Vaheveru 6:2 - BIBELE Mahungu Lamanene

² ni dyondzo ehenhla ka ta ku tibasisa, ni ta ku tlhandleka vanhu emavoko, ni ta ku pfuka ka vafi, ni ta siku ra ku avanyisiwa ka makumu.

Testamente Leyimpsha Xichangana

² jondzo henhla ka ta kukhuvula, nitakutlhanteka vanhu mavoko, ni ta kupfuka ka vafi, ni ta siku ra kuyavanyisiwa ka makumu.

Xitsonga (Bibele)

² ni ya dyondzo ya ku khuvula, ni ya ku tlhandleka ka mavoko, ni ya ku pfuka ka lava feke, ni ku avanyisa loku nga heriki.

Vaheveru 6:2 Referans Kwoze

Timhaka 6:6

Nhlengeletano yi va tisa eka vaapostola; kuteloko vona va khongerile, va va tlhandleka mavoko.

Timhaka 24:25

Kambe loko Pawulo a vulavula hi ta ku lulama, ni ta ku tikhoma, ni ta ku avanyisiwa loku nga ta ta, Felikisi a khomiwa hi ku chava, a hlamula, a ku: “Namuntlha, famba u ya tshama; siku ndzi kumaka nkarhi, ndzi ta tlhela ndzi ku vitana.”

Timhaka 23:6

Kutani Pawulo, hi ku tiva leswaku van'wana exikarhi ka vona i Vasaduki, kasi van'wana i Vafarisi, a tlakusa rito ehubyeni a ku: “N'wina varikwerhu, ndzi Mufarisi, n'wana wa Vafarisi, kutani ndzi avanyisiwa kwala hikuva ndzi languterile ku pfuka ka vafi.”

Timhaka 17:18

Kambe tintlhari tin'wana ta ntlawa wa Vaepikuro ni wa Switoyika ti kanetana na yena; van'wana va ku: “Xana munhu loyi wo jakatseka, ú lava ku hi byela yini ke?” Van'wana va ku: “Wonge i mudyondzisi wa ta swikwembu swin'wana.” A va vula sweswo, hikuva Pawulo a a va byela ta Yesu ni ta ku pfuka eku feni.

Timhaka 16:33

Kutani, enkarhini wolowo wa vusiku, mulanguteri a va teka a hlantswa mimpfembeti ya vona; kutani kan'we-kan'we a khuvuriwa, yena ni vanhu va yena hinkwavo.

Timhaka 16:15

Kuteloko a khuvuriwile swin'we ni va ndyangu wa yena, a hi khongela, a ku: “Loko mi vona leswaku ndzi munhu la pfumeleke ka Hosi hakunene, mi nga nghena ekaya ka mina, mi tshama kona.” Kutani a hi sindzisa ku ya kona.

Timhaka 10:47

“I mani la nga alaka sweswi leswaku vanhu lava va khuvuriwa hi mati, leswi va amukeleke Moya lowo Kwetsima kukotisa hina ke?”

Timhaka 2:41

Hiloko lava amukeleke marito ya yena, va khuvuriwa; kutani esikwini rero, ku amukeriwa vanhu lava lavaka ku va 3 000.

Timhaka 2:38

Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Yohane 1:33

Mina a ndzi nga n'wi tivi, kambe Xikwembu lexi ndzi rhumeke ku khuvula hi mati, xi ndzi byerile, xi ku: ‘Loyi u nga ta vona Moya wu xikela ka yena, wu tshama ehenhla ka yena, hi yena loyi a khuvulaka hi Moya lowo Kwetsima.’

Marka 16:16

La nga ta pfumela, a vuya a khuvuriwa, ú ta ponisiwa; kambe la nga pfumeriki, ú ta avanyisiwa.

Matewu 28:19

hikokwalaho, yanani eka vamatiko hinkwavo, mi va endla vadyondzisiwa va mina, mi va khuvula hi vito ra Tatana, ni ra N'wana, ni ra Moya lowo Kwetsima,

Daniele 12:2

Exikarhi ka lava etleleke emasirheni, ku ta pfuka lavo tala; van'wana va ta ya nghena evutomini lebyi nga heriki, kasi van'wana va ta ya eku soriweni, va khomisiwa tingana leti nga heriki.

Eklesiasta 12:14

Xikwembu xi ta kambela ntirho wun'wana ni wun'wana, hambi wu ri lowu endliweke exihundleni, ku vona loko wu ri lowunene kumbe lowo biha.

2 Petro 3:7

Kambe hi ro rito rero, matilo ni misava ya sweswi, swi hlayiseriwe ku tshwa hi ndzilo, swi yimele siku ra ku avanyisiwa ni ra ku lovisiwa ka vanhu lava nga riki na mhaka na Xikwembu.

Vaheveru 11:35

Vavasati va tlhele va kuma vafi va vona lava pfuxiweke eku feni. Van'wana va kombiwile maxangu, kambe va ala ku ntshunxiwa, leswaku va ta pfukela evuton'wini lebyi antswaka.

Vaheveru 9:10

kambe swo tirha eka swakudya, ni swakunwa, ni mikhuva leyo tala ya ku tibasisa, ni milawu ya swa miri leyi vekiweke, ku ko ku fika nkarhi wa ku ololoxa hinkwaswo.

2 Timotiya 2:18

lava tshikeke ntiyiso, hi ku vula leswaku swa ku pfuka eku feni swi hundzile khale, kutani va khunguvanyisa van'wana eku pfumeleni.

Vakolosa 2:12

Hi ku khuvuriwa, mi lahliwile esirheni swin'we na yena, mi tlhela mi pfuxiwa eku feni swin'we na yena, hi ku pfumela leswaku i matimba ya Xikwembu lama nga n'wi pfuxa exikarhi ka vafi.

Vafilipiya 3:21

Ú ta hundzula miri wa hina lowu solekaka, a wu endla lowu fanaka ni miri wa yena lowo kwetsima, hi matimba lawa ha wona a kotaka ku veka hinkwaswo ehansi ka mfumo wa yena.

1 Vakorinto 12:13

Hinkwerhu, hambi hi ri Vayuda kumbe Vagriki, mahlonga kumbe lava tifumaka, hi hundzukile miri wun'we, hi ku khuvuriwa ka hina eMoyeni wun'we; hinkwerhu hi nyikiwile ku nwa Moya wun'we ntsena.

1 Vakorinto 10:2

Epapeni ni le lwandle va khuvuriwile hinkwavo exinakulobyeni xa Muxe,

Varhoma 2:16

swi ta va tano hi siku leri Xikwembu xi nga ta avanyisa swihundla swa vanhu ha Yesu Kriste, hilaha Evhangeli leyi ndzi yi dyondzisaka yi vulaka hakona.

Timhaka 26:8

N'wina Vayuda, xana mi tsandzeka ha yini ku pfumela leswaku Xikwembu xi nga pfuxa vafi xana?

Timhaka 24:21

va nga vilela hi xilo xin'we ntsena lexi ndzi nga huwelela ha xona exikarhi ka vona, loko ndzi te: ‘Ndzi avanyisiwa hi n'wina namuntlha hikwalaho ka ku pfuka ka vafi.’ ”

Timhaka 24:15

Leswi ndzi swi languteleke eka Xikwembu, hi swona leswi na vona va swi languteleke: hileswaku lavo lulama ni lava nga lulamangiki va ta pfuka eku feni.

Timhaka 4:2

a va vilela hikuva vaapostola a va dyondzisa vanhu ni ku vula ta ku pfuka ka vafi hikwalaho ka ku pfuka ka Yesu eku feni.

Yohane 5:29

kutani va ta huma. Lava endleke leswinene va ta pfuka va ya evutomini lebyi nga heriki, lava endleke leswo biha va ta pfuka va ya eku avanyisiweni.”

Luka 14:14

u ta kateka, hikuva a va na swa ku ku tlherisela va ku nkhensa ha swona, kutani hi siku ra ku pfuka ka lavo lulama u ta tlheriseriwa swona.”

Luka 12:50

Ndzi ni nkhuvulo lowu ndzi fanelaka ku khuvuriwa ha wona, kutani ndzi le ku karhatekeni lokukulu, ku kondza loko nkhuvulo lowu wu hetiseka.

Luka 11:38

Kambe Mufarisi a hlamala loko a vona leswaku a nga rhanganga hi ku hlamba a nga si dya.

Luka 3:16

Yohane a va hlamula hinkwavo, a ku: “Loko ndzi ri mina, ndzi mi khuvula hi mati, kambe wa ta un'wana loyi a ndzi tlulaka hi matimba, loyi swi nga ndzi faneriki ku ntshunxa ngoti ya tintanghu ta yena; yena ú ta mi khuvula hi Moya lowo Kwetsima ni ndzilo.

Marka 7:8

“Mi tshika nawu wa Xikwembu, kambe mi namarhela mikhuva leyi mi yi kumeke eka vanhu ntsena.”

Marka 7:4

Ni loko va vuya hi le ku xaveni, a va dyi va nga si hlamba, va ha hlayisa ni mikhuva yin'wana leyo tala leyi va yi toloveleke, tanihi leya ku hlantswa mindzheko, ni timbita, ni swibya swa koporo, ni switshamu.

Matewu 3:14

Kambe Yohane a ala a ku: “Hi mina loyi a fanelaka ku khuvuriwa hi wena, kasi wena u ta eka mina!”

2 Vakorinto 5:10

Hikuva hinkwerhu hi ta fanela ku yima emahlweni ka xitshamu xa ku avanyisa xa Kriste, leswaku un'wana ni un'wana a ta amukela hakelo ya leswi a swi endleke loko a ha ri emirini, leswo saseka kumbe leswo biha.

Timhaka 13:3

Kutani loko va titsonile swakudya ni loko va khongerile, va va tlhandleka mavoko, kutani va va pfulela tindlela.

Esaya 26:19

Va ka hina lava feke, va ta tlhela va hanya, va ta huma emasirheni ya vona; hinkwavo lava nga hansi emisaveni, va ta yima va yimbelela hi ntsako, hikuva we HOSI Xikwembu, u fana ni mberha leyi hanyisaka swimilana: U ta endla leswaku lava feke khale, va tlhela va hanya.