Vaheveru 12:21 - BIBELE Mahungu Lamanene

²¹ Hakunene leswi va swi voneke, a swi chavisa ngopfu, lero kala Muxe a ku: “Ndza rhurhumela hi ku chava.”

Testamente Leyimpsha Xichangana

²¹ Hakunene lesvi vasvivoneke, asvichavisa ngopfu, kukondza Moxe aku: “Narhurhumela hi kuchava.”

Xitsonga (Bibele)

²¹ Kutani hikwalaho ka ku chavisa ka lexi vonakaka, na yena Muxe u te: “Ndzi tshukile ngopfu, ndza rhurhumela.”

Vaheveru 12:21 Referans Kwoze

Eksoda 19:16

Hi siku ra vunharhu nimpundzu, tilo ri baleka, ri hatima-hatima, papa lero dziva ri khubumeta ntshava, mhalamhala yi ri karhi yi ba swinene, vanhu lava a va ri emintsongeni va rhurhumela hi ku chava.

Duteronoma 9:19

Mina a ndzi chava leswi HOSI Xikwembu a xi mi hlundzukerile, xi pfurha hi vukari. A xi lava ku mi herisa, kambe xi tlherile xi ndzi yingisa.

Eksoda 19:19

Mhalamhala yi ya yi ba swinene. Muxe a vulavula na Xikwembu, kutani xona xi n'wi hlamula hi rito leri tlakukeke.

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Pisalema 119:120

Ndza rhurhumela emahlweni ka wena hikuva ndza ku chava, ndzi chava ni leswi u swi boheke.

Daniele 10:17

Xana ndzi nga vulavurisa ku yini na wena, we N'wini wanga, leswi ndzi heleke matimba mina nandza wa wena, ndzi nga ha kotiki ni ku hefemula xana?’

Daniele 10:8

va ndzi siya ndzi ri ndzexe, ndzi ri eku languteni ka xivono, kutani ndzi titwa ndzi nga ha ri na matimba, nghohe ya mina yi basuluka hi ku chava, ndzi sala ndzi tsanile swinene.

Vaheveru 10:27

kambe ku lo sala ntsena ku langutela loku chavisaka ka ku avanyisiwa, ni vukari lebyi pfurhaka lebyi nga ta herisa valala va Xikwembu.