Vaheveru 13:11 - BIBELE Mahungu Lamanene

¹¹ Hikuva tinyama ta swifuwo leswi ngati ya swona yi tisiwaka exivandleni lexo hlawuleka ngopfu hi Muprista Lonkulu ku ta khongelela swidyoho, ti hiseriwa ehandle ka nxaxa.

Testamente Leyimpsha Xichangana

¹¹ Hikuva ngati ya svifuyu leyitisiwaka ndhawini leyokwetsimisisa hi Muprista lwenkulu kutakhongelela svijoho, anyama ya svona yihiseliwa handle ka vugovelo.

Xitsonga (Bibele)

¹¹ Hikuva mitsumbu ya swifuwo leswi ngati ya swona yi yisiwaka evukwetsimelweni hi muprista lonkulu hikwalaho ka ku dyoha, yi hisiwa ehandle ka mixaxa.

Vaheveru 13:11 Referans Kwoze

Levhitika 16:27

Naswona xinkuzana ni xiphongho xa mhamba yo susa swidyoho, swi nga swifuwo leswi ngati ya swona yi yisiweke exivandleni xo hlawuleka ku xi basisa, swi fanele ku rhwariwa swi yisiwa ehandle ka mixaxa, kutani nyama ya swona yi ta hisiwa kona, swin'we ni dzovo ni nswanyi.

Eksoda 29:14

Kambe nyama ya xinkuzana, ni dzovo ra xona, ni nswanyi, u ta ya swi hisa hi ndzilo ehandle ka mixaxa. Leyi hi yona mhamba ya ku susa swidyoho.

Tinhlayo 19:3

Thokazi leri, mi ta ri yisela muprista Eliyazara, kutani ri ta humeseriwa ehandle ka mixaxa, ri ya tlhaveriwa kona, muprista Eliyazara a ri karhi a swi vona.

Levhitika 9:11

Nyama ya xinkuzana lexi ni dzovo ra xona, a swi teka, a ya swi hisa ehandle ka mixaxa.

Levhitika 6:30

Nyama ya xifuwo xa mhamba yo susa swidyoho lexi ngati ya xona yi yisiweke eka Ntsonga lowo Hlawuleka ku ya basisa swidyoho exivandleni lexi hlawulekeke, yi nga tshuki yi dyiwa, yi fanele ku hisiwa hinkwayo.

Levhitika 9:9

kutani vana va yena va n'wi kanga telela ngati, a peta ritiho ra yena engatini leyi, a yi tota etimhondzweni ta alitari; ngati leyin'wana a yi chela ehansi ka alitari;

Tinhlayo 19:7

Kutani muprista ú ta hlantswa swiambalo swa yena, a hlamba ni miri, ku ri kona a nga ta tlhelela emixaxeni; kambe siku rero ú ta va a nga tenganga ku kondza dyambu ri pela.

Ezekiele 43:21

Kutani nkuzi leyi dlayiweke egandzelweni ro susa swidyoho, yi ta tekiwa yi yisiwa endhawini yin'wana leyi hlawuriweke kusuhi ni Tempele, yi hiseriwa kona, ehandle ka xivava xa magandzelo.

Levhitika 6:11

Loko a hetile, ú fanele ku hluvula leswi a swi ambaleke, a ambala swin'wana, kutani a olela nkuma lowu, a wu yisa ehandle ka mixaxa exivandleni lexi tengeke.