Vaheveru 2:11 - BIBELE Mahungu Lamanene

¹¹ Hambi a ri Yesu loyi a basisaka vanhu eswidyohweni, hambi va ri lava basisiwaka, hinkwavo va huma eka Tatana un'we. Hi yona mhaka leyi endlaka leswaku Yesu a nga khomiwi hi tingana ku va vula vamakwavo,

Testamente Leyimpsha Xichangana

¹¹ Hambi ali Yesu lweyi abasisaka vanhu svijohweni, hambi vali lavabasisiwaka, hinkwavu vahuma ka Tatana mun'we. Hi yona mhaka leyi yendlaka lesvaku Yesu anga khomiwi hi tingana nikuvavula vamakwavu,

Xitsonga (Bibele)

¹¹ Hikuva, hambi a ri la basisaka, hambi va ri lava basisiweke, hinkwavo va huma eka un'we; hikwalaho a nga na tingana ku va vula vamakwavo,

Vaheveru 2:11 Referans Kwoze

Vaheveru 10:14

Hikuva, hi ku humesa magandzelo kan'we ntsena, ú endlile leswaku lava nga hlawulekisiwa, va kuma ku hetiseka loku nga heriki.

Vaheveru 10:10

Kutani, leswi a endleke ku rhandza loku ka Xikwembu, hina hi endliwile lava hlawulekeke hi miri wa yena, lowu a wu nyiketeke ku va mhamba kan'we swi hela kwalaho.

Yohane 20:17

Yesu a ku ka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu, u ya va tivisa leswaku ndzi tlhandlukela eka Tata wa mina, a nga Tata wa n'wina, eka Xikwembu xa mina, xi nga Xikwembu xa n'wina.”

Vaheveru 13:12

Hi mukhuva wolowo, na yena Yesu ú twisiwe ku vaviseka a ri ehandle ka nyangwa ya muti, leswaku a ta basisa vanhu va hlawuleka hi ngati ya yena ya xiviri.

Varhoma 8:29

Hikuva lava xi va tiveke ka ha ri ku sunguleni, xi lulamisile ka ha ri khale leswaku va ta vonaka va ri lava fanaka ni N'wana wa xona, ni leswaku a va yena wa mativula exikarhi ka vamakwavo lavo tala.

Yohane 17:19

Kutani ndzi tihlawulekisa hikwalaho ka vona, leswaku na vona va hlawulekisiwa entiyisweni.

Yohane 17:21

ndzi navela leswaku hinkwavo va va un'we, ku fana ni leswi wena Tatana u nga ka mina, na mina ndzi nga ka wena, leswaku na vona va va eka hina, kutani misava yi ta pfumela leswaku u ndzi rhumile.

Matewu 25:40

Hosi yi ta va hlamula, yi ku: ‘Ndzi tiyisile ndzi ri ka n'wina, loko mi tshame mi endla swilo leswi eka un'wana wa vamakwerhu lavatsongo lava, mi swi endlele mina.’

Vaheveru 2:14

Hikokwalaho, leswi vana va nga va nyama ni ngati yin'we hinkwavo, swi tano na yena: I wa ntumbuluko wun'we na vona leswaku, hi rifu ra yena, a ta kota ku herisa loyi a nga ni matimba ya rifu, a nga yena Diyavulosi,

Vagalatiya 4:4

Kambe loko nkarhi wu fikile hi ndlela leyi hetisekeke, Xikwembu xi rhumile N'wana wa xona, la velekiweke hi wansati, a velekiwa a ri hansi ka Nawu,

Timhaka 17:26

Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Vaheveru 11:16

Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.

Marka 8:38

Loyi a nga ni tingana hikwalaho ka mina ni marito ya mina erixakeni leri ra lava sandzaka Xikwembu ni ra vadyohi, N'wana-wa-Munhu na yena ú ta khomiwa hi tingana hikwalaho ka munhu loyi siku a nga ta vuya eku kwetsimeni ka Tata wa yena, a ri ni tintsumi leto hlawuleka.”

Matewu 28:10

Hiloko Yesu a ku ka vona: “Mi nga chaveni, fambani mi ya lerisa vamakwerhu leswaku va ya eGaleliya; va ta ndzi vona kona.”

Timhaka 17:28

hikuva eka xona, ha hanya, ha tshuka-tshuka, naswona, hi va kona, kukotisa leswi vatlhokovetseri van'wana va n'wina va nga vula va ku: ‘Na hina hi va rixaka ra xona.’

Luka 9:26

La khomiwaka hi tingana hikwalaho ka mina ni marito ya mina, N'wana-wa-Munhu na yena ú ta khomiwa hi tingana hikwalaho ka munhu loyi, siku a vuyaka eku kwetsimeni ka yena, a ri na Tata wa yena ni tintsumi leto hlawuleka.

Marka 3:34

Kutani Yesu a languta vanhu lava a va n'wi rhendzerile, a ku: “Langutani, manana ni vamakwerhu, hi volava;

Vaheveru 3:1

Loko swi ri tano, vamakwerhu lava hlawulekeke, lava na n'wina mi averiwaka ku vitaniwa ka le tilweni, anakanyani Yesu, murhumiwa wa Xikwembu ni Muprista Lonkulu wa vukhongeri bya hina.