Vaheveru 6:16 - BIBELE Mahungu Lamanene

¹⁶ Loko vanhu va hlambanya, va hlambanya hi loyi a nga nkulu eka vona, kutani etimhakeni ta vona ta ku kanetana, ku hlambanya swi heta ni ku tiyisa mhaka.

Testamente Leyimpsha Xichangana

¹⁶ Loko vanhu vahlambanya, vahlambanya hi lweyi anga nkulu ka vona, kutani kuhlambanya kutiyisa lesvi svivuliweke nasvona kuhelisa kuphikizana hinkwaku ka vona.

Xitsonga (Bibele)

¹⁶ Hikuva loko va ri vanhu, va hlambanya hi loyi a va tlulaka hi vukulukumba, kutani ku kanetana hinkwako ka vona ku hela eku hlambanyeni loku tiyisaka timhaka.

Vaheveru 6:16 Referans Kwoze

Eksoda 22:11

mhaka ya vona yi ta tsemiwa hi ku hlambanya emahlweni ka mina HOSI Xikwembu, ku tiyisa leswaku loyi a a fuyisiwile xifuwo a nga xi khumbanga, kutani n'wini wa xifuwo ú ta pfumela, a nga ka a nga rihisi mufuyisiwa.

Vaheveru 6:13

Loko Xikwembu xi tshembisile Abrahama, leswi a ku ri hava un'wana la nga nkulu eka xona loyi a xi ta hlambanya hi vito ra yena, xi lo tihlambanyela hi xoxe,

Genesa 31:53

Xikwembu xa Abrahama, ni Xikwembu xa Nahoro, a swi ve swona leswi nga ta hi avanyisa.” Kutani Yakobo a hlambanya emahlweni ka Xikwembu lexi Isaka tata wa yena a xi chavaka.

Genesa 21:23

hikokwalaho, ndzi kombela leswaku u ndzi tshembisa hi ku hlambanya emahlweni ka Xikwembu leswaku u nga ka u nga ndzi kanganyisi, mina ni vana va mina kumbe vatukulu va mina; ndzi tshembise leswaku leswi ndzi kombeke ku tshembeka ka mina eka wena, na wena u ta endla tano eka mina ni tiko ra mina leri u luveleke eka rona.”

Genesa 14:22

Kambe Abrama a hlamula hosi ya Sodoma a ku ka yona: “Ndzi hlambanyile emahlweni ka HOSI Xikwembu-xa-le-henhla-henhla, xona muendli wa tilo ni misava,

2 SAMIELE 21:2

Hiloko Davhida a vitana va le Gibiyoni, a vulavula na vona. (Va le Gibiyoni lava a va nga ri va rixaka ra Israele, kambe a va ri masalela ya Vaamori; Vaisraele a va tibohile hi ku hlambanya leswaku va ta va tsetselela, kambe Sawulo a a ringetile ku va herisa, hikuva a a hisekela vanhu va Israele na Yuda.)

Vagalatiya 3:15

Vamakwerhu, ndzi ta mi fanisela hi leswi humelelaka evanhwini siku rin'wana ni rin'wana: Loko ntwanano wu tiyisiwile, hambi ku ri exikarhi ka vanhu, a ku na loyi a nga wu herisaka, kumbe ku engetela swin'wana eka wona.

Genesa 21:24

Abrahama a hlamula a ku: “Ndzi ta hlambanya.”