Vaheveru 11:7 - BIBELE Mahungu Lamanene

⁷ Hi ku pfumela, Nowa ú yingisile swinene loko Xikwembu xi n'wi tsundzuxa hi ku n'wi byela leswi a swi nga si vonaka; kutani a aka ngalava ku ta ponisa va ndyangu wa yena; hi ku endla sweswo, ú avanyisile misava, a va a amukela ku lulama loku nyikiwaka hi mhaka ya ku pfumela.

Testamente Leyimpsha Xichangana

⁷ Hi kupfumela, Nowa ayingisile svinene loko Xikwembu ximutivisa lesvi asvingasivoneka; kutani ayaka ngalawa kutaponisa va njangu wa yena; hi kuyendla svosvo, ayavanyisile misava, ava ayamukela kululama loku kunyikiwaka hi mhaka ya kupfumela.

Xitsonga (Bibele)

⁷ Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

Vaheveru 11:7 Referans Kwoze

Genesa 6:13

Kutani Xikwembu xi ku ka Nowa: “Ndzi ni makungu ya ku herisa vanhu hinkwavo, hikuva misava yi tele tihanyi hikwalaho ka vona. Kutani ndzi ta va herisa swin'we ni misava.

1 Petro 3:20

leyi eku sunguleni yi nga yingisangiki Xikwembu loko xi lehisa mbilu xi yima xi nga endli nchumu, enkarhini lowu Nowa a nga lunghisa ngalava ha wona. Engalaveni leyi ku nghenile va nga ri vangani, hileswaku vanhu va 8, lava ponisiweke ha yona ematini.

Ezekiele 14:14

mina HOSI N'wini wa hinkwaswo ndzi ri: Hambiloko vavanuna lava vanharhu, Nowa na Daniele na Yobo, a vo va kona etikweni rero, ku lulama ka vona a ku ta ponisa vona vinyi ntsena.

Varhoma 4:13

A ku nga ri hi mhaka ya ku yingisa Nawu, loko Abrahama ni vatukulu va yena va tshembisiwile leswaku misava yi ta va ndzhaka ya vona, kambe a ku ri hikwalaho ka ku lulama loku nyikiwaka hi mhaka ya ku pfumela.

Luka 17:26

“Hilaha swilo swi humeleleke hakona emasikwini ya Nowa, swa ha ta humelerisa xisweswo emasikwini ya N'wana-wa-Munhu.

Vafilipiya 3:9

ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.

Vagalatiya 5:5

Loko a ri hina, hi ni ku tshemba leswaku Xikwembu xi ta hi endla lava lulameke emahlweni ka xona, kutani hi swona leswi hi swi langutelaka, hi matimba ya Moya lowu tirhaka eka hina, hi ku pfumela loku hi nga na kona.

Ezekiele 14:20

mina HOSI N'wini wa hinkwaswo ndza tiyisa ndzi ri: Hambiloko Nowa na Daniele na Yobo a vo va kona, a va nga ta kota ku ponisa vana va vona; ku lulama ka vanhu lava a ku ta ponisa vona vinyi ntsena.”

Vaheveru 5:7

Emasikwini ya yena ya ku hanya la misaveni, Yesu ú khongerile ni ku kombela hi ku titsongahata, a huwelela hi matimba ni ku rila hi mihloti, eka Xikwembu lexi a xi ri ni matimba ya ku n'wi ponisa eku feni, kutani ú yingisiwile hikwalaho ka xichavo xa yena.

Varhoma 3:22

Hileswaku Xikwembu xi endla vanhu va va lavo lulama hi ku pfumela ka vona eka Yesu Kriste; xi endla leswi eka hinkwavo lava pfumelaka, hikuva a ku na ku hambana:

Varhoma 1:17

Eka yona ku hlavuteriwa hilaha vanhu va endliwaka lava lulameke hi Xikwembu hakona; leswi swi kumiwa ntsena hi ku pfumela, nkarhi hinkwawo, hilaha Matsalwa ma vulaka hakona ma ku: “Loyi a endliwaka la lulameke hi ku pfumela, ú ta hanya.”

Matewu 3:7

Kambe loko a vona Vafarisi ni Vasaduki lavo tala va ta ku ta khuvuriwa hi yena, a ku ka vona: “Rixaka ra timhiri, i mani la nga mi tsundzuxa ku baleka vukari bya Xikwembu lebyi taka xana?

Swivuriso 27:12

Munhu la twisisaka, ú vona khombo ra ha ri kule kutani a tumbela, kasi lowo-ke-mano, ú tihoxa eka rona, kutani endzhaku a tilaya.

Genesa 7:23

HOSI yi herisile swivumbiwa hinkwaswo leswi hanyaka emisaveni: Vanhu, ni swiharhi, ni swikokovi, ni tinyanyana, swi herisiwa hinkwaswo, ku pona ntsena Nowa ni lava a a ri na vona engalaveni.

2 Petro 3:6

Hi rito rero, misava leyi a yi ri kona enkarhini wolowo, yi dyiwile hi mati ya ndhambi, yi lova.

2 Petro 2:5

a xi tsetselelanga misava ya khale, kambe xi hlayisile Nowa mutwarisi wa leswo lulama, swin'we ni vanhu van'wana va 7, enkarhini lowu xi nga nisa ndhambi emisaveni ya vanhu lava a va nga ri na mhaka na xona;

2 Petro 1:1

Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:

Vaheveru 11:1

Kutani ke, ku pfumela i ku tshemba loku tiyeke ehenhla ka swilo leswi languteriwaka, ni ku kholwa swinene hi tlhelo ra swilo leswi nga voniwiki.

Varhoma 10:6

Kambe ku lulama loku humaka eku pfumeleni, ku vula leswi: “U nga tshuki u tivutisa leswaku xana la nga ta tlhandlukela etilweni i mani, hikuva ku vula sweswo i ku xikisa Kriste.

Varhoma 4:11

A a nga si yimba, ú yimbisiwile ndzhaku. Kutani ú nyikiwile ku yimba wu ri mfungho wo tiyisa ku lulama loku a ku kumeke hi ku pfumela, loko a nga si yimba. A swi ri leswaku Abrahama a ta va tatana emoyeni eka hinkwavo lava pfumelaka, kutani va hlayiwa lava lulameke hambiloko va nga yimbanga.

Matewu 24:38

Hikuva emasikwini walawo, loko ndhambi ya mati yi nga si ta, vanhu a va ri eku dyeni, va nwa, va hlomisa ni ku hlomiselana, ku ko ku fika siku leri Nowa a ngheneke engalaveni ha rona;

Matewu 24:25

Maswivo, ndzi mi byerile timhaka leti, ti nga si humelela;

Genesa 19:14

Hiloko Lota a huma a ya byela majaha lawa a ma lava ku teka vana va yena, a ku: “Pfukani mi huma emutini lowu, hikuva HOSI Xikwembu xi le kusuhi ni ku wu herisa.” Kambe vakon'wana lava va yena, a va vona wonge ú le ku va vungunyeni.

Genesa 7:5

Kutani Nowa a endla hinkwaswo leswi HOSI Xikwembu xi n'wi leriseke swona.

Genesa 6:9

Leti i timhaka ta va ka Nowa. Nowa a a ri munhu wo lulama, loyi a a tsakisa Xikwembu ku tlula vanhu hinkwavo lava a va ri kona emisaveni; naswona a a ri ni xinakulobye ni Xikwembu.

Varhoma 9:30

Kutani sweswi hi ta ku yini ke? Hi ta ku: Vamatiko lava a va nga lavi ku va lavo lulama eka Xikwembu, va kumile ku lulama koloko, hi mhaka ya ku pfumela.

Swivuriso 22:3

Munhu la twisisaka, ú vona khombo ra ha ri kule, kutani a tumbela, kasi lowo-ke-mano, ú tihoxa eka rona, kutani endzhaku a tilaya.

Matewu 24:15

“Kutaku loko mi vona xilo xa manyala lexi onhetelaka lexi vuriweke hi muprofeta Daniele, xi ri exivandleni lexo hlawuleka (la hlayaka a a twisise),

Genesa 8:16

“Huma engalaveni ni nsati wa wena, ni vana va wena ni vasati va vona,

Genesa 6:22

Hiloko Nowa a endla swilo leswi hinkwaswo, hilaha Xikwembu xi n'wi leriseke hakona.

Ezekiele 33:5

ú twile mhalamhala loko yi biwa, kambe a nga endlanga nchumu ha swona; hikokwalaho rifu ra yena i mhangu ku tilavela. Loko ingi a pfumerile ku tsundzuxiwa, a a ta va a ponisile vutomi bya yena.

Matewu 2:12

Kuteloko va tivisiwile enorhweni leswaku va nga ha hundzi hi le ka Heroda, va tlhelela karikwavo hi ndlela yin'wana.

Vaheveru 8:5

va tirha ntirho lowu nga xifaniso ni ndzhuti wa leswi tirhiwaka ematilweni. Swi fana na Muxe: Loko a lavile ku yimisa Ntsonga, ú lerisiwile hi Xikwembu, lexi nga te: “U vona leswaku u endla hinkwaswo hi ku landza leswi u kombiweke swona entshaveni.”

Vaheveru 12:25

Tivoneleni leswaku mi nga aleli loyi a vulavulaka. Lava aleke ku yingisa mutsundzuxi wa vona laha misaveni, a va ponanga. Hikokwalaho, xana hina hi nga ponisa ku yini, loko hi ala ku yingisa loyi a hi tsundzuxaka a ri ematilweni xana?

2 TIHOSI 4:5

Wansati a suka, a ya tipfalela endlwini na vana va yena. A chulula mafurha, vana va ri karhi va kangatela swibya.

Ntirho 35:8

Ku homboloka ka wena ku vavisa munhu-kuloni, na kona ku lulama ka wena, ku pfuna yena ntsena.