Vaheveru 2:17 - BIBELE Mahungu Lamanene

¹⁷ Hikokwalaho swi nga fanela leswaku a endliwa la fanaka ni vamakwavo hi matlhelo hinkwawo, a ta va Muprista Lonkulu wa tintswalo ni loyi a tshembekeke entirhweni wa Xikwembu, leswaku a susa swidyoho swa vanhu.

Testamente Leyimpsha Xichangana

¹⁷ Hikolaho asvifanela lesvaku ayendliwa lweyi afanaka ni vamakwavu hi matlhelo hinkwawu, lesvaku atava Muprista lwenkulu wa timpsalu ni lweyi atshembekeke ntirhweni wa Xikwembu, lesvaku asusa svijoho sva vanhu.

Xitsonga (Bibele)

¹⁷ Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

Vaheveru 2:17 Referans Kwoze

Vaheveru 4:14

Loko swi ri tano, leswi hi nga ni Muprista Lonkulu swinene loyi a tsemakanyeke matilo, a nga yena Yesu N'wana wa Xikwembu, a hi khomeni hi tiya evukhongerini bya hina.

Vaheveru 2:14

Hikokwalaho, leswi vana va nga va nyama ni ngati yin'we hinkwavo, swi tano na yena: I wa ntumbuluko wun'we na vona leswaku, hi rifu ra yena, a ta kota ku herisa loyi a nga ni matimba ya rifu, a nga yena Diyavulosi,

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Varhoma 5:10

Loko ha ha ri valala eka Xikwembu, hi endliwile lava vuyelelaneke na xona hi ku fa ka N'wana wa xona; kutani, leswi hi nga vuyelelana na xona, ngopfu-ngopfu hi ta ponisiwa hi mhaka ya ku hanya ka Kriste.

Vaheveru 2:11

Hambi a ri Yesu loyi a basisaka vanhu eswidyohweni, hambi va ri lava basisiwaka, hinkwavo va huma eka Tatana un'we. Hi yona mhaka leyi endlaka leswaku Yesu a nga khomiwi hi tingana ku va vula vamakwavo,

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Vaheveru 3:5

Kutani ke, Muxe a a tshembekile endlwini hinkwayo ya Xikwembu tanihi nandza, leswaku a veka vumbhoni bya swilo leswi a swa ha ta fanela ku vuriwa endzhaku.

Vakolosa 1:21

Na n'wina lava khale a mi ri kule ni Xikwembu, a mi ri valala va xona hi miehleketo ya n'wina ni mintirho ya n'wina leyo biha;

Vaheveru 7:28

Hakunene Nawu wu veka vanhu leswaku va va vaprista lavakulu, hambileswi va nga riki na matimba; kambe rito ra ku hlambanya leri teke endzhaku ka Nawu, ri veka N'wana ku va Muprista, yena loyi a hetisekeke hilaha ku nga heriki.

Vaefesa 2:16

Hi ku fa ka yena exihambanweni, Kriste ú herisile rivengo, kutani, hi xihambano, ú hlanganisile tinxaka leti timbirhi ti va vanhu van'we, a va vuyisa eka Xikwembu.

Varhoma 15:17

Loko swi ri tano, hikwalaho ka Kriste Yesu, ndza tidzunisa hi ntirho wa mina wo tirhela Xikwembu;

Levhitika 8:15

Kutani Muxe a tlhava xinkuzana, a teka ngatinyana ya xona, a peta ritiho a tota etimhondzweni leti nga tinhleni ta alitari, yi va mhamba yo susa swidyoho; leyin'wana ngati a yi chela ehansi ka alitari. Hi ndlela leyi, Muxe a hlawulekisa alitari ni ku yi basisa.

Vaheveru 3:2

Ú tshembekile eka Loyi a n'wi hlawuleke, tanihi Muxe loyi na yena a a tshembekile endlwini hinkwayo ya Xikwembu.

Ezekiele 45:20

Mi ta endlisa sweswo nakambe hi siku ra vu-7 ra n'hweti, mi endlela Vaisraele lava dyoheke kambe va nga swi tivi, kumbe lava nga hoxa kunene. Hi mukhuva wolowo mi ta va mi basisile Tempele.

Ezekiele 45:17

Kutani hi yena loyi a nga ta va ni fanelo ya ku lulamisa magandzelo lama hisiwaka, ni magandzelo ya mapa kumbe vhinyo; magandzelo ya kona ma ta humesiwa eminkhubyeni ya Vaisraele, ku fana ni minkhuvo ya ku tshama ka n'weti kumbe ya Savata, kumbe minkhuvo leyikulu ya lembe rin'wana ni rin'wana; mufumi wa tiko ú ta lulamisa magandzelo yo susa swidyoho, ni ya mapa, ni lama hisiwaka, ni ya xinakulobye, leswaku Vaisraele va rivaleriwa swidyoho swa vona.”

Ezekiele 45:15

“Entlhambini wa swifuwo leswitsongo swa 200, mi ta pambula xifuwo xin'we, mi vuya na xona hi le madyelweni ya swifuwo swa Vaisraele. Kutani tinyiko leti hinkwato ti ta tisiwa eTempeleni, ti humesiwa ti va magandzelo lama hisiwaka ni ya xinakulobye, leswaku mi rivaleriwa swidyoho swa n'wina. Ndzi vula sweswo mina HOSI N'wini wa hinkwaswo.

Esaya 11:5

Ku lulama ni ku tshembeka, swi ta va banti leri a tibohaka ha rona.

2 TIKRONIKA 29:24

Kavaloko vaprista va ti tlhava, va chela ngati ya tona ehenhla ka alitari, yi va mhamba yo susa swidyoho swa Vaisraele hinkwavo, hilaha hosi Hezekiya a a lerisile hakona, loko a te: “Magandzelo lama hisiwaka ni mhamba yo susa swidyoho swi ta endleriwa Vaisraele hinkwavo!”

Levhitika 6:30

Nyama ya xifuwo xa mhamba yo susa swidyoho lexi ngati ya xona yi yisiweke eka Ntsonga lowo Hlawuleka ku ya basisa swidyoho exivandleni lexi hlawulekeke, yi nga tshuki yi dyiwa, yi fanele ku hisiwa hinkwayo.

Levhitika 14:18

Mafurha hinkwawo lama saleke exandleni xa muprista, ú fanele ku ma chela enhlokweni ya loyi a basisiwaka. Hi ndlela leyi, muprista ú ta basisa munhu loyi emahlweni ka HOSI Xikwembu.

Levhitika 16:16

Hi ndlela leyi, ú ta basisa xivandla lexo hlawuleka ngopfu lexi nyamisiweke hi ku tiarisa ka Vaisraele ni swidyoho swa vona leswo tala; naswona ú ta basisa ni Ntsonga lowo Hlawuleka hinkwawo, hikuva wu dzimiwile exikarhi ka vanhu lava nga tengangiki.

Tinhlayo 15:25

Muprista ú ta mi basisa hinkwenu, kutani mi ta rivaleriwa, hikuva a mi endlanga ha vomu, naswona mi ta va mi ndzi humeserile gandzelo leri hisiwaka ni mhamba yo susa swidyoho.

Vaheveru 2:16

Hikuva, hakunene, a hi tintsumi leti a tikarhatelaka tona, kambe ú tikarhatela vatukulu va Abrahama.

Vaheveru 3:1

Loko swi ri tano, vamakwerhu lava hlawulekeke, lava na n'wina mi averiwaka ku vitaniwa ka le tilweni, anakanyani Yesu, murhumiwa wa Xikwembu ni Muprista Lonkulu wa vukhongeri bya hina.

Vaheveru 4:15

Hikuva Muprista Lonkulu loyi hi nga na yena a hi loyi a tsandzekaka ku hi twela vusiwana emikarhalweni ya hina, kambe hi loyi a ringiweke hi matlhelo hinkwawo ku fana na hina, ntsena yena a nga dyohanga.

Vaheveru 5:1

Muprista un'wana ni un'wana Lonkulu, leswi a hlawuriweke exikarhi ka vanhu, ú vekiwile leswaku a ta yimela vanhu eku hlanganeni ka vona ni Xikwembu, ni leswaku a humesa tinyiko ni magandzelo hikwalaho ka swidyoho swa vona.

Vaheveru 5:2

A nga kota ku tirha hi vukhwatsi eka lava nga tiviki nchumu ni ka lava hambukaka endleleni, leswi na yena a rhendzeriweke hi minkarhalo.

Vaheveru 5:5

Swi ve tano na yena Kriste: A nga titlakusanga ku endliwa Muprista Lonkulu, kambe ú lo vekiwa hi Xikwembu, lexi nga te eka yena: “U n'wananga, namuntlha ndzi ku tswarile.”

Vaheveru 5:10

hikuva ú vekiwile Muprista Lonkulu hi Xikwembu, hileswi a nga wa rixaka rin'we na Melkisedeke.

Vaheveru 6:20

Yesu ú nghenile kona ku va murhangeri hikwalaho ka hina, yena la vekiweke Muprista Lonkulu hilaha ku nga heriki, hileswi a nga wa rixaka rin'we na Melkisedeke.

Vaheveru 8:1

Kutani ke, nhloko-mhaka ya leswi hi swi vulaka hi leyi: Hi ni Muprista Lonkulu wo tani hi yena, loyi a tshameke evokweni ra xinene ra xiluvelo xa vuhosi ematilweni,

Vaheveru 8:3

Muprista Lonkulu un'wana ni un'wana ú vekiwile leswaku a humesa tinyiko ni magandzelo; hi ndlela yoleyo swa fanela leswaku Muprista wa kona na yena a va ni swin'wana leswi a swi humesaka.

Vaheveru 9:11

Kambe Kriste ú tile a ri Muprista Lonkulu wa swilo leswinene leswi humeleleke, kutani ú tirha swa vuprista entsongeni lowu tlulaka mintsonga yin'wana hi vukulu ni ku hetiseka, lowu nga akiwangiki hi mavoko, hileswaku lowu nga riki wa laha misaveni leyi.

Vaheveru 10:21

naswona, leswi hi nga ni Muprista wa matimba loyi a fumaka yindlu ya Xikwembu,