Vaheveru 6:12 - BIBELE Mahungu Lamanene

¹² A hi lavi leswaku mi va lavo loloha, kambe hi lava leswaku mi fana ni vanhu lava sweswi va kumaka leswi va tshembisiweke swona, hi mhaka ya ku pfumela ka vona ni ku lehisa timbilu.

Testamente Leyimpsha Xichangana

¹² Ahilavi lesvaku mihundzuka lava vololoha, kambe hilava lesvaku mifana ni vanhu lava svosvi vakumaka lesvi vatshembisiweke svona, hi mhaka ya kupfumela ka vona hi kulehisa mbilu.

Xitsonga (Bibele)

¹² leswaku mi nga ti hundzuka lava lolohaka, kambe mi va valandzeri va lava kumaka ndzhaka ya ku tshembisiwa, hi ku pfumela ni ku leha ka mbilu.

Vaheveru 6:12 Referans Kwoze

Vaheveru 13:7

Anakanyani vafambisi va n'wina, lava nga mi dyondzisa rito ra Xikwembu; ehleketani vutomi bya vona ni mahetelelo ya byona, mi landza ntila wa ku pfumela ka vona.

Vaheveru 10:36

Swa fanela leswaku mi tiyisela, leswaku mi ta kota ku endla ku rhandza ka Xikwembu, mi ta amukela leswi xi nga mi tshembisa swona.

1 Yohane 2:25

Kutani leswi a nga hi tshembisa swona, i vutomi lebyi nga heriki.

Varhoma 12:11

Ku chivirika ka n'wina ku nga vohli, kambe mi va ni ku hiseka emoyeni, mi tirhela Hosi.

Vaheveru 5:11

Eka mhaka leyi, hi ni leswo tala leswi hi nga swi vulaka, leswi swi nonon'hwaka ku swi hlamusela, hikuva tindleve ta n'wina a ta ha twi.

2 Petro 1:10

Hikokwalaho, vamakwerhu, hisekelani ngopfu-ngopfu ku tiyisa ku vitaniwa ni ku hlawuriwa ka n'wina, hikuva loko mi endla sweswo a mi nga khuguki mi wa ni siku ni rin'we.

Yakobo 1:3

hikuva ma swi tiva leswaku loko ku pfumela ka n'wina ku tiya eku ringiweni, swi humesa ku tiyisela.

Vaheveru 12:1

Hikokwalaho, leswi hi rhendzeriweke hi vunyingi lebyikulu lebyi bya timbhoni, na hina a hi tshikeni hinkwaswo leswi swi hi sivelaka ku ya emahlweni, ni vudyoho lebyi hatlaka ku hi namarhela, hi tsutsuma hi ri ni ku tiyisela eku tsutsumeni ka mpfhuka lowu hi vekeriweke wona.

Vaheveru 1:14

Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?

Varhoma 4:12

Naswona i tatana eka lavo yimba, ku nga ri ntsena hileswi va nga yimba, kambe hileswi va fambaka endleleni ya ku pfumela, leyi tata wa hina Abrahama a nga famba ha yona, ni loko a nga si yimba.

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Swivuriso 18:9

Loyi a lolohaka entirhweni wa yena, a nga hambananga na loyi a tsakelaka ku onha ntsena.

Nhlavutelo 13:10

Loyi ku khomiwa swi n'wi kongomeke, ú ta khomiwa hakunene; ni loyi ku dlayiwa hi tlhari swi n'wi kongomeke, ú ta dlayiwa hi tlhari hakunene.” Leswi swi vula leswaku vahlawuriwa va Xikwembu va fanele ku tiyisela, va va ni ku pfumela.

Vaheveru 11:33

Vanhu lava, hi mhaka ya ku pfumela, va hlurile matiko; va avanyisile hi ku lulama, va kumile leswi a va tshembisiwile swona; va pfarile milomo ya tinghala.

Vaheveru 6:15

Hi ndlela yoleyo Abrahama, hi ku lehisa mbilu, ú kumile leswi a tshembisiweke swona.

2 Vatesalonika 1:4

Hikokwalaho, hina hi xiviri xa hina, hi tikurisa ha n'wina etikerekeni ta Xikwembu, hi mhaka ya ku tiyisela ka n'wina ni ya ku pfumela ka n'wina, exikarhi ka maxangu ni mahlomulo hinkwawo lawa mi ma vonaka.

Luka 8:15

Timbewu leti nga wela emisaveni leyinene, i vanhu lava yingisaka Rito hi timbilu leto lulama, letinene, va ri hlayisa, va veka mihandzu hi ku tiyisela.

Matewu 22:32

‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo.’ Xona a hi Xikwembu xa lava feke, kambe i Xikwembu xa lava hanyaka.”

Swivuriso 15:19

Ndlela yo lolo yi tlhumile hi mitwa, kasi gondzo ra lowa migingiriko, ri khuleriwile ri basa.

Swivuriso 13:4

Lolo ri fa hi ku navela, kambe a ri kumi nchumu; munhu wa migingiriko yena, ú dya a xurha.

Swivuriso 12:24

Vanhu va migingiriko va ta va valawuri, kasi lavo loloha va ta rhwexiwa mintirho yo tika.

1 Vatesalonika 1:3

Emahlweni ka Xikwembu Tata wa hina, hi tsundzuka hilaha ku pfumela ka n'wina ku tikombeke hakona hi swiendlo, ni leswaku mi chivirika eku languteleni ka Hosi ya hina Yesu Kriste, hi rirhandzu ni ku tikarhata.

Luka 16:22

Siku rin'wana xisiwana lexi xi fa, kutani tintsumi ti xi rhwala ti xi yisa exifuveni xa Abrahama. Mufuwi na yena a fa, a lahliwa esirheni.

Matewu 25:26

N'wini wa yena a n'wi hlamula a ku: ‘Nandza lowa lunya, wo loloha, a wu ri karhi u tiva leswaku ndzi tshovela laha ndzi nga byalangiki kona, ni leswaku ndzi hlengeleta laha ndzi nga haxangiki mbewu kona! Xana a hi swona xana?

Risimu ra Tinsimu 1:8

Loko u nga swi tivi, wena mbhurhi exikarhi ka vanhwana, landzelela mabudula ya ntlhambi, u byisa swimbutana swa wena swi kongoma emixaxeni ya varisi.

Swivuriso 2:20

Hikokwalaho, khoma ndlela ya vanhu lavanene, u nga hambuki ebuduleni ra lavo lulama;

Swivuriso 28:10

Munhu loyi a kucetelaka lavo lulama ku endla leswo biha, ú tivangela khombo. Vanhu lava nga riki na xisandzu, vona va ta dya ndzhaka ya leswinene.

Swivuriso 26:14

Rivanti a ri fambi ku ya kule, hi mhaka ya swikinere, lolo na rona ri tano, ro vumbuluka-vumbuluka emubedweni wa rona.