Vaheveru 11:40 - BIBELE Mahungu Lamanene

⁴⁰ Hikuva Xikwembu a xi ri ni makungu man'wana lama antswaka hi tlhelo ra hina, leswaku va nga endliwi lava hetisekeke ehandle ka hina.

Testamente Leyimpsha Xichangana

⁴⁰ Hikuva Xikwembu axili ni makungu man'wana lamanene hi tlhelo ra hina, lesvaku vangayendliwi lavahetisekeke loko hina hingali kona.

Xitsonga (Bibele)

⁴⁰ hikuva Xikwembu xi hi lavele xin'wana lexikulu ku tlurisa, leswaku va nga tshuki va hetiseka, hina hi nga ri kona.

Vaheveru 11:40 Referans Kwoze

Nhlavutelo 6:11

Kutani un'wana ni un'wana wa vona a nyikiwa nguvu yo leha leyo basa; va byeriwa ku ya emahlweni ni ku wisa nkarhinyana kambe, ku ko ku hetiseka ntsengo wa malandza-kulobye ni wa vamakwavo, lava va nga ta dlawa ku fana na vona.

Vaheveru 8:6

Kambe hilaha timhaka ti yimeke hakona, Kriste ú kumile ntirho lowu tlulaka ngopfu lowa khale hi ku saseka, tanihi leswi ntwanano lowu a nga muyimeri wa wona wu nga wa ku antswa, hikuva lowa khale wu bohiwile hi ku ya hi switshembiso leswi nga swa ku antswa.

Vaheveru 7:19

(hikuva Nawu a wu endlanga xilo ni xin'we xi va lexi hetisekeke); hi tlhelo rin'wana ku tisiwile ku langutela lokuntshwa, loku ha kona hi tshinelelaka Xikwembu.

Vaheveru 9:23

Loko swi ri tano, a swi fanerile leswaku swilo leswi swi fanisaka kunene swa le tilweni, swi basisiwa hi ndlela leyi; kambe swilo swa le tilweni hi swoxe, a swi fanele ku basisiwa hi magandzelo lama tlulaka walawo.

Vaheveru 5:9

Kutani loko a endliwile la hetisekeke, ú hundzukile xihlovo xa ku ponisiwa loku nga heriki eka hinkwavo lava va n'wi yingisaka,

Vaheveru 7:22

Leswi swi endla leswaku Yesu a va mutiyisi wa ntwanano wa ku antswa.

Vaheveru 11:16

Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.