Vaheveru 11:9 - BIBELE Mahungu Lamanene

⁹ Hi ku pfumela, ú tshamile etikweni leri a tshembisiweke rona wonge hi loko a ri etikweni ra van'wana, a hanya emintsongeni a ri na Isaka na Yakobo, vadyandzhaka va xitshembiso xin'we ni xa yena.

Testamente Leyimpsha Xichangana

⁹ Hi kupfumela, atshamile tikweni leri atshembisiweke rona afana ni muluveli tikweni ra van'wana, ahanya matendeni na ali na Izaki na Yakobe, vajandzhaka va xitshembiso xin'we ni xa yena.

Xitsonga (Bibele)

⁹ Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

Vaheveru 11:9 Referans Kwoze

Genesa 12:8

Kutani Abrama a suka kwalaho a ya entshaveni leyi yi nga vuxeni bya muti wa Betele, a fika a dzima ntsonga kona. Hi tlhelo ra vupeladyambu a ku ri ni muti wa Betele, kasi evuxeni a ku ri ni muti wa Ayi. Kutani Abrama a akela HOSI Xikwembu alitari, a xi gandzela kona.

Genesa 13:18

Kutani Abrama a rhurhisa ntsonga wa yena, a ya tshama eka Minkuhlu ya Mamre le Hebroni; kutani a akela HOSI Xikwembu alitari kona.

Vaheveru 6:17

Hikokwalaho, loko Xikwembu xi naverile ku kombisa hi ndlela leyi khorwisaka, eka lava a va ri vadyandzhaka va xitshembiso, leswaku xi nga ka xi nga tlheleli endzhaku emakungwini ya xona, xi swi tiyisile hi ku hlambanya.

Genesa 18:9

Kutani va n'wi vutisa va ku: “Ú kwihi Sara nsati wa wena xana?” A hlamula a ku: “Ú kwala ntsongeni.”

Genesa 13:3

Loko a suka edzongeni, Abrama ú yile emahlweni ni riendzo ra yena a kongoma eBetele, ku kondza a ya fika endhawini leyi a a tidzimerile ntsonga eka yona eku sunguleni, leyi yi nga xikarhi ka muti wa Betele ni muti wa Ayi.

Genesa 35:27

Kutani Yakobo a ya fika eka tata wa yena Isaka eMamre le Kiriyata-Araba (hileswaku: “Hebroni”), laha Abrahama na Isaka a va luverile kona.

Genesa 28:4

Xikwembu a xi ku nyike minkateko ya Abrahama, wena ni vatukulu va wena, leswaku u teka tiko leri u luveleke eka rona ri va ra wena, ri nga tiko leri Xikwembu xi ri nyikeke Abrahama!”

Genesa 25:27

Loko majaha lawa ma ri karhi ma kula, Esawu a va muhloti lonkulu, a tshama enhoveni, kasi Yakobo yena a a ri munhu wo rhula, loyi a a titshamela ekaya.

Genesa 23:4

“Mina ndzi munhu wa le handle loyi a luveleke exikarhi ka n'wina; kutani sweswi ndzi kombela leswaku mi ndzi nyika ndhawu leyi yi nga ta va ya mina yo lahlela eka yona, leswaku ndzi ta lahla mufi wa mina ndzi hambana na yena.”

Genesa 18:6

Kavaloko Abrahama a hatlisa a ya eka Sara entsongeni, a fika a ku: “Hatla u teka swirhundzu swinharhu swa mapa lamanene, u ma pfuva u sweka swimbhundzwa.”

Genesa 17:8

Tiko leri u luveleke eka rona, ri nga tiko ra Kanana, ndzi ta ku nyika rona hinkwaro, ri va ra wena ni vatukulu va wena hilaha ku nga heriki, kutani mina ndzi ta va Xikwembu xa vona.”

Genesa 36:7

Esawu na Yakobo a va ri na swilo swo tala swinene, lero a va nga ta tshama endhawini yin'we, naswona eka tiko leri a va luvele eka rona a va nga ta kuma madyelo yo ringana ya swifuwo swa vona.

Genesa 47:9

Yakobo a hlamula hosi Faro a ku: “Sweswi swi endla malembe ya 130 ndzi ri karhi ndzi hanya hi ku tsendzeleka laha misaveni. Ndzi hanyile malembe matsongo, kambe ndzi vonile maxangu layo tala; malembe lawa a ma ringani ni lawa vatatana va hanyeke wona va ri karhi va tsendzeleka laha misaveni.”

Pisalema 105:12

Enkarhini lowu, Vaisraele a va ha ri vatsongo, a va nga tivikani, naswona a va ha ri valuveri,

Yeremiya 35:7

Naswona mi nga tshuki mi tiakela tindlu, ni ku rima mi nga rimi; mi nga byali mirhi ya vhinya ni masimu ya kona mi nga tixaveli, hikuva mi ta tshama emintsongeni vutomi bya n'wina hinkwabyo. Loko mi endla sweswo, mi ta hanya malembe layo tala etikweni leri mi luveleke eka rona.’

Genesa 21:34

Abrahama ú tshamile malembe yo tala etikweni ra Vafilista a ri muluveri.

Genesa 31:25

Hiloko Labani a kuma Yakobo. Enkarhini lowu, Yakobo a a dzimile ntsonga wa yena emagangeni ya Giliyadi, kutani Labani ni va ka vona va fika va gova kwala magangeni ya Giliyadi.