Vaheveru 10:23 - BIBELE Mahungu Lamanene

²³ A hi khomeleleni hi tiya eku languteleni loku hi ku twarisaka, hi nga kanakani, hikuva loyi a hi tshembiseke wa tshembeka.

Testamente Leyimpsha Xichangana

²³ Ahikhomeni svitiya kulanguteleni loku hikutwalisaka, na hingakanakani, hikuva lweyi ahitshembiseke watshembeka.

Xitsonga (Bibele)

²³ ni miri wa hina wu hlantswiwile hi mati lama tengeke. A hi tiyiseleni eku tivuleni ka ku tshemba ka hina, hi nga ri na ku tsekatseka, hikuva la hi tshembiseke wa tshembeka.

Vaheveru 10:23 Referans Kwoze

1 Vatesalonika 5:24

Loyi a mi vitanaka wa tshembeka, kutani ú ta swi endla.

1 Vakorinto 1:9

Xikwembu xa tshembeka, xona lexi xi mi vitaneleke ku va ni xinakulobye ni N'wana wa xona Yesu Kriste Hosi ya hina.

2 Vatesalonika 3:3

Kambe Hosi ya tshembeka: Yi ta mi tiyisa ni ku mi sirhelela eka Lowo biha.

Vaheveru 6:18

Sweswi ke, ku ni swilo swimbirhi leswi nga hundzukiki, leswi eka swona swi nga endlekiki leswaku Xikwembu xi kumeka xi ri muhembi. Kutani hina lava hi chaveleke eka xona, hi ta tiya nhlana swinene, hi amukela hi mandla mambirhi ku langutela loku ku vekiweke emahlweni ka hina.

Tito 1:2

byi nga lebyi akiweke ehenhla ka ku tshemba vutomi lebyi nga heriki. Xikwembu lexi nga riki na ku hemba xi hi tshembisile vutomi lebyi minkarhi yi nga si va kona;

Vaheveru 3:6

Kambe Kriste, ú tshembekile tanihi n'wana la nga n'wini endlwini ya Xikwembu. Kutani hina hi yindlu ya xona, loko hi khomelela hi tiya, eku tshembeni ni le ku tlangeleni ka hina hi tlhelo ra swilo leswi hi swi langutelaka.

1 Vakorinto 10:13

A mi si humeleriwa hi miringo leyi tlulaka matimba ya munhu. Xikwembu xa tshembeka, xi nga ka xi nga pfumeri leswaku mi hlangana ni ndzingo lowu wu mi hlulaka; loko wu tshuka wu mi tela, xi ta mi nyika matimba ya ku tiyisela, mi ko mi huma eka wona.

Nhlavutelo 3:11

Ndzi ta ta ku nga ri khale. Khoma leswi u nga na swona u tiya, leswaku ku nga vi na loyi a nga ta ku tekela harhi ya wena.

Yakobo 1:6

Ntsena, a a kombele hi ku pfumela, a nga kanakani, hikuva loyi a kanakanaka, ú fana ni gandlati ra lwandle leri biwaka ri yisiwa hala ni hala hi mheho.

Vaheveru 11:11

Hi ku pfumela, Sara hi xiviri xa yena ú kotile ku va a tika hambileswi a a ri mhika, a hundzeriwile hi nkarhi, hikuva ú tivile leswaku loyi a n'wi tshembiseke wa tshembeka.

Vaheveru 4:14

Loko swi ri tano, leswi hi nga ni Muprista Lonkulu swinene loyi a tsemakanyeke matilo, a nga yena Yesu N'wana wa Xikwembu, a hi khomeni hi tiya evukhongerini bya hina.

Vaheveru 3:14

Hikuva hi ni ku averiwa eka Kriste ntsena loko hi khomelela hi tiya ku yisa emakumu, eku tshembeni ka hina loku ko sungula,

Pisalema 26:1

We HOSI, kombisa leswaku a ndzi na nandzu, hikuva ndzi endlile leswinene ntsena; mina a ndzi tshiki ku titshembela wena.

Swirilo 3:23

ti vonaka ti ri tintshwa siku rin'wana ni rin'wana. Ku tshembeka ka wena HOSI, i kukulu!

2 Vakorinto 9:13

Ntirho lowu i xikombiso xa ku pfumela ka n'wina, kutani va dzunisa Xikwembu hikwalaho ka swona: Evhangeli ya Kriste, mi yi twarisile, mi tlhela mi endla leswi yi vulaka swona, loko mi ri karhi mi avelana ni vahlawuriwa hinkwaswo leswi mi nga na swona, mi avela ni vanhu van'wana, hi ku hanana lokukulu.

Vaheveru 3:1

Loko swi ri tano, vamakwerhu lava hlawulekeke, lava na n'wina mi averiwaka ku vitaniwa ka le tilweni, anakanyani Yesu, murhumiwa wa Xikwembu ni Muprista Lonkulu wa vukhongeri bya hina.