Vaheveru 3:17 - BIBELE Mahungu Lamanene

¹⁷ Kutani a va ri vamani lava xi nga va karihela hi malembe ya 40 xana? Xana a hi lava va dyoheke, lava mintsumbu ya vona yi weke yi sala emananga xana?

Testamente Leyimpsha Xichangana

¹⁷ Kutani avali vamani lava xingavahlundzukela hi malembe ya mune wa makume ke? Xana ahi lava vajoheke, lava mintsumbu ya vona yiweke yisala mananga ke?

Xitsonga (Bibele)

¹⁷ A hi vona lava dyoheke, volavo mitsumbu ya vona yi nga sala emananga xana?

Vaheveru 3:17 Referans Kwoze

Tinhlayo 14:29

Mintsumbu ya n'wina yi ta sala kwala mananga. Vavanuna hinkwavo lava hlayiweke ni ku tsariwa exikarhi ka n'wina, va ri ni malembe ya 20 ni ku tlula, lava va nga ndzi dzumadzumela,

Tinhlayo 14:22

Hambileswi vanhu lava hinkwavo va voneke ku vonakala loku ka mina ni mahlori lawa ndzi ma endleke etikweni ra Egipta ni kwala mananga, va ha ya emahlweni va ndzi ringa, va nga yingisi leswi ndzi swi vulaka;

Yuda 1:5

Hambileswi mi tivaka swinene timhaka leti, ndzi navela ku mi tsundzuxa leswaku Hosi yi ponisile Vaisraele, yi va humesa etikweni ra Egipta; kambe endzhaku ka sweswo, yi herisile lava va nga pfumelangiki.

Yeremiya 9:22

HOSI Xikwembu xi ndzi lerisile ku vula rito ra xona leri nge: “Mintsumbu yi to n'wálálálá ehansi, yi fana ni vulongo lebyi cheriweke emasin'wini, kumbe mavele lama nga tshikiwa hi vatshoveri, ma nga hlengeletiwi hi munhu.”

Tinhlayo 14:28

Wena Muxe, byela vanhu lava leswaku mina HOSI ndzi vula ndzi tiyisile, ndzi ri: ‘Ndzi swi twile leswi mi swi vuleke, ndzi ta swi endla!

Tinhlayo 14:37

va hlaseriwa hi ntungu va fa emahlweni ka HOSI Xikwembu.

Pisalema 95:10

Vanhu lava va ndzi phirhile malembe ya 40, ndzi kondza ndzi ku: ‘I vanhu lava lahlekeke, vo oma tinhloko, a va na mhaka ni leswi ndzi swi lavaka!’