Vaheveru 3:18 - BIBELE Mahungu Lamanene

¹⁸ Kutani Xikwembu xi hlambanyele vamani leswaku “va nga ka va nga ngheni eku wiseni ka xona” xana? Xana a xi nga vuli vona lava a va tiarisa xana?

Testamente Leyimpsha Xichangana

¹⁸ Kutani Xikwembu xihlambanyele vamani lesvaku “vangakala vangangheni kuwiseni ka xona” xana? Xana axingavuli vona lava avatiyalisa ke?

Xitsonga (Bibele)

¹⁸ Kambe i vamani xana xi nga hlambanya eka vona leswaku va nga tshuki va nghena eku wiseni ka xona, loko va nga ri lava tiariseke xana?

Vaheveru 3:18 Referans Kwoze

Vaheveru 4:6

Hikokwalaho, leswi swa ha tiyeke leswaku van'wana va ta nghena kona, ni leswi lava kumeke Mahungu Lamanene eku sunguleni va tsandzekeke ku nghena hi mhaka ya ku tiarisa ka vona,

Tinhlayo 14:30

a ku na un'we wa vona loyi a nga ta nghena etikweni leri ndzi nga hlambanya leswaku mi ta tshama eka rona. Kambe Kalebe n'wana Yefune na Yoxuwa n'wana Nuni hi vona ntsena lava nga ta nghena etikweni ra kona.

Tinhlayo 20:12

Kutani HOSI Xikwembu xi ku ka Muxe na Aroni: “Mi nga ka mi nga va fikisi Vaisraele etikweni leri ndzi va nyikeke rona, hikuva a mi ndzi tshembanga, mi arile ku va komba matimba ya mina layo hlawuleka.”

Vaheveru 4:2

Hikuva Mahungu Lamanene ma tile eka hina ku fana swinene ni leswi ma nga ta eka vona; kambe Mahungu lawa va ma tweke a ma va pfunanga nchumu, hikuva a ma kumananga ni ku pfumela eka vona lava va ma tweke.

Vaheveru 3:11

Hikokwalaho, ndzi hlambanyile evukarini bya mina, leswaku va nga ka va nga ngheni eku wiseni ka mina.”

Duteronoma 9:23

Loko mi ri le Kadexe-Bariniya, HOSI Xikwembu xi mi byerile leswaku mi tlhandluka mi ya teka tiko leri xi mi nyikaka rona ri va ra n'wina, kambe mi arile ku yingisa swileriso swa xona, mi nga xi tshembi kumbe ku endla leswi xi mi byelaka swona.

Tinhlayo 14:11

HOSI Xikwembu xi ku ka Muxe: “Vanhu lava va ta ndzi sandza ku fika rini xana? Xana, hambileswi ndzi endleke mahlori layo tala exikarhi ka vona, va ha ta ya emahlweni va ala ku ndzi tshemba xana?

Tinhlayo 14:23

hikokwalaho, va nga ka va nga ri voni tiko leri ndzi ri tshembiseke vatata wa vona hi ku hlambanya; hinkwavo lava va ndzi sandzeke, a va nga ri voni tiko ra kona.

Tinhlayo 14:37

va hlaseriwa hi ntungu va fa emahlweni ka HOSI Xikwembu.

Pisalema 78:22

hikuva a va nga pfumeli eka xona, naswona a va nga tshembi leswaku xi nga va ponisa.

Yohane 3:36

Loyi a pfumelaka eka N'wana, ú ni vutomi lebyi nga heriki; loyi a nga yingisiki N'wana, a nga ka a nga kumi vutomi, kambe vukari bya Xikwembu byi tshame henhla ka yena.

Varhoma 11:30

Na n'wina vamatiko, a mi nga yingisi Xikwembu khale, kambe sweswi, hikwalaho ka Vaisraele lava nga yingisangiki, mi tsetseleriwile.

Vaheveru 4:11

Loko swi ri tano, a hi ringeteni hi matimba ku nghena eku wiseni koloko, leswaku ni un'we a nga wi hi ku tiarisa loku fanaka ni ka vona.