Vaheveru 13:6 - BIBELE Mahungu Lamanene

⁶ Hikokwalaho hi nga vula hi tiyile, hi ku: “Hosi i mupfuni wa mina, a ndzi nga chavi nchumu; munhu a nga ndzi endla yini xana?”

Testamente Leyimpsha Xichangana

⁶ Hikolaho hingavula nahitiyile, hiku: “Hosi i mupfuni wa mina, aningachavi nchumu; munhu anganiyendla yini xana?”

Xitsonga (Bibele)

⁶ Hikwalaho hi nga vula hi ku tshemba, hi ku: “Hosi i mupfuni wa mina, ndzi nga ka ndzi nga chavi nchumu; munhu a nga ndzi endla yini xana?”

Vaheveru 13:6 Referans Kwoze

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Varhoma 8:31

Loko swi ri tano, xana hi nga ha vula yini etimhakeni teto ke? Loko Xikwembu xi yima na hina, i mani la nga lwaka na hina xana?

Pisalema 124:8

Ku pfuniwa ka hina ku le vitweni ra HOSI, leyi endleke tilo ni misava.

Vaheveru 4:16

Hikokwalaho, a hi tshineleni kusuhi ni xiluvelo xa tintswalo, hi ri ni ku tshemba leswaku hi ta tsetseleriwa ni ku kuma tintswalo leti nga ta hi pfuna eminkarhini ya ku pfumala.

Pisalema 56:4

Ndzi dzunisa Xikwembu hikwalaho ka switshembiso swa xona, ndzi tshemba xona, a ndzi chavi nchumu. Munhu a nga ndzi endla yini xana?

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Pisalema 54:4

Xikwembu i mulweri wa mina, N'wini wa hinkwaswo hi yena la tameleke vutomi bya mina,

Pisalema 33:20

Hina hi tshemba HOSI Xikwembu, hi xona xi nga mupfuni ni mulweri wa hina.

Pisalema 63:7

Hakunene mupfuni wa mina hi wena, kutani ndzi yimbelela ndzi tsakile ehansi ka timpapa ta wena.

Pisalema 94:17

Loko HOSI Xikwembu a xi nga ndzi pfunanga, a ndzi ta va ndzi rhelerile khale exivandleni xa vafi!

Pisalema 40:17

Hambileswi ndzi nga xisiwana, ndzi pfumalaka swa le mandleni, N'wini wanga a nga ndzi rivali. We Xikwembu xanga, u mupfuni ni muponisi wa mina, hatlisa u ta ndzi pfuna.

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Vaefesa 3:12

Hi ku hlangana na yena, ni ku pfumela eka yena, hi ntshunxekile ku ta emahlweni ka Xikwembu hi nga ri na ku kanakana.

Duteronoma 33:29

Mi katekile n'wina Vaisraele! I mani la fanaka na n'wina xana? Mi vanhu lava va lamuleriwaka hi HOSI Xikwembu, xona xitlhangu lexi xi mi sirhelelaka, ni fumu leri mi hlulaka ha rona. Valala va n'wina va ta ta eka n'wina va ri karhi va tilondla; switsunga swa vona swa vugandzeri bya hava, mi ta swi kandziyela ehansi.”

Esaya 41:14

HOSI Xikwembu xi vurisa sweswo, xi ri: “Hambileswi mi solekeke, mi nga chavi n'wina va ka Yakobo, ndzi vula n'wina Vaisraele! Mina ndzi ta mi pfuna; mukutsuri wa n'wina, hi mina Muhlawuleki wa Israele.

Pisalema 27:9

u nga tshuki u ndzi fularhela. Mina nandza wa wena, u nga ndzi kariheli u ndzi hlongola, hikuva hi wena mupfuni wa mina, u nga ndzi fularheli, u nga ndzi tshiki, hikuva we Xikwembu, u muponisi wa mina.

Pisalema 146:3

Mi nga veki ku tshemba ka n'wina eka vanhu va swiyimo swa le henhla, hikuva i va nyama ni ngati, va nge ponisi munhu!

Duteronoma 33:26

“N'wina va ka Yexuruni, ku hava Xikwembu xin'wana ehandle ka lexi, xi tsemakanya matilo ni mapapa, xi ta xi ta mi pfuna hi vukulu bya xona.

Eksoda 18:4

Lowa vumbirhi, a a n'wi thyile vito ra Eliezere (hileswaku: “Xikwembu xanga i mupfuni”), hikuva a a ku: “Xikwembu xa tatana, hi xona xi ndzi pfuneke, xi ndzi ponisa ku dlayiwa hi Faro.”

Vaheveru 10:19

Kutani ke, vamakwerhu, leswi hi nga ni xitshembo lexi tiyeke xa ku nghena exivandleni xo hlawuleka hikwalaho ka ku fa ka Yesu,

1 SAMIELE 23:17

Yonatani a ku ka Davhida: “U nga chavi; tata wa mina Sawulo a nga ka a nga ku khumbi. Wena u ta va hosi ya Israele, mina ndzi va xandla xa wena. Mhaka leyi, hambi a ri tata wa mina Sawulo wa yi tiva.”

1 TIHOSI 17:8

Kutani rito ra HOSI Xikwembu ri ta eka Eliya, ri ku: