Vaheveru 13:4 - BIBELE Mahungu Lamanene

⁴ Ku tekana a ku ve loku xiximiwaka hi vanhu hinkwavo, vukati byi nga onhiwi hi ku kanganyisana, hikuva Xikwembu xi ta avanyisa timbhisa ni vaoswi.

Testamente Leyimpsha Xichangana

⁴ Muchado akuve lowu xiximiwaka hi vanhu hinkwavu, mubedo wa vatekani wunganyamisiwi, hikuva Xikwembu xitayavanyisa tinghwavana ni vawosvi.

Xitsonga (Bibele)

⁴ Ku tekana a ku ve loku tengeke ematlhelweni hinkwawo, ni masangu a ma pfumale vuoswi; hikuva Xikwembu xi ta avanyisa timbhisa ni vaoswi.

Vaheveru 13:4 Referans Kwoze

Genesa 2:24

Leswi hi swona swi endlaka leswaku wanuna a siya tata wa yena ni mana wa yena, a ya namarhela nsati wa yena, va endla nyama yin'we.

Vagalatiya 5:19

Mintirho ya ntumbuluko wa nyama yi le rivaleni: I ku oswa, ni mikhuva ya thyaka, ni manyala,

Vagalatiya 5:21

ni mavondzo, ni vudakwa, ni makampfu, ni swo kota sweswo. Ndza mi tsundzuxa, hilaha ndzi tshamaka ndzi mi tsundzuxa hakona, leswaku lava endlaka leswo tano, va nga ka va nga vi na ku averiwa eku fumeni ka Xikwembu.

1 Vakorinto 6:9

Xana a mi tivi leswaku lavo homboloka va nga ka va nga dyi ndzhaka ya Mfumo wa Xikwembu, xana? Mi nga tshuki mi tikanganyisa: Loko ti ri timbhisa, ni lava gandzelaka swikwembu swa hava, ni vaoswi, ni vavanuna lava endlaka swa tingana ni vavanuna-kulobye,

1 Vakorinto 5:13

N'wina hi n'wexe mi avanyisa lava nga ndzeni ka kereke; a mi endlisi sweswo xana? Hlongolani lowo biha exikarhi ka n'wina.

Vaefesa 5:5

Tivani mhaka leyi: Ku hava munhu ni un'we la nga ta averiwa ndzhaka eMfun'weni wa Kriste ni wa Xikwembu, loko a ri la oswaka, kumbe la endlaka swa thyaka, kumbe la nga ni makwanga, ku nga ku gandzela swikwembu swa hava.

1 Timotiya 3:12

Vatirheli ekerekeni a va teke nsati un'we ntsena, kutani va fambisa vana va vona ni ndyangu wa vona swinene.

1 Timotiya 3:4

Ú fanela ku fambisa ndyangu wa yena swinene, a vona leswaku vana va yena va dyondzisiwa ku yingisa, va va ni xichavo hi matlhelo hinkwawo.

1 Vakorinto 7:38

Hikokwalaho, loyi a tekaka nhwana wa yena, ú endla swona; kambe loyi a nga n'wi tekiki, ú endla leswi antswaka ku tlula swona.

Genesa 2:21

Hiloko HOSI Xikwembu xi etlerisa munhu vurhongo lebyikulu, kutani loko a ha etlele, xi hlomula rimbambu rin'we eka yena, xi tlhela xi pfala hi nyama laha a ri ri kona.

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

Tito 1:6

Nkulukumba ú fanele ku va munhu la nga riki na xisandzu, a va ni nsati un'we ntsena; vana va yena va fanele ku va vapfumeri, lava nga soriwiki hikwalaho ka mahanyelo ya vona ya vusopfa, ni ku tiarisa ka vona,

1 Timotiya 5:14

Mina a ndzi ta tsakela leswaku vavasati va tinoni lavantshwa va tekiwa, va kuma vana, va hlayisa mindyangu ya vona, va nga nyiki nala enkarhi wa ku hi hleva.

1 Timotiya 4:3

Vaxisi lava va arisa ku tekana, va lerisa leswaku ku tshikiwa swakudya leswi Xikwembu xi swi vumbeke leswaku swi amukeriwa hi ku nkhensa hi lava va pfumelaka ni ku tiva ntiyiso.

2 Vakorinto 5:10

Hikuva hinkwerhu hi ta fanela ku yima emahlweni ka xitshamu xa ku avanyisa xa Kriste, leswaku un'wana ni un'wana a ta amukela hakelo ya leswi a swi endleke loko a ha ri emirini, leswo saseka kumbe leswo biha.

1 Vakorinto 9:5

Xana a hi na fanelo ya ku famba-famba hi ri ni nsati la nga makwerhu eHosini, tanihi leswi vaapostola van'wana va endlisaka swona, ni vamakwavo va Hosi, na Petro, xana?

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

1 Timotiya 3:2

Hikokwalaho, mufambisi ú fanele ku va munhu la nga riki na xisandzu, a teka nsati un'we ntsena, a dya hi ku pima, a tikhoma, a chaviseka, a tsakela vaendzi, a kota ku dyondzisa.

Esaya 8:3

Emasikwini walawo ndzi tivanile ni nsati wa mina, kutani a tika, a veleka n'wana wa mufana. Kavaloko HOSI Xikwembu xi ku ka mina: “U fanele ku thya n'wana loyi evito ra ‘Hatla-Phangha-Hatlisa-Hlasela’,

2 TIHOSI 22:14

Kutani muprista Hilkiya, na Ahikama, na Akibora, na Xafani, na Asaya, va ya eka muprofeta wa xisati Hulida, nkata Xalumi n'wana Tikivha ntukulu wa Harihasi, muhlayisi wa swiambalo swa vaprista (enkarhini wolowo, Hulida a a tshama exivandleni xa Yerusalema lexi a xa ha ku akiwa), va fika va vulavula na yena.

Vaheveru 12:16

Ku nga vi na un'we la hundzukaka muoswi kumbe la nga riki na mhaka ni vukhongeri, ku fana na Esawu la nga xavisa vuhosi bya yena ku kuma mpandzwanyana wa swakudya.

Levhitika 18:20

“U nga tshuki u tinyamisa hi ku ya etlela ni nsati wa muakelani.

Duteronoma 22:22

“Loko wanuna a kumiwa a etlele ni nsati wa un'wana, vanhu volavo a va dlayiwe hi vumbirhi bya vona. Vubihi byo tano, mi fanele ku byi susa etikweni ra Israele.

1 Vakorinto 6:18

Chavani vuoswi! Xidyoho xin'wana ni xin'wana lexi munhu a xi endlaka xi le handle ka miri wa yena; kambe loyi a oswaka ú dyohela miri wa yena.

1 Vatesalonika 4:6

Emhakeni leyi, ku nga vi na loyi a dyohelaka makwavo, kumbe ku n'wi dyelela, hikuva Hosi i murihiseli eswilweni leswi hinkwaswo, hilaha hi nga mi byela khale ni ku mi tsundzuxa swinene hakona.

Levhitika 15:18

Loko wanuna a etlela ni wansati, va fanele ku hlamba hi vumbirhi bya vona; hambiswiritano, siku rero va ta va va nga tenganga, dyambu ri ko ri pela.

Ntirho 31:12

I ndzilo lowu dlayaka, lowu yisaka ekheleni ra vafi! Wu nga hisa ni tinhundzu ta mina hinkwato.