Vaheveru 5:7 - BIBELE Mahungu Lamanene

⁷ Emasikwini ya yena ya ku hanya la misaveni, Yesu ú khongerile ni ku kombela hi ku titsongahata, a huwelela hi matimba ni ku rila hi mihloti, eka Xikwembu lexi a xi ri ni matimba ya ku n'wi ponisa eku feni, kutani ú yingisiwile hikwalaho ka xichavo xa yena.

Testamente Leyimpsha Xichangana

⁷ Masikwini ya yena ya kuhanya laha misaveni, Yesu akhongelile nikukombela hi kutitsongahata, ahuwelela hi matimba ni kurila minhloti, ka lweyi anga ni matimba ya kumuponisa kufeni, kutani ayingisiwile hikolaho ka xichavu xa yena.

Xitsonga (Bibele)

⁷ Hi yena loyi, emasikwini ya nyama ya yena, a tiseleke loyi ngi a ri ni matimba ya ku n'wi ponisa eku feni, mikhongelo ya ku chivirika, a ri karhi a huwelela ni ku rila; a tlhela a yingisiwa, a susiwa tingana;

Vaheveru 5:7 Referans Kwoze

Yohane 17:1

Yesu ú vurile timhaka leti. Kutani a tlakusa mahlo, a languta etilweni, a ku: “Tatana, nkarhi wu fikile; dzunisa N'wana wa wena, leswaku N'wana a ku dzunisa.

Matewu 27:46

Loko ku lavile ku va nkarhi wa 3 ni ndzhenga, Yesu a huwelela hi rito leri tlakukeke, a ku: “Eli, Eli, lama sabaktani?” hileswaku: “Xikwembu xanga, Xikwembu xanga, u ndzi tshikele yini?”

Marka 15:34

Hi nkarhi wolowo wa ndzhenga, Yesu a huwelela hi rito leri tlakukeke a ku: “Eloyi, Eloyi, lama sabaktani?” hileswaku: “Xikwembu xanga, Xikwembu xanga, u ndzi tshikele yini?”

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

Yohane 11:35

Yesu a rila.

Matewu 27:50

Kavaloko Yesu a engeta a huwelela hi rito leri tlakukeke, kutani a hlala a fa.

Marka 15:37

Kavaloko Yesu a huwelela hi rito leri tlakukeke, a hlala a fa.

Pisalema 22:24

hikuva a xi solanga loyi a nga nhlomulweni, kumbe ku n'wi honisa; a xi n'wi fularhelanga, kambe xi n'wi yingisile loko a huwelela eka xona.”

Vaheveru 2:14

Hikokwalaho, leswi vana va nga va nyama ni ngati yin'we hinkwavo, swi tano na yena: I wa ntumbuluko wun'we na vona leswaku, hi rifu ra yena, a ta kota ku herisa loyi a nga ni matimba ya rifu, a nga yena Diyavulosi,

Luka 23:46

Kutani Yesu a huwelela hi rito leri tlakukeke, a ku: “Tatana, ndzi nyiketa moya wa mina emavokweni ya wena.” Loko a vurile sweswo, a hlala a fa.

Pisalema 69:1

We Xikwembu ndzi ponise, hikuva ndzi lava ku dyiwa hi mati.

Esaya 53:11

Ú ta vona mihandzu ya maxangu ya yena layo chavisa, kutani a tsaka. HOSI Xikwembu xi ri: “Nandza wa mina ú tiva ku rhandza ka mina; leswi a nga riki na nandzu, ú ta ntshunxa lavo tala emilandzwini ya vona hikuva ú biwile ematshan'wini ya vona.

Vaheveru 13:20

Sweswi ke Xikwembu xa ku rhula lexi pfuxeke Hosi ya hina Yesu exikarhi ka vafi — yena loyi a nga Murisi Lonkulu wa tinyimpfu, la nga fungha ntwanano lowu nga heriki hi ngati ya yena —

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Esaya 49:8

HOSI Xikwembu xi vurisa sweswo, xi ri: “Loko nkarhi wa ku katekisa wu ta va wu fikile, ndzi ta ku hlamula, ndzi ta ku pfuna, loko siku ra ku ponisa ri ta va ri fikile. Ndzi ta ku hlayisa, ndzi ku tirhisa ku endla ntwanano ni vanhu hinkwavo; ndzi ta pfuxa tiko ra Vaisraele, ndzi va avela hi vuntshwa tindhawu ta vona leti a ti hundzukile nhova.

Levhitika 2:2

Kutani a ya na swona eka vaprista, va nga vana va Aroni, a fika a nusa mapa lama nga ni mafurha a tata xandla, kutani muprista ú ta swi hisa alitarini ni murhi hinkwawo wa risuna, swi va swo suma ha swona; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

2 Yohane 1:7

Hakunene vaxisi lavo tala va hangalakile ni misava, i vanhu lava kanetaka leswaku Yesu Kriste ú tile emisaveni a va munhu. Mukaneti wo tano i muxisi ni Nala wa Kriste.

1 Yohane 4:3

Kutani moya wihi na wihi lowu nga vuriki sweswo hi tlhelo ra Yesu, a hi wa Xikwembu. Lowu hi wo moya wa Nala wa Kriste, lowu mi tweke ta wona leswaku wa ta; kutani nisweswi wu kona la misaveni.

Vagalatiya 4:4

Kambe loko nkarhi wu fikile hi ndlela leyi hetisekeke, Xikwembu xi rhumile N'wana wa xona, la velekiweke hi wansati, a velekiwa a ri hansi ka Nawu,

Yohane 11:42

Mina ndzi swi tivile leswaku masiku hinkwawo wa ndzi yingisa, kambe ndzi vurile swilo leswi hikwalaho ka ntshungu lowu yimeke kwala, wu ta kala wu pfumela leswaku hi wena la ndzi rhumeke.”

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Pisalema 88:1

We HOSI, Xikwembu xanga ni muponisi wanga, vusiku ni nhlekanhi ndzi huwelela ka wena ndzi kombela ku pfuniwa.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Vaheveru 10:5

Hikwalaho ka swona, loko Kriste a ri kusuhi ni ku ta laha misaveni, ú te ka Xikwembu: “A wu navelanga timhamba ni magandzelo, kambe u ndzi vumbele miri.

Vaheveru 10:10

Kutani, leswi a endleke ku rhandza loku ka Xikwembu, hina hi endliwile lava hlawulekeke hi miri wa yena, lowu a wu nyiketeke ku va mhamba kan'we swi hela kwalaho.

Vaheveru 11:7

Hi ku pfumela, Nowa ú yingisile swinene loko Xikwembu xi n'wi tsundzuxa hi ku n'wi byela leswi a swi nga si vonaka; kutani a aka ngalava ku ta ponisa va ndyangu wa yena; hi ku endla sweswo, ú avanyisile misava, a va a amukela ku lulama loku nyikiwaka hi mhaka ya ku pfumela.