Vaheveru 12:23 - BIBELE Mahungu Lamanene

²³ ni le nhlengeletanweni ya vanhu va mativula lava marito ya vona ma tsariweke etilweni, ni le ka Muavanyisi loyi a nga Xikwembu xa vanhu hinkwavo, ni le ka mimoya ya vanhu lavo lulama lava nyikiweke ku hetiseka;

Testamente Leyimpsha Xichangana

²³ ni le nhlengeletanweni ya vanhu va mativula lava mavito ya vona matsaliweke tilweni, ni le ka Muyavanyisi lweyi anga Xikwembu xa vanhu hinkwavu, ni le ka mimoya ya vanhu lavolulama lavanyikiweke kuhetiseka;

Xitsonga (Bibele)

²³ ni le nhlengeletanweni ya hinkwavo ni le kerekeni ya mativula lama tsariweke ematilweni ni le ka Xikwembu, muavanyisi wa hinkwavo, ni le ka mimoya ya lava lulameke lava nga hetiseka;

Vaheveru 12:23 Referans Kwoze

Yakobo 1:18

Hi ku rhandza ka yena, ú hi velekile hi rito ra ntiyiso, leswaku hi nga va lava vuriwaka mativula ya swivumbiwa swa yena.

Vaheveru 11:40

Hikuva Xikwembu a xi ri ni makungu man'wana lama antswaka hi tlhelo ra hina, leswaku va nga endliwi lava hetisekeke ehandle ka hina.

Luka 10:20

Hambiswiritano, mi nga tsaki hi leswi mimoya yi mi yingisaka; kambe tsakani hi leswi mavito ya n'wina ma tsariweke etilweni.”

Nhlavutelo 14:4

Lava, hi lava va nga tinyamisangiki hi vavasati, hikuva va tengile. Hi lava va landzelelaka Xinyimpfana hinkwako lomu xi yaka kona. Lava hi lava va kutsuriweke exikarhi ka vanhu leswaku va va mihandzu yo rhanga ya ntshovelo, va humeseriwa Xikwembu ni Xinyimpfana.

Eksoda 4:22

U ta ku ka Faro: ‘HOSI Xikwembu xi vurisa sweswo xi ri: Israele i mativula ya mina,

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Nhlavutelo 20:15

Loko vito ra munhu ri nga kumiwi ri tsariwile ebukwini ya vutomi, munhu yoloyi a hoxiwa etiveni ra ndzilo.

Pisalema 94:2

Suka u yima wena muavanyisi wa misava, bana lava tikurisaka, hikuva va lo tivangela.

Vaheveru 9:27

Tanihi leswi ku lulamisiweke leswaku vanhu va fa kan'we, kutani endzhaku ka swona ku ta ku avanyisiwa,

Pisalema 96:13

hikuva HOSI Xikwembu xa ta ku ta fuma misava; xi ta yi avanyisa hi ku lulama, xi fambisa vamatiko entiyisweni wa xona.

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

1 Petro 2:23

Loko a rhuketeriwa, a nga tlheriselanga hi ku rhuketela; loko va n'wi twisa ku vava, a nga vulanga leswaku ú ta tirihisela, kambe ú swi tshikile emavokweni ya loyi a avanyisaka hi ku lulama.

Vaheveru 11:4

Hi ku pfumela, Avele ú humesele Xikwembu magandzelo lama amukelekeke ku tlula ya Kayini, kutani hikwalaho ka swona ú nkhensiwile a vuriwa loyi a lulameke, Xikwembu xi ri karhi xi tiyisa sweswo hi ku amukela tinyiko ta yena. Ú file, kambe hi mhaka ya ku pfumela ka yena, wa ha vulavula.

1 Timotiya 3:5

Hikuva loko munhu a nga tivi ku fambisa ndyangu wa yena, ú ta swi kotisa ku yini ku risa kereke ya Xikwembu xana?

Vafilipiya 4:3

Ndza ku kombela na wena mutirhi-kulorhi la tshembekaka: Pfuna vamanana lava; va ndzi seketerile swinene entirhweni wa Evhangeli, va ri na Klemento, ni vatirhi-kulorhi lavan'wana, lava mavito ya vona ma tsariweke ebukwini ya vutomi.

Vaefesa 1:22

Kutani Xikwembu xi vekile hinkwaswo ehansi ka minkondzo ya Kriste, xi tlhela xi n'wi nyika eka Kereke, a ri nhloko ya hinkwaswo.

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Yohane 5:27

Naswona, ú n'wi nyikile matimba ya ku avanyisa, hikuva i N'wana-wa-Munhu.

Pisalema 98:9

loko HOSI Xikwembu xi ta ku ta fuma misava. Xi ta yi avanyisa hi ku lulama, vamatiko xi ta va fambisa hi nawu.

Vakolosa 1:24

Sweswi ke, ndzi tsaka hileswi ndzi xanisiwaka hikwalaho ka n'wina; kutani, hi ku xaniseka ka mina emirini, ndzi hetisa leswi kayiveleke emaxangwini ya Kriste, hikwalaho ka miri wa yena, yi nga Kereke.

Vakolosa 1:12

Naswona, nkhensani Tatana, loyi a endleke leswaku na n'wina mi averiwa ndzhaka ya vahlawuriwa, eku fumeni ka ku vonakala.

2 Vakorinto 5:8

kutani ndzi ri, hi tiya nhlana, naswona a hi ta tsakela ku rhurha emirini lowu, leswaku hi ta va ekaya eHosini.

1 Vakorinto 15:54

Kutani loko leswi onhakaka swi ta va swi funengele leswi nga onhakiki, ni loko leswi faka swi ta va swi funengele leswi nga fiki, hi kona rito leri tsariweke ri nga ta hetiseka, leri nge: “Rifu ri mitiwile, ri hluriwele makumu.”

1 Vakorinto 13:12

Sweswi hi vona hi riphume exivonini; kambe enkarhini wolowo, hi ta langutana hi mahlo; sweswi vutivi bya mina a byi hetisekanga, kambe enkarhini wolowo ndzi ta tiva hi ku hetiseka, tanihi leswi Xikwembu na xona xi ndzi tiveke hi ku hetiseka.

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Eklesiasta 12:7

ntshuri wu nga si tlhelela emisaveni laha wu humaka kona, ni moya wu nga si tlhelela eka Xikwembu, munyiki wa wona.

Pisalema 111:1

Dzunisani HOSI! Ndzi ta nkhensa HOSI Xikwembu hi mbilu ya mina hinkwayo, ndzi ri xikarhi ka ntshungu wa lavo lulama.

Pisalema 89:27

Ndzi ta n'wi endla mativula ya mina, tihosi hinkwato ta misava ti ta va hansi ka yena.

Pisalema 89:7

Hakunene we Xikwembu, wa chaviseka swinene ehubyeni ya vahlawuriwa va le henhla, wa xiximeka ku tlula hinkwavo lava va ku rhendzeleke.

Pisalema 69:28

Sula mavito ya vona ebukwini ya vutomi, ma nga ha tsariwi swin'we ni mavito ya lavo lulama.

Duteronoma 21:17

kambe ú fanele ku komba leswaku n'wana wa wansati loyi a nga tsakeriwiki, hi yena mativula, hi ku n'wi nyika swilo leswi tlulaka swa loyi un'wana kambirhi, eka hinkwaswo leswi a nga na swona, hikuva ú sungurile hi yena ku veleka, kutani hi yena a kumaka leswi fanelaka n'wana wa mativula.

Eksoda 13:2

“U fanele ku hlawula mativula hinkwawo ya vanhu ni ya swifuwo, u ma nyiketa eka mina; hinkwaswo leswi rhangeke ku velekiwa, exikarhi ka Vaisraele kumbe eka swifuwo swa vona, i swa mina.”

Eksoda 32:32

Kambe sweswi wa nga va rivalela ku dyoha ka vona; loko u nga swi tsakeli, sula vito ra mina ebukwini leyi u tsaleke mavito ya vanhu va wena eka yona.”

1 Vakorinto 15:49

Kukotisa leswi hi nga ambala xivumbeko xa munhu wa ntshuri, hi mukhuva wolowo hi ta ambala xivumbeko xa munhu wa le tilweni.

Vaheveru 2:12

a ku ka Xikwembu: “Ndzi ta twarisa vito ra wena eka vamakwerhu, ndzi ta ku dzunisa hi tinsimu exikarhi ka nhlengeletano.”

Nhlavutelo 6:9

Loko Xinyimpfana xi lemurile xilemo xa vuntlhanu, ndzi vona ehansi ka alitari mimoya ya lava a va dlayiwile hi mhaka ya ku twarisa Rito ra Xikwembu ni hikwalaho ka ku humesa vumbhoni bya vona.

Nhlavutelo 6:11

Kutani un'wana ni un'wana wa vona a nyikiwa nguvu yo leha leyo basa; va byeriwa ku ya emahlweni ni ku wisa nkarhinyana kambe, ku ko ku hetiseka ntsengo wa malandza-kulobye ni wa vamakwavo, lava va nga ta dlawa ku fana na vona.