku pfumela a swi endleki ku tsakisa Xikwembu. Un'wana ni un'wana loyi a lavaka ku tshinelela Xikwembu ú fanele ku pfumela leswaku xi kona, ni leswaku xi hakela lava va xi lavaka.

Yakobo 4:8

Tshinelani kusuhi ni Xikwembu kutani xi ta tshinela kusuhi na n'wina. Hlambani mandla ya n'wina, n'wina vadyohi, mi basisa timbilu ta n'wina, n'wina vanhu va miehleketo mimbirhi.