Vaheveru 12:1 - BIBELE Mahungu Lamanene

¹ Hikokwalaho, leswi hi rhendzeriweke hi vunyingi lebyikulu lebyi bya timbhoni, na hina a hi tshikeni hinkwaswo leswi swi hi sivelaka ku ya emahlweni, ni vudyoho lebyi hatlaka ku hi namarhela, hi tsutsuma hi ri ni ku tiyisela eku tsutsumeni ka mpfhuka lowu hi vekeriweke wona.

Testamente Leyimpsha Xichangana

¹ Hikolaho, lesvi hirhendzeliweke hi refu lerikulu ra timboni, na hina ahitshikeni hinkwasvu lesvi svihisivelaka, ni vujoho lebzihantlaka kuhinamarhela, hitsutsuma na hili ni kutiyisela kutsutsumeni ka mpfhuka lowu hi vekeliweke wona.

Xitsonga (Bibele)

¹ Hikwalaho-ke, na hina, leswi hi nga rhendzeriwa hi papa leronghasi ri timbhoni, a hi cukumeteni hinkwaswo leswi hi tikelaka, ni vudyoho lebyi hi namarhelaka hi ku hatlisa, hi tsutsuma hi ku tiyisela empfhukeni lowu hi wu vekeriweke,

Vaheveru 12:1 Referans Kwoze

2 Timotiya 4:7

Ndzi lwile nyimpi leyinene, ndzi hetile mpfhuka wa mina wa ku tsutsuma, ndzi hlayisile ku pfumela.

Vafilipiya 2:16

mi ri karhi mi namarhela Rito ra vutomi, kutani esikwini ra Kriste, ndzi ta kota ku tidzunisa loko ndzi kuma leswaku ku tikarhata ka mina entirhweni wa mina a ku vanga ka mahala.

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Vagalatiya 5:7

A mi ri karhi mi tsutsuma swinene! I mani la nga mi sivela ku yingisa ntiyiso?

1 Petro 2:1

Hikokwalaho, tshikani lunya hinkwaro, ni vuxisi hinkwabyo, ni vukanganyisi, ni mavondzo, ni ku lumbeta hinkwako.

Varhoma 12:12

Tsakani eku languteleni, mi tiyisela emaxangwini, mi chivirika eku khongeleni.

2 Vakorinto 7:1

Vanakulorhi, switshembiso leswi swi nyikiwile hina. Hikokwalaho, hi fanele ku tibasisa, hi susa thyaka hinkwaro ra miri ni ra moya, hi ringeta ku hanya vutomi lebyo hlawuleka swinene, hi ri karhi hi chava Xikwembu.

2 Timotiya 2:4

Loko nyimpi ya ha lwiwa, ku hava nhenha leyi pfaka yi ya tirha swa le kaya, hikuva ku navela ka yona lokukulu i ku tsakisa loyi a yi rhambeke ku ya lwa nyimpi ya kona.

Yakobo 1:3

hikuva ma swi tiva leswaku loko ku pfumela ka n'wina ku tiya eku ringiweni, swi humesa ku tiyisela.

Matewu 24:13

Kambe loyi a tiyiselaka ku fika makumu, hi yena loyi a nga ta ponisiwa.

Matewu 10:22

Mi ta vengiwa hi vanhu hinkwavo hikwalaho ka vito ra mina; kambe loyi a tiyiselaka ku fika makumu, hi yena loyi a nga ta ponisiwa.

Vaheveru 6:15

Hi ndlela yoleyo Abrahama, hi ku lehisa mbilu, ú kumile leswi a tshembisiweke swona.

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

Nhlavutelo 3:10

Leswi u nga hlayisa xileriso xa mina xa leswaku u fanele ku tiyisela, na mina ndzi ta ku sirhelela enkarhini wa ndzingo lowu wu nga ta ta emisaveni hinkwayo, ku ta ringeta vaaki va misava.

1 Petro 4:2

Kutani enkarhini wa n'wina lowu saleke wa ku hanya laha misaveni, mi nga ha fambisiwi hi ku navela ku titsakisa, kukota vanhu van'wana, kambe mi fambisiwa hi leswi Xikwembu xi rhandzaka swona.

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

2 Petro 1:6

mi seketela vutivi hi ku tikhoma, ni ku tikhoma hi ku tiyisela, ni ku tiyisela hi vukhongeri,

Nhlavutelo 22:16

Yesu ú ri: “Ndzi rhumile ntsumi ya mina etikerekeni leswaku yi mi tivisa ntiyiso wa swilo leswi. Hi mina rimitsu ra Davhida, ni wa rixaka ra yena, nyeleti leyo vangama ya mixo.”

1 Petro 5:12

Ndzi mi tsalela hi ku komisa, hi xandla xa Silvano, makwerhu loyi hi ku vona ka mina a nga la tshembekeke; ndza mi khongotela, ni ku tiyisa leswaku tintswalo ta xiviri ta Xikwembu hi tona leti! Tiyani eka tona.

Esaya 60:8

Xana i tingalava muni leti ti taka kukota mapapa, leti fanaka ni matuva lama hahaka ma vuya eswisakeni swa wona, xana?

Nhlavutelo 1:9

Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

Yohane 3:32

Yena ú vula vumbhoni bya leswi a swi voneke ni ku swi twa, kambe a ku na loyi a amukelaka vumbhoni bya yena.

Ezekiele 38:16

kutani mi ta fika mi hlasela Vaisraele vanhu va mina, mi khubumeta tiko ra vona hi xinyami. Xikongomelo xa mina loko ndzi ku vitana ku ta lwa ni Vaisraele i ku tivisa vamatiko leswaku hi mina mani! Eminkarhini yoleyo ndzi ta ku tirhisa ku komba vamatiko lava hinkwavo leswaku ndzi Xikwembu xo hlawuleka.

Ezekiele 38:9

Wena ni masocha ya wena ni vanhu hinkwavo lava va ku seketelaka, mi ta kongoma etikweni ra Israele, mi ri ba kukota xihuhuri, mi ri khubumeta hi xinyami.

Nhlavutelo 13:10

Loyi ku khomiwa swi n'wi kongomeke, ú ta khomiwa hakunene; ni loyi ku dlayiwa hi tlhari swi n'wi kongomeke, ú ta dlayiwa hi tlhari hakunene.” Leswi swi vula leswaku vahlawuriwa va Xikwembu va fanele ku tiyisela, va va ni ku pfumela.

Luka 16:28

hikuva ndzi ni vamakwerhu va ntlhanu. Ú ta ya va tsundzuxa, leswaku va nga tshuki va ta na vona exivandleni lexi xa ku xaniseka.’

Pisalema 18:23

HOSI a yi kumanga nandzu eka mina, hikuva ku dyoha, a ndzi ku chava ngopfu.

Yohane 4:39

Vasamariya lavo tala va muti wolowo va pfumela eka Yesu hikwalaho ka leswi vuriweke hi wansati, loko a te: “Ú ndzi byerile hinkwaswo leswi ndzi swi endleke.”

Yohane 4:44

Yena Yesu hi xiviri xa yena a a tiyisile loko a te: “Muprofeta a nga kombiwi xichavo etikweni ra rikwavo.”

Vagalatiya 2:2

Ndzi tlhandlukele kona hi ku hlawuteriwa hi Xikwembu. Ndzi vonanile ni vafambisi va kona hi tlhelo, kutani ndzi va anekela Evhangeli leyi ndzi yi twariseke exikarhi ka vamatiko. A ndzi nga lavi leswaku leswi ndzi swi tirheke, ni leswi ndzi swi tirhaka sweswi, swi hundzuka swa hava.

Vaefesa 4:25

Hikokwalaho ke, tshikani vunwa; un'wana ni un'wana a a vule ntiyiso eka munhu-kulobye, hikuva hinkwerhu hi swirho swa miri wun'we.

Vafilipiya 1:30

Sweswi, n'wina na mina hi lwa nyimpi yin'we leyi mi ndzi voneke ndzi lwa yona, leyi mi twaka leswaku ndza ha lwa yona nisweswi.

1 Petro 5:1

Sweswi ke, ndzi khongotela vakulukumba lava nge xikarhi ka n'wina, leswi na mina ndzi nga un'wana wa vona; ndzi mbhoni ya ku vaviseka ka Kriste, ni loyi a tshembaka ku averiwa ku kwetsima loku nga ta humelela, kutani ndzi ri:

Ntirho 8:10

Lava khale a va ku dyondzise, va ku byela leswi va swi twisisaka.

Marka 10:50

Kavaloko a hluvula jasi ra yena, a tlula, a ta ka Yesu.