Vaheveru 13:15 - BIBELE Mahungu Lamanene

¹⁵ Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Testamente Leyimpsha Xichangana

¹⁵ Loko svilitano, ahihumeseni timhamba masiku hinkwawu ha yena Yesu, hidzunisa Xikwembu ha tona, na hili karhi hikhensa vito ra xona hi marito lawa mahumaka milon'weni ya hina.

Xitsonga (Bibele)

¹⁵ Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

Vaheveru 13:15 Referans Kwoze

Pisalema 50:14

Ndzi humeseleni magandzelo ya ku nkhensa, hi hetisisa leswi mi tiboheke ku ndzi endlela swona, mina la nge henhla-henhla.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Hosiya 14:2

Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Esaya 57:19

Hinkwavo lava nga kona etikweni, ni lava nga matikweni ya le kule, ndzi ta va nyika ku rhula ka mina HOSI; vanhu va mina, ndzi ta va hanyisa.

2 TIKRONIKA 33:16

Manase a pfuxa alitari ya HOSI Xikwembu, a humesela ka yona magandzelo ya xinakulobye ni ya ku nkhensa. Kutani a lerisa va ka Yuda ku gandzela HOSI Xikwembu xa Israele ntsena.

Pisalema 50:23

Ku humesa minkhenso i gandzelo leri ri ndzi tsakisaka; loyi a fambaka etindleleni letinene, ndzi ta n'wi ponisa mina Xikwembu.”

Levhitika 7:12

Loko magandzelo lawa munhu wa kona a ma humesaka ma ri ya ku nkhensa Xikwembu, ú fanele ku tlhandlekela hi swimbhundzwa leswo-ke-comela leswi cheriweke mafurha, ni xinkwa lexo oma lexo-ke-comela lexi totiweke mafurha, ni swimbhundzwa swa mapa lamanene lama pfuviweke ni mafurha.

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

2 TIKRONIKA 7:6

Vaprista va sungula ku tirha mintirho ya vona; na vona Valevhi va sungula ku dzunisa HOSI Xikwembu hi swichaya-chayani leswi endliweke hi hosi Davhida, va tlangela HOSI Xikwembu ha swona, va ri karhi va ku: “Rirhandzu ra xona hi leri nga heriki!” Risimu leri, a va lerisiwile rona hi Davhida. Kutani vaprista va yima va langutana ni Valevhi, va ri karhi va chaya tinanga, Vaisraele lavan'wana hinkwavo va yimile kunene.

1 Petro 4:11

Loko un'wana a nyikiwile ku vulavula, a a vulavule hi ku landza marito ya Xikwembu; loko un'wana a nyikiwile ku tirhela vanhu, a a swi endle tanihi loyi a swi tirhaka hi matimba lawa Xikwembu xi n'wi nyikaka wona, leswaku eswilweni hinkwaswo Xikwembu xi dzunisiwa ha Yesu Kriste. Ku dzuneka ni matimba swi le ka xona hilaha ku nga heriki. Amen.

Vaefesa 2:18

Hi yena la endleke leswaku hina hinkwerhu, Vayuda ni vamatiko, hi kota ku ta hi moya wun'we emahlweni ka Xikwembu.

Pisalema 118:19

Ndzi pfuleleni tinyangwa ta lavo lulama, hikuva ndzi lava ku nghena ha tona eTempeleni, ndzi ya tlangela HOSI Xikwembu.

Pisalema 18:49

Hikokwalaho, we HOSI, ndzi ta ku twarisa exikarhi ka vamatiko, ndzi ta yimbelela tinsimu ndzi dzunisa vito ra wena.

Nehemiya 12:43

Kutani siku rero vanhu va humesa magandzelo layo tala, va tsaka swinene hikuva Xikwembu a xi va nyikile ntsako lowukulu. Vavasati ni vana, na vona a va tsakile swinene. Huwa ya ntsako lowu a wu ri kona eYerusalema a yi fika ekule swinene.

Vaheveru 7:25

Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Vakolosa 1:12

Naswona, nkhensani Tatana, loyi a endleke leswaku na n'wina mi averiwa ndzhaka ya vahlawuriwa, eku fumeni ka ku vonakala.

Varhoma 6:19

Ndzi tirhisa mavulavulele ya vanhu, hikuva, hi ntumbuluko, mi vanhu lava tsaneke. Ku fana ni leswi khale a mi nyiketile swirho swa n'wina ku va mahlonga ya thyaka ni ya ku homboloka, leswaku mi endla leswo homboloka ha swona, sweswi nyiketani swirho swa n'wina ku va mahlonga ya ku lulama, leswaku mi endla leswi tengeke ha swona.

Yohane 10:9

Hi mina nyangwa. Loko munhu a nghena ha mina, ú ta ponisiwa; ú ta nghena a huma, a kuma madyelo.

Nehemiya 12:40

Mintlawa hinkwayo leyi a yi ri ku nkhenseni yi fike yi yima endlwini ya Xikwembu, kutani na mina ndzi fika ndzi yima, swin'we ni hafu leyi a ndzi ri na yona ya varhangeri,

Ezra 3:11

kutani va yimbelela va ri karhi va hlavelelana, va dzunisa HOSI Xikwembu ni ku xi nkhensa, va ku: “HOSI Xikwembu xi lulamile, hikuva tintswalo ta xona eka Vaisraele hi leti nga heriki.” Vanhu hinkwavo va tlakusa rito va dzunisa HOSI Xikwembu hikwalaho ka masungulo lama endliweke ya yindlu ya xona.

2 TIKRONIKA 29:31

Kutani Hezekiya a ku ka ntshungu: “Hinkwenu mi tile haleno mi tamerile xo gandzela HOSI Xikwembu ha xona; hi wona nkarhi wa ku tshinela kusuhi na xona, mi xi humesela magandzelo ya n'wina ya ku nkhensa kwala ndlwini ya xona!” Kutani vanhu hinkwavo va ta ni swifuwo swa magandzelo ya vona ya ku nkhensa; van'wana lava titwaka, va humesa ni swifuwo swa magandzelo lama hisiwaka,

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Luka 10:21

Enkarhini wolowo Moya lowo Kwetsima wu n'wi tshukatshukisa hi ku tsaka, a ku: “Ndza ku nkhensa Tatana, Hosi ya tilo ni misava, hikuva timhaka leti, u ti fihlele lavo tlhariha ni lava mano, kambe u ti pfuletele lavatsongo. Ina, Tatana, u swi lavise sweswo.

Pisalema 119:108

We HOSI, amukela xikhongelo xa mina xa ku nkhensa, kutani u ndzi dyondzisa leswi u swi boheke.

Yeremiya 33:11

Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Yeremiya 33:18

naswona, ku ta va ni vaprista va ka Levhi lava nga ta hamba va ndzi humesela magandzelo lama hisiwaka ya nyama ni ya swa le masin'wini.”

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

Tinhlayo 7:62

ni xinkambana xa nsuku xo tika 120 g, xi tele hi mirhi ya risuna;