Vaheveru 4:12 - BIBELE Mahungu Lamanene

¹² Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

Testamente Leyimpsha Xichangana

¹² Hikuva Rito ra Xikwembu rahanya, nasvona ratirha, rikariha kutlula tlhari lerilotiweke matlhelo ha mambirhi, ritlhava rikondza rihambanyisa ahefemulo ni moya, ni marhambu ni mongo, hi rona leri yavanyisaka miyanakanyu ni makungu ya mbilu.

Xitsonga (Bibele)

¹² Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

Vaheveru 4:12 Referans Kwoze

Yeremiya 23:29

Rito ra mina ri hisa ku fana ni ndzilo, ri ni matimba kukota nyundzu leyi fayaka maribye.

Esaya 55:11

Swi ta va tano ni rito leri humaka enon'wini wa mina: Ri nge vuyeli ka mina ri nga tirhanga nchumu; ri ta endla ku rhandza ka mina, ri hetisisa ni makungu ya mina.

Vaefesa 6:17

Amukelani ku ponisiwa, xi va xihuku xa n'wina xa le nhlokweni, kutani Rito ra Xikwembu ri va fumu ra n'wina leri Moya wu mi nyikaka rona.

Pisalema 119:130

Loko vanhu va hlamuseriwa rito ra wena swi va pfula mahlo, vanhu va xiyimo xa le hansi swi va nyika vutlhari.

1 Petro 1:23

Mi tswariwile ra vumbirhi, ku nga ri hi mbewu leyi bolaka, kambe hi leyi nga boriki, ri nga Rito ra Xikwembu leri hanyaka, leri tshamaka hi masiku hinkwawo.

Esaya 49:2

Nomo wa mina, xi wu endlile fumu lero tontswa, xi ndzi sirhelela hi voko ra xona; xi ndzi endlile nseve lowu vangamisiweke, xi ndzi tumbeta enkotlotweni wa xona.

Nhlavutelo 1:16

Evokweni ra yena ra xinene a a tamerile tinyeleti ta 7; enon'weni wa yena a ku huma tlhari leri lotiweke hi matlhelo mambirhi; xikandza xa yena a xi fana ni dyambu loko ri vangama ninhlekanhi.

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Varhoma 1:16

Mhaka hileswaku a ndzi na tingana hi Evhangeli, hikuva i matimba ya Xikwembu yo ponisa hinkwavo lava pfumelaka, ku sukela eka Vayuda, ku yisa eka vamatiko.

Pisalema 149:6

A va tlakuse rito va xi tlangela, va hlomile matlhari.

Nhlavutelo 19:15

Enon'weni wa yena ku huma banga lero kariha, leri a nga ta tsema matiko ha rona, kutani ú ta ma fuma hi nhonga ya nsimbhi. Ú ta kandziyela xikamelo xa vhinya ya vukari lebyo chavisa bya Xikwembu lexi nga ni matimba hinkwawo.

Vaefesa 5:13

Loko swilo leswi hinkwaswo swi soriwa erivaleni, ku vonakala ku ta komba leswi swi nga swona,

Luka 8:11

“Loko xi ri xifaniso lexi, xi vula leswi: Timbewu i Rito ra Xikwembu.

Pisalema 139:2

loko ndzi tshamile kumbe ndzi yimile, wa swi tiva; makungu ya mina u ma vonile khale!

Yohane 6:51

Hi mina vuswa lebyi hanyaka lebyi xikeke hi le tilweni; loko munhu a dya vuswa bya kona, ú ta hanya hilaha ku nga heriki, kutani vuswa lebyi ndzi nga ta byi nyika vanhu, i nyama ya nga; ndza yi nyika leswaku misava yi va ni vutomi.”

Esaya 11:4

ú ta avanyisa timhaka ta swisiwana hi ku lulama, ni ta swikamba, ú ta ti tsema hi ndlela leyinene; nomo wa yena wu ta va nhonga yo ba vanhu va misava, loko a hefemula, lavo homboloka va ta fa.

Pisalema 45:3

We nhenha, khweketa fumu ra wena enyongeni, hikuva wa dzuneka naswona wa chaviseka.

Nhlavutelo 19:21

Lava van'wana va dlawa hi banga ra loyi a tshameke ehenhla ka hanci, banga leri ri humaka enon'weni wa yena, kutani tinyanyana hinkwato ti dya ti xurha hi nyama ya vona.

Nhlavutelo 2:16

Hundzuka ke! Loko u nga hundzuki, ndzi ta hatla ndzi ku tela kwaleyo, ndzi ta lwa ni vanhu va kona hi tlhari ra nomo wa mina.

Vaheveru 13:7

Anakanyani vafambisi va n'wina, lava nga mi dyondzisa rito ra Xikwembu; ehleketani vutomi bya vona ni mahetelelo ya byona, mi landza ntila wa ku pfumela ka vona.

Timhaka 4:31

Kuteloko va hetile ku khongela, xivandla lexi va hlengeletaneke ka xona xi tsekatseka, hinkwavo va tala hi Moya lowo Kwetsima, kutani va vula rito ra Xikwembu va tiyile.

Timhaka 2:37

Kuteloko vanhu va yingisile marito lawa, va tlhaveka timbilu; kutani va ku ka Petro ni ka vaapostola lavan'wana: “N'wina varikwerhu, xana hi ta endla yini?”

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Nhlavutelo 20:4

Kutani ndzi vona swiluvelo; lava tshameke ehenhla ka swona, va nyikiwa matimba ya ku avanyisa. Naswona, ndzi vona mimoya ya lava tsemiweke tinhloko hi mhaka ya ku twarisa vumbhoni bya Yesu ni ya ku vula Rito ra Xikwembu. A va gandzelanga xivandzana kumbe xifaniso xa xona, a va funghiwanga hi mfungho wa xona emimombyeni ya vona, kumbe emavokweni ya vona. Kutani va tlhela va hanya, va fuma na Kriste malembe ya 1 000.

1 Vatesalonika 5:23

Ingi Xikwembu xa ku rhula xona ha xoxe, xi nga mi endla lava hlawulekeke hi matlhelo hinkwawo. Ingi mimoya ya n'wina, ni timbilu ta n'wina, ni miri wa n'wina, swi nga hlayiseka swi basile, swi nga ri na nandzu siku Hosi ya hina Yesu Kriste a vuyaka.

2 Vakorinto 4:2

Hi tshikile mintirho hinkwayo ya munyama ni ya tingana; a hi hanyi hi ku xisetela vanhu; a hi soholoti Rito ra Xikwembu; kambe hi humesela ntiyiso erivaleni, kutani hi tikomba hi ri lava nkhensekaka eripfalweni ra un'wana ni un'wana, ne mahlweni ka Xikwembu.

Swivuriso 5:4

kambe eku heteleleni, wa bava ku fana ni xibaha, wa kariha kukota mukwana wa xinyayi.

Yakobo 1:18

Hi ku rhandza ka yena, ú hi velekile hi rito ra ntiyiso, leswaku hi nga va lava vuriwaka mativula ya swivumbiwa swa yena.

Eklesiasta 12:11

Marito ya vanhu vo tlhariha, ma fana ni tinhonga to tontswa, kumbe timhingu leti dzimiweke hansi ti tiya. Vadyondzisi va marito lawa, hi nyikiwile vona hi Murisi a ri un'we.

2 Vakorinto 2:17

Hikuva a hi fani ni lavo tala, lava endlaka bindzu lero biha hi Rito ra Xikwembu; kambe hi vulavula kukotisa vanhu va timbilu leto tenga, kukota lava rhumiweke hi Xikwembu; hi vulavula emahlweni ka Xikwembu hi ri va ka Kriste.

Pisalema 110:2

HOSI Xikwembu lexi nga Siyoni a xi tiyise vuhosi bya wena xi byi kurisa. Fuma emahlweni ka valala va wena!

1 Vakorinto 1:24

kambe eka lava vitaniweke, hambi va ri Vayuda, hambi va ri Vagriki, Kriste i matimba ya Xikwembu ni vutlhari bya xona.

Timhaka 5:33

Loko va huvo va twa marito lawa, va kariha ngopfu, kutani va tiyimisela ku va dlaya.

Yohane 12:48

La ndzi fularhelaka, kutani a nga amukeli marito ya mina, ú ni loyi a n'wi avanyisaka; i marito lawa ndzi ma vulaka lawa ma nga ta n'wi avanyisa hi siku ra makumu.

Timhaka 7:38

Eminkarhini ya ku hlengeletana ka Vaisraele le mananga, hi yena loyi a nga va ni ntsumi leyi vulavuleke na yena entshaveni ya Sinayi, a tlhela a va ni vatata wa hina; hi yena nakambe la amukeleke marito ya vutomi ku hi nyika wona.

Vaefesa 5:26

Ú endlile leswi leswaku a ta yi hlawulekisa hi rito ra yena, a yi endla leyi tengeke hi ku yi khuvula hi mati.

Vaheveru 6:5

lava nga nantswa ku nandziha ka Rito ra Xikwembu ni matimba ya swa minkarhi leyi taka,

Vaavanyisi 3:16

Hiloko Ehudi a tiendlela mukwana wa kwalomu ka 50 cm hi ku leha, lowu lotiweke hala ni hala, a wu khweketa enyongeni ya xinene, a wu tumbeta hi swiambalo.