Vaheveru 7:10 - BIBELE Mahungu Lamanene

¹⁰ hikuva a a ha ri endzeni ka kokwa wa yena Abrahama loko Melkisedeke a hlangana na yena.

Testamente Leyimpsha Xichangana

¹⁰ hikuva ahali ndzeni ka kokwana wa yena Abrahamu loko Melkisedeke atlhangana na yena.

Xitsonga (Bibele)

¹⁰ hikuva a a ha ri enkaveni wa kokwa wa yena, Abrahama, siku Melkisedeke a hlanganaka na yena.

Vaheveru 7:10 Referans Kwoze

Vaheveru 7:5

Kutani vatukulu va Levhi lava nyikiweke ntirho wa vuprista, va pfumeleriwa hi Nawu ku amukela vukhume lebyi humesiwaka hi vanhu, hileswaku lebyi humesiwaka hi vamakwavo, kasi na vona vamakwavo lava i vatukulu va Abrahama.

Genesa 46:26

Vanhu hinkwavo va ka Yakobo lava ngheneke etikweni ra Egipta, vana ni vatukulu va yena, a va ringana 66, ehandle ka vingi va yena.

Genesa 35:11

Kutani Xikwembu xi ku: “Hi mina Xikwembu-xa-matimba-hinkwawo. Tswalanani mi andza, mi va tiko. Eka wena ku ta huma vanhu va matiko layo tala, hambi ti ri tihosi ti ta huma eka wena.

1 TIHOSI 8:19

Hambiswiritano, a hi wena la nga ta aka yindlu leyi, kambe n'wana wa wena loyi u nga ta n'wi veleka, hi yena la nga ta aka yindlu leyi vito ra mina ri nga ta dzunisiwa eka yona.’ ”

Vaheveru 5:6

Kun'wana xi vurile nakambe xi ku: “U muprista hilaha ku nga heriki, hileswi u nga wa rixaka rin'we na Melkisedeke.”

Vaheveru 7:9

Naswona, munhu a nga vula leswaku Levhi hi yexe, loyi a amukelaka vukhume, ú byi humesile loko Abrahama a ri karhi a byi humesa,

Vaheveru 7:11

Kutani ke, loko onge ku hetiseka ka vanhu ku endlekile hi mhaka ya vuprista bya va ka Levhi (hikuva ehansi ka byona vanhu va nyikiwile Nawu), xana a ka ha laveka yini, ku ka muprista un'wana “wa rixaka rin'we na Melkisedeke” a humelela, ematshan'wini ya ku va ni loyi a vuriwaka “wa rixaka rin'we na Aroni” xana?