Vaheveru 12:2 - BIBELE Mahungu Lamanene

² A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Testamente Leyimpsha Xichangana

² Ahilanguteni Yesu, musunguli ni muhetisisi wa kupfumela ka hina, lweyi angachavangiki kurhwala xihambanu, angavuli nchumu hi tingana takona, hikolaho ka kutsaka loku kuvekiweke mahlweni ka yena; kutani svosvi atshamile vokweni ra xinene xiluvelweni xa Xikwembu.

Xitsonga (Bibele)

² hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

Vaheveru 12:2 Referans Kwoze

Mikiya 7:7

Kambe loko ndzi ri mina, ndzi ta languta eka HOSI Xikwembu, ndzi ta titshembela xona muponisi wanga, Xikwembu xa mina xi ta ndzi hlamula.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

Vafilipiya 1:6

Ndzi ni ku tshemba swinene leswaku Xikwembu lexi sunguleke ntirho lowo saseka lowu exikarhi ka n'wina, xi ta wu yisa emahlweni ku fikela makumu ka wona, hi siku ra Kriste Yesu.

Vaheveru 9:28

swi tano na Kriste: Ú nyiketiwile kan'we ku rhwala swidyoho swa lavo tala; hikokwalaho, ú ta humelela ra vumbirhi, ku nga ri ku ta susa swidyoho, kambe ku ta ponisa lava va n'wi languteleke hi ku hiteka.

Yohane 6:40

Tata wa mina ú lava leswaku un'wana ni un'wana la langutaka N'wana, a va a pfumela eka yena, a va ni vutomi lebyi nga heriki, kutani mina ndzi ta n'wi pfuxa hi siku ra makumu.”

1 Petro 3:22

yena loyi a yeke etilweni, kutani sweswi ú le vokweni ra xinene ra Xikwembu, tintsumi ni vafumi ni leswa matimba swi ri ehansi ka yena.

Timhaka 5:31

Hi yena loyi Xikwembu xi nga n'wi tlakusa, a tshama evokweni ra xona ra xinene ku va Murhangeri ni Muponisi, leswaku a ta nyika Vaisraele eku hundzuka ni ku rivaleriwa ka swidyoho.

Luka 24:26

Xana a swi nga faneri leswaku Mesiya a twisiwa ku vaviseka koloku, a tlhela a nghena eku kwetsimeni ka yena ke?”

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Esaya 45:22

“Hundzulukelani eka mina leswaku mi ta ponisiwa, n'wina mi akeke emisaveni hinkwayo, hikuva Xikwembu hi mina ntsena, a ku na xin'wana.

Yuda 1:21

Tshamani erirhandzwini ra Xikwembu. Langutelani musa wa Hosi ya hina Yesu Kriste lowu yisaka evutomini lebyi nga heriki.

Vaheveru 8:1

Kutani ke, nhloko-mhaka ya leswi hi swi vulaka hi leyi: Hi ni Muprista Lonkulu wo tani hi yena, loyi a tshameke evokweni ra xinene ra xiluvelo xa vuhosi ematilweni,

2 Timotiya 4:8

Leswi saleke, hileswaku harhi ya vahluri yi ndzi yimerile, ku nga ku lulama loku Hosi, muavanyisi lowo lulama, yi nga ta ndzi nyika hi siku lerikulu; kutani a yi nga nyiki mina ntsena, kambe yi ta nyika ni hinkwavo lava tsakeleke ku humelela ka yona.

Vafilipiya 3:20

Kambe ra hina kaya ri le matilweni, kutani hi langutela hi mbilu hinkwayo Muponisi wa hina loyi a nga ta ta a huma kona, a nga Hosi Yesu Kriste.

Marka 14:36

A ku: “Abba, Tatana! Eka wena hinkwaswo swa endleka; xinwelo lexi xi tshinete kule na mina; ntsena ku nga endliwi ku rhandza ka mina, kambe a ku endliwe ku rhandza ka wena.”

Esaya 8:17

HOSI Xikwembu xi fularhele va ka Yakobo, kambe mina ndzi ta langutela xona, ndzi xi tshemba.

Nhlavutelo 2:8

“Tsalela ni ntsumi ya kereke ya le Smirna, u ku: “ ‘Marito ya loyi a nga wo rhanga ni wo hetelela, loyi a feke a tlhela a pfuka, hi lawa:

Vaheveru 13:13

Hikokwalaho, a hi humeni hi ya le ka yena ehandle ka nxaxa, hi rhwele ku rhuketeriwa ka yena.

Vaheveru 5:9

Kutani loko a endliwile la hetisekeke, ú hundzukile xihlovo xa ku ponisiwa loku nga heriki eka hinkwavo lava va n'wi yingisaka,

Yohane 13:3

Yesu, hi ku tiva leswaku Tatana ú vekile swilo hinkwaswo emavokweni ya yena, ni leswaku ú humile eka Xikwembu, naswona a ya eka Xikwembu,

Luka 17:5

Vaapostola va ku ka Hosi: “Hi engetelele ku pfumela.”

Marka 9:24

Tata wa n'wana a hatla a tlakusa rito, a ku: “Ndza pfumela! Ndzi pfune eku kanakaneni ka mina.”

Vaheveru 12:3

Anakanyani yena loyi a nga tiyisela hi ndlela leyo tano, loko vadyohi va lwa na yena, leswaku mi nga karhali kumbe ku hela mbilu.

Vaefesa 2:16

Hi ku fa ka yena exihambanweni, Kriste ú herisile rivengo, kutani, hi xihambano, ú hlanganisile tinxaka leti timbirhi ti va vanhu van'we, a va vuyisa eka Xikwembu.

Timhaka 5:41

Loko va ri vona, va huma ehubyeni va tsakile, hikuva a va kumiwile va ri lava fanelaka ku soriwa hikwalaho ka vito ra Yesu.

Yohane 12:32

Kambe mina, loko ndzi ta va ndzi tlakuriwile ndzi suka emisaveni, ndzi ta kokela vanhu hinkwavo eka mina.”

Pisalema 138:8

We HOSI, u ta hetisa makungu ya wena lamanene ehenhla ka mina; rirhandzu ra wena a ri na ku hela, hikokwalaho ntirho lowu u wu sunguleke, u nga wu tshiki empfhukeni!

1 Petro 1:11

va kambisisile hi ku lava ku tiva leswaku xana Moya wa Mesiya lowu a va ri na wona, a wu komba mani kumbe nkarhi wihi xana, loko wu ri karhi wu tivisa ta mahlomulo ya Mesiya loyi ni ku dzunisiwa loku a ku ta landza endzhaku.

Vaheveru 10:14

Hikuva, hi ku humesa magandzelo kan'we ntsena, ú endlile leswaku lava nga hlawulekisiwa, va kuma ku hetiseka loku nga heriki.

Yohane 12:24

Ndzi tiyisisile ndzi ri ka n'wina: Loko ndzhoho ya vele yi nga weli emisaveni yi fa, yi to tshama yi ri tano; kambe loko yi fa, yi ta chela ngopfu.

Yohane 8:56

Tata wa n'wina Abrahama ú tsakile ngopfu ku vona siku ra mina; ú ri vonile, a vuya a tsaka.”

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Luka 23:11

Hiloko Heroda a n'wi sandza, ni ku n'wi tseketsela a ri ni masocha ya yena; kuteloko a n'wi ambexile nguvu yo vangama, a n'wi tlherisela eka Pilato.

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Matewu 16:21

Ku sukela nkarhini wolowo Yesu a sungula ku tivisa vadyondzisiwa va yena leswaku ú fanele ku ya eYerusalema, a twisiwa ku vaviseka lokukulu hi vakulukumba ni vaprista lavakulu ni vatsari, a dlawa, a tlhela a pfuka eku feni hi siku ra vunharhu.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Esaya 31:1

Va ni khombo vanhu lava yaka va ya kombela ku pfuniwa le Egipta! Va tshemba tihanci ni makalichi layo tala ya Vaegipta, va tshemba ni vagadi va tihanci, va ku va ni matimba swinene, kambe HOSI Xikwembu, xona Muhlawuleki wa Israele, a va na mhaka na xona, a va xi vikeli makungu ya vona.

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Nhlavutelo 1:11

ri ku: “Tsala leswi u swi vonaka, kutani u rhumela buku ya kona etikerekeni leti ta 7: Kereke ya le Efesa, ni ya le Smirna, ni ya le Pergamo, ni ya le Tiyatira, ni ya le Sarda, ni ya le Filadelfiya, ni ya le Lawodikiya.”

Vaheveru 7:19

(hikuva Nawu a wu endlanga xilo ni xin'we xi va lexi hetisekeke); hi tlhelo rin'wana ku tisiwile ku langutela lokuntshwa, loku ha kona hi tshinelelaka Xikwembu.

Vaheveru 1:13

Xana Xikwembu xi tshama xi byela yihi ntsumi xi ku: “Tshama evokweni ra mina ra xinene, ndzi kondza ndzi veka valala va wena ehansi ka minkondzo ya wena” xana?

Timhaka 2:36

“Hikokwalaho rixaka hinkwaro ra Vaisraele ri fanele ku tiva mhaka leyi swinene leswaku Yesu loyi mi n'wi vambeke, hi yena loyi Xikwembu xi n'wi endleke Hosi ni Mesiya.”

Marka 9:12

A va hlamula a ku: “Eliya ú fanele ku rhanga a ta hakunene, a tlhela a pfuxeta hinkwaswo; kambe hikwalaho ka yini ku tsariwile leswaku N'wana-wa-Munhu ú ta fanela ku twisiwa ku vaviseka lokukulu, a va a soriwa ke?

Pisalema 110:1

HOSI Xikwembu xi byerile murhangeri wa tiko ra ka hina xi ku: “Tana u ta tshama evokweni ra mina ra xinene, kutani ndzi ta veka valala va wena ehansi ka minkondzo ya wena.”

Nhlavutelo 1:8

“Hi mina Alfa na Omega”, ku vula Hosi Xikwembu, “loyi a nga kona, loyi a a ri kona, loyi a taka, Lowa-matimba-hinkwawo.”

Vaheveru 11:36

Van'wana va xanisiwile hi ku hlekuriwa ni ku biwa, hambi ku ri ku bohiwa hi tinketani, va hoxiwa ekhotsweni.

Vaheveru 10:33

Nkarhi wun'wana a mi nyumisiwa emahlweni ka vanhu hi ku rhukaniwa ni ku xanisiwa; nkarhi wun'wana a mi yima ni lava a va xanisiwa hi ndlela yoleyo.

Marka 16:19

Kuteloko Hosi Yesu a vulavurile na vona, a tlakuriwa a ya etilweni, a ya tshama evokweni ra xinene ra Xikwembu.

Timhaka 3:15

kutani mi dlaya munyiki wa vutomi; kambe Xikwembu xi n'wi pfuxile eku feni; hina hi timbhoni ta swona.

1 Vakorinto 1:18

Dyondzo ya xihambano i vuhunguki eka lava lovaka; kambe eka hina lava ponisiwaka i matimba ya Xikwembu.

1 Vakorinto 1:23

kambe loko hi ri hina hi twarisa Kriste la vambiweke, loyi a nga xikhunguvanyiso eka Vayuda ni vuhunguki eka vamatiko;

Yakobo 2:1

Vamakwerhu, leswi mi nga ni ku pfumela eka Hosi ya hina Yesu Kriste, Hosi ya ku kwetsima, mi nga yi hi nghohe.

Tinhlayo 21:9

Muxe a vumba nyoka hi koporo, kutani a yi hayeka emhandzeni. Loko munhu un'wana a tshuka a lumiwile hi nyoka, a a languta leyi ya koporo, kutani a hanya.

Marka 15:28

Hiloko ku hetiseka tsalwa leri nge: “Ú hlayiwile exikarhi ka swidyohi.”]