Vaheveru 4:3 - BIBELE Mahungu Lamanene

³ Hina lava pfumeleke, hi hina hi nghenaka eku wiseni koloku, hilaha Xikwembu xi nga te: “Ndzi hlambanyile evukarini bya mina ndzi ku: ‘Va nga ka va nga ngheni eku wiseni ka mina!’ ” Xi vurile sweswo hambileswi mintirho ya xona a yi hetisekile hi mpfhuka misava yi tumbuluka.

Testamente Leyimpsha Xichangana

³ Hina lava hipfumeleke, hi hina hinghenaka kuwiseni koloko, hilaha Xikwembu xingate: “Nihlambanyile kuhlundzukeni ka mina niku: ‘Vangakala vangangheni kuwiseni ka mina!’” Xivulile svosvo hambilesvi mintirho ya xona ayihetisekile hi mpfhuka misava yitumbuluxiwa.

Xitsonga (Bibele)

³ Hikuva hi ta nghena eku wiseni, hina lava pfumeleke, hilaha xi nga te: “Hi leswi ndzi hlambanyeke evukarini bya mina leswaku va nga ti nghena eku wiseni ka mina,” hambi mitirho yi tirhiwile ku sukela eku vumbiweni ka misava.

Vaheveru 4:3 Referans Kwoze

Pisalema 95:11

Hikokwalaho eku hlundzukeni ka mina ndzi hlambanyile ndzi ku: ‘A va nga ngheni etikweni leri a ndzi naverile ku va wisisa eka rona!’ ”

1 Petro 1:20

Hambileswi a hlawuriweke khale, misava yi nga si tumbuluka, ú kombiwile hikwalaho ka n'wina, eminkarhini leyi ya makumu.

Vaheveru 9:26

Hikuva loko swi ri tano, Kriste a a ta va a fanele ku twisiwa ku vaviseka kambe na kambe, ku sukela loko misava yi tumbuluka. Kasi, hilaha swi nga hakona, ú humelele kan'we swi hela kwalaho, sweswi ku nga fika minkarhi ya makumu, a endlela ku susa xidyoho hi ku tinyiketa ka yena a va mhamba.

Vaefesa 1:4

Niloko misava yi nga si tumbuluxiwa, Xikwembu a xi hi hlawurile eka Kriste, leswaku hi ta va lava hlawulekeke ni ku pfumala nandzu emahlweni ka xona.

Genesa 1:31

Hiloko Xikwembu xi languta swilo hinkwaswo leswi xi swi endleke, kutani xi vona leswaku swilo leswi swi sasekile ngopfu. Kutani ku va madyambu, ku tlhela ku va mixo, ri va siku ra vu-6.

Vaheveru 3:11

Hikokwalaho, ndzi hlambanyile evukarini bya mina, leswaku va nga ka va nga ngheni eku wiseni ka mina.”

Matewu 13:35

leswaku ku ta endleka rito ra muprofeta la nga te: “Ndzi ta vulavula hi swifaniso, ndzi twarisa timhaka leti a ti fihliwile, hi mpfhuka misava yi tumbuluka.”

Esaya 28:12

xi va byerile xi ku: “Tshamani mi wisa, lava karheleke, va tshikeni va wisa, hikuva lowu i nkarhi wo koka moya.” Kambe a va xi yingisanga.

Eksoda 20:11

hikuva hi masiku ya 6, mina HOSI Xikwembu ndzi endlile tilo ni misava ni lwandle, ni hinkwaswo leswi nga ka swona, kutani hi siku ra vu-7 ndzi wisile; hikokwalaho, mina HOSI ndzi katekisile siku leri, ndzi ri endla leri hlawulekeke.

Vaheveru 3:14

Hikuva hi ni ku averiwa eka Kriste ntsena loko hi khomelela hi tiya ku yisa emakumu, eku tshembeni ka hina loku ko sungula,

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Ezekiele 20:38

Ndzi ta hlawula lava tiarisaka ni lava va ndzi dyoheleke, ndzi va humesa etikweni leri va luveleke eka rona, kambe etikweni ra Israele va nga ka va nga ngheni, kutani mi ta tiva leswaku HOSI Xikwembu, hi mina!

Matewu 25:34

“Hi laha Hosi yi nga ta byela lava nge vokweni ra yona ra xinene yi ku: ‘Tanani n'wina lava katekisiweke hi Tata wa mina, amukelani Mfumo lowu nga lunghiseriwa n'wina hi mpfhuka misava yi tumbuluka;