Vaheveru 3:12 - BIBELE Mahungu Lamanene

¹² Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

Testamente Leyimpsha Xichangana

¹² Vamakwerhu, tivoneleni lesvaku kungavi na mun'we xikarhi ka n'wina lweyi anga ni mbilu leyobiha, leyingaliki na kupfumela, kutani ahambukela kule ni Xikwembu lexihanyaka.

Xitsonga (Bibele)

¹² Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

Vaheveru 3:12 Referans Kwoze

Yeremiya 17:5

HOSI Xikwembu xi vurisa sweswo xi ri: “Ú ni khombo munhu loyi a tshembaka munhu-kulobye, a tiseketela hi xivumbiwa xa nyama ni ngati, loyi miehleketo ya yena yi ndzi fularhelaka!

Yeremiya 7:24

Kambe vona a va rhiyanga ndleve va ndzi yingisa. Va endlile leswi timbilu ta vona leto nonon'hwa ti va byelaka swona, kutani va tlhelela endzhaku ematshan'wini ya ku ya emahlweni.

Yeremiya 17:9

“Miehleketo ya munhu ya kanganyisa, yi tshama yi borile! Yi nga tiva hi mani,

Yeremiya 18:12

Kambe vanhu lava va ri: ‘Sweswo a hi na mhaka na swona! Hi ta ya emahlweni ni makungu ya hina, hi tirha hi ri karhi hi tiomisa tinhloko, hi nonon'hwisa ni timbilu ta hina!’ ”

Vaheveru 12:25

Tivoneleni leswaku mi nga aleli loyi a vulavulaka. Lava aleke ku yingisa mutsundzuxi wa vona laha misaveni, a va ponanga. Hikokwalaho, xana hina hi nga ponisa ku yini, loko hi ala ku yingisa loyi a hi tsundzuxaka a ri ematilweni xana?

1 Vakorinto 10:12

Hikokwalaho, loyi a anakanyaka leswaku wa ha yimile, a a tivonele leswaku a nga wi.

Vaheveru 10:38

Nandza wa mina wo lulama, ú ta hanya hi ku pfumela, kutani loko a tlhelela endzhaku, moya wa mina a wu nga n'wi tsakeli.”

Yeremiya 11:8

Vatata wa n'wina a va rhiyanga ndleve kumbe ku ndzi yingisa. Va tiomisile tinhloko, kutani un'wana ni un'wana a endla leswo biha hi ku rhandza ka mbilu ya yena; hikokwalaho ndzi va vangele makhombo layo tala, hikuva a va yingisanga marito ya ntwanano lowu ndzi wu endleke na vona.’ ”

Vaheveru 12:15

Mi vona leswaku ku nga vi na un'we loyi a tsandzekaka ku kuma minkateko ya Hosi; tivoneleni leswaku ku nga vi na loyi a milaka exikarhi ka n'wina kukota “rimitsu ra ku bava” leri vangaka ku karhateka, ni ku nyamisa lavo tala.

Yeremiya 16:12

N'wina mi lo ya emahlweni mi dyoha, mi tlula ni vatata wa n'wina. Un'wana ni un'wana exikarhi ka n'wina ú endla leswi humaka enhlokweni ya yena, a ala ku ndzi yingisa.

Vaheveru 3:10

Hikwalaho ka swona, ndzi hlundzukele vanhu va rixaka rero, ndzi ku: ‘Timbilu ta vona ti huma endleleni masiku hinkwawo, a va tivanga tindlela ta mina.’

Marka 13:33

Tlharihani mi hiteka, hikuva a mi tivi leswaku nkarhi wu ta va rini.

Matewu 24:4

Yesu a va hlamula a ku: “Tivoneleni leswaku mi nga tshuki mi xisiwa hi munhu.

Yeremiya 3:17

Eminkarhini yoleyo, muti wa Yerusalema wu ta vuriwa ‘Xiluvelo xa HOSI Xikwembu’, kutani vanhu va matiko hinkwawo va ta khitikana va ya eka wona, hikwalaho ka vito ra HOSI leri wu thyiweke rona. A va nga ha tiarisi, va ta va va hambanile ni mianakanyo ya vona ya khale leyo biha.

Yeremiya 2:13

hikuva vanhu va mina va ndzi dyoherile kambirhi: Va ndzi tshikile mina ndzi nga xihlovo xa mati lama khulukaka, kutani va tikovotlele makhele yo hlayisela mati, kambe makhele ya kona a ma pfunanga nchumu, hikuva a ma pandzekile.”

Swivuriso 1:32

Lava pfumalaka vutivi va tivangela rifu loko va ala ku dyondzisiwa, swiphunta swi ticelela masirha hi ku ka swi nga tikarhateli nchumu.

Marka 13:9

“Loko mi ri n'wina, tivoneleni; va ta mi nyiketa etihubyeni; mi ta biwa emasinagogeni, mi ta yimisiwa emahlweni ka tindhuna ni tihosi hikwalaho ka mina, mi va timbhoni eka tona.

Hosiya 1:2

Loko HOSI Xikwembu xi sungula ku rhwexa Hosiya marito ya xona, xi te ka yena: “Leswi tiko ri endlaka vunghwavava lebyikulu hi ku fularhela mina HOSI, na wena yana u ya titekela nsati loyi a nga nghwavava, a ta ku velekela vana vo fana na yena.”

1 Vatesalonika 1:9

Vanhu lava hinkwavo va rungula hilaha mi hi amukeleke hakona exikarhi ka n'wina, ni hilaha mi nga hundzukela eka Xikwembu hakona, mi fularhela swikwembu swa hava, leswaku mi tirhela Xikwembu lexi hanyaka, xa ntiyiso.

Pisalema 18:21

hikuva ndzi fambile etindleleni ta HOSI, ni ku xi dyohela a ndzi xi dyohelanga, Xikwembu xa mina;

Ntirho 22:17

A va ku: ‘Xikwembu a xi suke laha ka hina; hambileswi xi nga ni matimba hinkwawo, xi nga hi endla yini ke?’

Varhoma 11:21

Hikuva loko Xikwembu xi nga tsetselelanga marhavi ya xiviri, na wena a xi nga ku tsetseleri.

Luka 21:8

Kutani Yesu a ku: “Tivoneleni leswaku mi nga xisiwi, hikuva lavo tala va ta ta hi vito ra mina, un'wana ni un'wana a ku: ‘Mina ndzi yena’, ni leswaku ‘nkarhi wu fikile’! Mi nga va landzi!

Marka 13:23

Loko mi ri n'wina, tlharihani! Ndzi mi byerile hinkwaswo swi nga si humelela.

Matewu 16:16

Kutani Simoni Petro a hlamula a ku: “U Mesiya, N'wana wa Xikwembu lexi hanyaka.”

Ntirho 21:14

Va tala ku vula va ku: ‘We Xikwembu, suka la ka hina, a hi lavi ku tiva nchumu hi tindlela ta wena.

Genesa 8:21

Loko HOSI Xikwembu xi twa ku nun'hwela ka gandzelo ra kona, yi vulavula hi mbilu yi ku: “A ndzi nga ha tlheli ndzi rhuketela misava hikwalaho ka ku dyoha ka munhu, hambileswi munhu a ehleketaka swo biha ku sukela evuhlangini bya yena. Naswona a ndzi nga ha engeti ndzi herisa swivumbiwa leswi hanyaka, tani hilaha ndzi endleke hakona.

Esaya 59:13

Hi tlurile milawu ya wena HOSI, hi tlhela hi ku fularhela, hi tshike ku landza wena Xikwembu xa hina. Hi vulavula ntsena hi ta ku xanisa van'wana ni ku hundzukela wena, makungu ya hina ni leswi hi swi vulaka i mavunwa ntsena.

Vakolosa 2:8

Chavani leswaku munhu a nga mi phasi hi tidyondzo ta vutlhari, hi marito ya vunwa lama nga pfuniki nchumu, lama humaka eka mintolovelo ya vanhu ni ka mimoya leyi fumaka misava leyi, ku nga ri eka Kriste.

Vaheveru 3:1

Loko swi ri tano, vamakwerhu lava hlawulekeke, lava na n'wina mi averiwaka ku vitaniwa ka le tilweni, anakanyani Yesu, murhumiwa wa Xikwembu ni Muprista Lonkulu wa vukhongeri bya hina.

Vaheveru 3:19

Hikokwalaho, ha swi vona leswaku va tsandzekile ku nghena eku wiseni, hi mhaka ya ku kala ku pfumela.

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

Vaheveru 12:22

Kambe n'wina, mi tshinelele ntshava ya Siyoni ni muti wa Xikwembu lexi hanyaka, Yerusalema wa le tilweni, ni le ka tintsumi leti nga hlayekiki hi ku tala. Mi tile enkhubyeni wa ku tsaka,

Ezekiele 14:5

ku hlamula ka mina loku ku ta paluxa mianakanyo ya Vaisraele, hikuva va ndzi fularhela hinkwavo hikwalaho ka swikwembu swa vona swa hava.