Vaheveru 13:21 - BIBELE Mahungu Lamanene

²¹ ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Testamente Leyimpsha Xichangana

²¹ ingi xingamilongisa hinkwasvu lesvinene lesvingatamipfuna kuyendla kurhandza ka xona, na xili karhi xitirha ka hina lesvi xisvitsakelaka, ha Yesu Kriste. Ka xona akuve kudzuneka hi masiku ni masiku. Amen!

Xitsonga (Bibele)

²¹ a swi xi mi lunghise ku tirha ntirho wun'wana ni wun'wana lowo saseka, mi ta endla ku rhandza ka xona, xi ri karhi xi endla eka n'wina, leswi xi tsakisaka ha Yesu Kriste; ku kwetsima a ku ve eka yena hilaha ku nga heriki.

Vaheveru 13:21 Referans Kwoze

Vafilipiya 2:13

hikuva i Xikwembu lexi tirhaka eka n'wina, lexi endlaka leswaku mi tsakela ni ku yingisa ku rhandza ka xona.

2 Vatesalonika 2:17

va nga tiyisa timbilu ta n'wina, va mi nyika matimba ya ku endla ni ku vulavula hinkwaswo leswi nga swinene.

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

2 Timotiya 4:18

Hosi yi ta ndzi vutla ni le ku biheni hinkwako, yi ndzi ponisa leswaku ndzi ta kuma Mfumo wa yona wa le matilweni. Eka yona a ku ve ku dzuneka hilaha ku nga heriki. Amen.

Vafilipiya 1:11

vutomi bya n'wina byi ta tala hi mihandzu ya leswo lulama, leyi tisiwaka ha Yesu Kriste, leswaku Xikwembu xi dzunisiwa ni ku twarisiwa ha swona.

2 Vakorinto 9:8

Xikwembu xi ni matimba ya ku mi nyika hinkwaswo leswi mi swi pfumalaka, ni ku tlula kwalaho, mi ta kota ku pfuna entirhweni wihi ni wihi lowunene, hikuva minkarhi hinkwayo mi kuma leswi swi mi ringanaka hi matlhelo hinkwawo,

1 Petro 4:2

Kutani enkarhini wa n'wina lowu saleke wa ku hanya laha misaveni, mi nga ha fambisiwi hi ku navela ku titsakisa, kukota vanhu van'wana, kambe mi fambisiwa hi leswi Xikwembu xi rhandzaka swona.

Vaheveru 10:36

Swa fanela leswaku mi tiyisela, leswaku mi ta kota ku endla ku rhandza ka Xikwembu, mi ta amukela leswi xi nga mi tshembisa swona.

1 Vatesalonika 5:23

Ingi Xikwembu xa ku rhula xona ha xoxe, xi nga mi endla lava hlawulekeke hi matlhelo hinkwawo. Ingi mimoya ya n'wina, ni timbilu ta n'wina, ni miri wa n'wina, swi nga hlayiseka swi basile, swi nga ri na nandzu siku Hosi ya hina Yesu Kriste a vuyaka.

Yuda 1:25

eka xona Xikwembu xi ri xin'we, muponisi wa hina ha Yesu Kriste Hosi ya hina, ku ni ku twala, ni vukulukumba, ni ku fuma, ni matimba, ku sukela eminkarhini hinkwayo leyi hundzeke, ni sweswi, ni hilaha ku nga heriki. Amen.

1 Yohane 2:17

Kutani misava ya hundza, ni ku navela ka yona, kambe loyi a endlaka ku rhandza ka Xikwembu, ú tshama hilaha ku nga heriki.

1 Timotiya 1:17

Eka Hosi ya minkarhi hinkwayo, leyi nga riki na ku fa, leyi nga voniwiki, xona Xikwembu xi ri xoxe, a ku ve ku chaviseka ni ku dzuneka, hilaha ku nga heriki! Amen.

Vaefesa 2:10

Hikuva hina hi vumbiwile hi Xikwembu, kutani, eka Kriste Yesu, Xikwembu xi hi vumbele ku tirha mintirho leyinene, leyi xi hi lunghiseleke yona khale, leswaku hi ta endla yona.

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

1 Yohane 3:22

Hi amukela eka xona hinkwaswo leswi hi swi kombelaka, hikuva hi hlayisa milawu ya xona ni ku endla leswi xi swi tsakelaka.

Vaheveru 13:16

Mi nga rivali ku endla leswinene ni ku pambulela van'wana leswi mi nga na swona, hikuva magandzelo lawa hi wona lama tsakisaka Xikwembu.

1 Timotiya 6:16

Hi yena ntsena la nga riki na ku fa, loyi a akeke eku vonakaleni loku nga tshinelelekiki; ku hava munhu ni un'we loyi a tshamaka a n'wi vona, kumbe loyi a kotaka ku n'wi vona. Eka yena a ku ve ku chaviseka ni ku fuma, hilaha ku nga heriki. Amen.

1 Timotiya 5:10

naswona ú fanele ku va ni vumbhoni lebyi twalaka hi tlhelo ra mintirho leyinene ya yena, ku fana ni ku kurisa vana hi ndlela ya kona, ni ku tsakela vaendzi, ni ku hlantswa milenge ya vahlawuriwa va Xikwembu, ni ku pfuna lava xanisekaka, ni ku tshama a ri karhi a endla leswinene hi matlhelo hinkwawo.

1 Vatesalonika 3:13

hi mukhuva wolowo, yi ta tiyisa timbilu ta n'wina, kutani mi ta pfumala nandzu, mi va lava hlawulekeke emahlweni ka Xikwembu Tata wa hina, siku Hosi ya hina Yesu a nga ta vuya ha rona, swin'we ni vahlawuriwa va yena hinkwavo.

Vakolosa 4:12

Epafra, loyi a nga un'wana wa n'wina, nandza wa Kriste Yesu, wa mi rungula; wa mi anakanya swinene masiku hinkwawo emikhongelweni ya yena, a kombela leswaku mi va lava hetisekeke ni lava tiyeke, eku endleni ka hinkwaswo leswi Xikwembu xi swi rhandzaka.

Vakolosa 3:17

Kutani xin'wana ni xin'wana lexi mi xi endlaka, hi ku vulavula kumbe hi ku tirha, xi endleni hi vito ra Hosi Yesu, mi ri karhi mi nkhensa Xikwembu Tatana ha yena.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Vaefesa 2:18

Hi yena la endleke leswaku hina hinkwerhu, Vayuda ni vamatiko, hi kota ku ta hi moya wun'we emahlweni ka Xikwembu.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Matewu 6:13

u nga hi yisi emiringweni, kambe u hi ponisa eka Lowo biha, [hikuva ku fuma, ni matimba, ni ku twala, i swa wena hi masiku ni masiku. Amen.’]

Pisalema 138:8

We HOSI, u ta hetisa makungu ya wena lamanene ehenhla ka mina; rirhandzu ra wena a ri na ku hela, hikokwalaho ntirho lowu u wu sunguleke, u nga wu tshiki empfhukeni!

Nhlavutelo 5:13

Kutani ndzi twa xivumbiwa xin'wana ni xin'wana lexi nge tilweni, ni la misaveni, ni le hansi ka misava, ni le lwandle, swi nga swivumbiwa hinkwaswo swa ntumbuluko hinkwawo, swi ri karhi swi vonga swi ku: “Eka loyi a tshameke exiluvelweni, ni le ka Xinyimpfana, a ku ve ku vongiwa, ni ku dzuneka, ni ku twala, ni matimba, hilaha ku nga heriki.”

Nhlavutelo 4:6

Ni le mahlweni ka xiluvelo, a ku ri ni leswi fanaka ni lwandle ra nghilazi, ri vonikela kukota “kristala”. Xiluvelo a xi rhendzeriwile hi swivumbiwa leswi hanyaka swa mune, leswi a swi ri ni mahlo layo tala matlhelo hinkwawo.

Vaheveru 12:23

ni le nhlengeletanweni ya vanhu va mativula lava marito ya vona ma tsariweke etilweni, ni le ka Muavanyisi loyi a nga Xikwembu xa vanhu hinkwavo, ni le ka mimoya ya vanhu lavo lulama lava nyikiweke ku hetiseka;

1 Vatesalonika 4:3

naswona ku rhandza ka Xikwembu hi loku: Hileswaku mi endliwa lava tengeke, hi ku fularhela vuoswi hinkwabyo.

Vakolosa 3:20

Vana, yingisani vatswari va n'wina etimhakeni hinkwato, hikuva exikarhi ka va ka Kriste, hi swona leswi tsakisaka.

Vafilipiya 2:11

ni tindzimi hinkwato ti vula leswaku Yesu Kriste i Hosi, eku dzuniseni ka Xikwembu Tatana.

Vagalatiya 1:5

eka xona a ku ve ku dzuneka hilaha ku nga heriki! Amen.

Varhoma 11:36

Hikuva swilo hinkwaswo swi huma ka yena, swi kona hikwalaho ka yena, swi kongoma yena. Eka yena a ku ve ku dzuneka hilaha ku nga heriki! Amen!

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!

Varhoma 16:27

eka Xikwembu xi ri xoxe xa vutlhari, a ku ve ku dzuneka ha Yesu Kriste, hi minkarhi ni minkarhi, Amen!

Yohane 17:23

Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

Matewu 21:31

Xana eka vona lavambirhi, hi wihi loyi a nga endla ku rhandza ka tata wa yena xana?” Va ku ka yena: “Hi lowo rhanga.” Yesu a ku ka vona: “Ndzi tiyisile ndzi ri ka n'wina, valuvisi ni tinghwavava va mi rhangela ku nghena eMfun'weni wa Xikwembu.

Matewu 7:21

“A hi hinkwavo lava nge ka mina: ‘Hosi, Hosi’ lava nga ta nghena eMfun'weni wa matilo, kambe ku ta nghena la endlaka ku rhandza ka Tata wa mina la nge matilweni.

Matewu 12:50

hikuva un'wana ni un'wana la endlaka ku rhandza ka Tata wa mina la nge tilweni, hi yena makwerhu wa xinuna, ni wa xisati, na manana.”

2 TIKRONIKA 30:12

Etikweni ra Yuda, HOSI Xikwembu xi tirha hi matimba etimbilwini ta vanhu, va twanana ku yingisa rito ra xona, va endla leswi hosi Hezekiya ni tindhuna ta yena va leriseke swona.

2 Timotiya 3:17

leswaku mutirheli wa Xikwembu a va la hetisekeke, a tilulamisela ku endla ntirho wun'wana ni wun'wana lowunene.

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.