Vaheveru 2:9 - BIBELE Mahungu Lamanene

⁹ Kambe hi vona Yesu, loyi a nga endliwa ku va hansi ka tintsumi nkarhinyana, sweswi a nga nyikiwa ku kwetsima ni ku twala swi va harhi ya vuhosi enhlokweni ya yena, hi mhaka ya ku twisiwa ku vaviseka ka rifu; a swi ri leswaku, hi tintswalo ta Xikwembu, a twa nhlomulo wa rifu hikwalaho ka munhu un'wana ni un'wana.

Testamente Leyimpsha Xichangana

⁹ Kambe hivona Yesu, lweyi angayendliwa kuva hansi ka tintsumi nkarhinyana, svosvi anganyikiwa kukwetsima ni kutwala sviva hari ya vuhosi nhlokweni ya yena, hi mhaka ya kutwisiwa kuvaviseka ka rifu; na svili lesvaku, hi timpsalu ta Xikwembu, atwa nhlomulu wa rifu hikolaho ka munhu mun'wana ni mun'wana.

Xitsonga (Bibele)

⁹ Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.

Vaheveru 2:9 Referans Kwoze

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

Varhoma 5:18

Kutani ke, kukotisa leswi nandzu wun'we wu dlayiseke vanhu hinkwavo leswaku va biwa, na wona ntirho wun'we wo lulama wu endla leswaku vanhu hinkwavo va ntshunxiwa, va kuma vutomi.

Timhaka 2:33

Sweswi ke ú tlakuriwile a ya evokweni ra xinene ra Xikwembu; ú amukele Moya lowo Kwetsima lowu tshembisiweke, wu nga lowu humaka ka Tatana, kutani ú cherile ehenhla ka hina leswi mi swi vonaka ni leswi mi swi twaka.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga un'we, leswaku un'wana ni un'wana la pfumelaka ka yena, a nga lovi, kambe a va ni vutomi lebyi nga heriki.

2 Vakorinto 5:15

Ú ferile vanhu hinkwavo, leswaku lava hanyaka va nga ha tihanyeli, kambe va hanyela loyi a feke a tlhela a pfuxiwa eku feni hikwalaho ka vona.

Vaheveru 10:5

Hikwalaho ka swona, loko Kriste a ri kusuhi ni ku ta laha misaveni, ú te ka Xikwembu: “A wu navelanga timhamba ni magandzelo, kambe u ndzi vumbele miri.

Varhoma 5:8

Kambe Xikwembu xi kombisa erivaleni rirhandzu ra xona eka hina, hileswi Kriste a nga hi fela loko ha ha ri vadyohi.

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Yohane 12:32

Kambe mina, loko ndzi ta va ndzi tlakuriwile ndzi suka emisaveni, ndzi ta kokela vanhu hinkwavo eka mina.”

Vaheveru 7:25

Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

1 Petro 1:21

Hikwalaho ka yena, mi ni ku tshemba eka Xikwembu, lexi xi n'wi pfuxeke exikarhi ka vafi, xi n'wi nyika ku dzuneka, ku endlela leswaku ku pfumela ka n'wina ni ku tshemba ka n'wina swi va eka Xikwembu.

Vaheveru 8:3

Muprista Lonkulu un'wana ni un'wana ú vekiwile leswaku a humesa tinyiko ni magandzelo; hi ndlela yoleyo swa fanela leswaku Muprista wa kona na yena a va ni swin'wana leswi a swi humesaka.

1 Timotiya 2:6

loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Varhoma 8:32

Xona hakunene, lexi nga tsetselelangiki N'wana wa xona wa xiviri kambe xi n'wi nyiketile hikwalaho ka hina hinkwerhu, xana xi nga tsandzekisa ku yini ku hi nyika swilo hinkwaswo mahala xana, kasi xi hi nyikile ni N'wana wa xona?

Vagalatiya 4:4

Kambe loko nkarhi wu fikile hi ndlela leyi hetisekeke, Xikwembu xi rhumile N'wana wa xona, la velekiweke hi wansati, a velekiwa a ri hansi ka Nawu,

Timhaka 3:13

Xikwembu xa Abrahama ni xa Isaka ni xa Yakobo, Xikwembu xa vatata wa hina, xi dzunisile nandza wa xona Yesu, loyi mi n'wi nyiketeke, mi tlhela mi n'wi landzula emahlweni ka Pilato; kambe Pilato yena a a vurile leswaku a ntshunxiwa.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Yohane 10:17

Tatana wa ndzi rhandza, hikuva ndzi nyiketa vutomi bya mina, leswaku ndzi ta tlhela ndzi byi kuma.

Yohane 8:52

Vayuda va ku ka yena: “Sweswi ha swi tiva leswaku u ni demona; Abrahama ú file; swi tano na vaprofeta, va file; kutani wena u ku: ‘Loko munhu a hlayisa rito ra mina, a nga ka a nga khumbiwi hi rifu ni siku ni rin'we!’

Matewu 16:28

Ndzi tiyisile ndzi ri ka n'wina: Ku ni van'wana exikarhi ka lava nga kwala, lava nga ta ka va nga khumbiwi hi rifu va nga si vona N'wana-wa-Munhu a vuya eMfun'weni wa yena.”

Nhlavutelo 19:12

Mahlo ya yena ma fana ni langavi ra ndzilo; enhlokweni ya yena ku ni tiharhi ta vuhosi leto tala, naswona ú tsariwile vito leri ku nga riki na munhu loyi a ri tivaka, loko a nga ri yena n'wini wa rona ntsena.

Vaheveru 2:7

U n'wi vekile a va hansi ka tintsumi nkarhinyana, u n'wi tlhandlekile harhi ya ku kwetsima ni ku twala enhlokweni;

Luka 9:27

Kunene ndzi ri ka n'wina: Exikarhi ka lava nga kwala, ku ni van'wana lava nga ta ka va nga khumbiwi hi rifu va nga si vona Mfumo wa Xikwembu.”

Marka 9:1

A engeta a ku ka vona: “Ndzi tiyisile ndzi ri ka n'wina, exikarhi ka lava nga kwala, ku ni van'wana lava nga ta ka va nga khumbiwi hi rifu, va nga si vona Mfumo wa Xikwembu wu ta hi matimba.”

Matewu 6:28

“Ni loko swi ri swiambalo, mi vilela ha yini ke? Xiyani mukhuva lowu swiluva swa le nhoveni leswi va nge i makhon'wa swi kulaka ha wona; a swi tirhi, a swi swuri;

Esaya 11:1

Xihluke xi ta huma exikundzwini xa Yese, erimitswini ra yena, ku ta mila rhavi.

Yohane 8:51

Ndzi tiyisisile ndzi ri ka n'wina, munhu la hlayisaka rito ra mina, a nga ka a nga voni rifu ni siku ni rin'we.”

Vaheveru 1:9

U rhandzile ku lulama, u vengile ku homboloka. Hikokwalaho Xikwembu, Xikwembu xa wena, xi ku cherile mafurha ya ntsako lowukulu ku tlula vanakuloni.”

Vaheveru 11:5

Hi ku pfumela, Enoko ú tlakuriwile a ya henhla, leswaku a ta ka a nga voni rifu; kutani a nga ha voniwanga, hikuva Xikwembu a xi n'wi tekile. A a ri ni ku pfumela, hikuva loko a nga si tlakuriwa a ya henhla, ú vuriwile hi Matsalwa leswaku “a a tsakisile Xikwembu”,

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.